السلام عليكم ورحمة الله وبركاته
انا طالبة في المستوى الثالث فرع جدة عديت التحضيري ولله الحمد بس طبعا بداية الترم حسيت بحوسة وماكنت فاهمة نظام الجامعة عدل ف اتمنيت احد يفهمني
المهم انا حااابه اساعد للي تبغى مساعده اي حاجة تبو تعرفوها ان شاءالله اقدر افيدكم يعني بخصوص طبيعية المواد والمدرسات وكذا يعني

راسلوني ع الخاص

وششششكرا

يعطيك العافيه الله يكثر من الناس الطيبه الي كذا

جزاك الله خيرا اختي
راح نستفيد من خبرتك انا طالبه مستجده فرع جده

الله يكثر من امثالك .... اتا انقبلت مبدئي وانتظر القبول النهائي ان شاءالله بتخصص لغه انجليزيه وترجمه فحابه تعطيني رايك بتخصيص المواد بالترم الاول الافضل اخلي الرياضيات ترم ثاني. علشان افضي للانجليزي واحسن مستواي فيه والترم الثاني يكون اسهل علي الانجليزي للنو خايفه اجمع بين الانجليزي والرياضيات والاثنين صعبه علي .. انتي ايش شايفه بما انك عرفتي مدى الصعوبه للانجليزي والرياضيات وياليت كمان اللي درسو التحضيري يشاركونا بارائهم وبارك الله فيكم جميعا

انا مشكلتي برياضيات انو ماحبها واواجه صعوبه بتعلمها علشان كذا محتاجه لراي الناس اللي درسو التحضيري وبلاخص اللي مثلي مايحبون الرياضيات !! وياليت يقولو لنا تفاصيل كل ماده من حيث الصعوبه و. اللغه اللي تدرس فيها. والدكاتره اللي يعطون محاضرات فيها يعني ح يكون كل المحاضره انجلش ب انجلش او ممكن النقاش والتساؤلات بينا عادي نتكلم عربي ونسال براحتنا هههه من جد يعني بليز اللي قبلتا لازم يوصفون لنا جو الدراسه علشان ناخذ فكره قبل مانداوم بلجامعه باذن الله

يعطيك العافيه ع المساعده وبالتوفيق للجميع

انا طالبه مستجده بفرع الاحساء تم قبولي مبدئيا وانتظر القبول النهائي بس مثلكم متخوفه من الرياضيات ما احبه

معليشش اعتذر ع التاخير
المهم اختيار المواد مو انتو اللي تختارو بينزل لكم جدول كل وحده وحظهاا بعض الطالبات نزل لهم ماث والبعض حاسب وحقيقي الحاسسب يبغاله حفظ مرره والماث اذا فهمتي حالك بيمششي سواء نزل لك حاسب ولا ماث ماتفررق والماااث جدا جدا جدا سسسهل مو بالصعوبه اللي بتتكلمو عنها بس المهم المذاكره اول باول وحضور المحاضرات الافتراضيه بعدين اول يوم حتفهمو كل شئ من المدرسه
فقط الماث والحاسب بالانجليزيه اما الاتصال والاكاديمي بالعربي وتقدرو تسالو بالعربي عااادي المدرسات مو اجانب شقر �� والمدرسات يشرحو عربي وانجليزي لا تشيلو هم دا الشئ
ونصييييحة اختبرو ستيب ع حسابكم قبل نهايه السننه لانو الجامعه تختبر طلابها ع حسابها نهايه السنه اذا اختبرتو وجبتو ٦٠ وفووق كذا تمام وعديتو حتجمع مع اعمال السنه ٢٣ وبتصير ٨٣ اما اذا اختبرتو وجبتو ٨٣ وعليها كذا ما راح تحتاجو تدرسو انجليزي سوو معاادله للغه وخلاصص

يعطيك العافيه اختي ... طيب الستيب الترم الاول او الثاني .. ولازم له كتب علشان اذاكر منه واجيب درجات فيه لان مستواي باالانجلش ما يتعدا الحروف والارقام وكلمات بسيطه نستخدمها بشكل عام يعني مو لدرجه امسك ورقه اساله انجلش واحلها

اختبار الستيب طبعا الجامعه حتختبركم اخر الترم الثاني ع حسابها بس انا انصحك تختبري انتي ع حسابك قبل ماتختبرك الجامعه زي انا اختبرتو نهايه الترم الاول قلت اجرب نفسي والحمدلله عديت من اول مره واكيد في كتب ترجعي لها وتذاكري تلقيها في مكتبه جرير كتاب معروف لونه اورنج ومكتوب عليه step