العودة   منتدى طلاب وطالبات الجامعة السعودية الإلكترونية > المنتديات العامة > مدونات ويوميات للاعضاء
أو البريد الالكتروني
 
مساحة إعلانية متاحة    مساحة إعلانية متاحة 

 

     
إضافة رد
 
LinkBack أدوات الموضوع انواع عرض الموضوع
قديم منذ /10-01-2014, 11:14 AM   #1

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
Talking هُنـآ حيثُ أنفْض أبُو اللي فـ رَاسيْ .. D=


* صورة أحد يقص شريط *

بسم الله والحمد لله والله أكبر وبه نستعين ونستفتح هالزاوية اللي بتصير لي حقتي مقتي
أقول اللي أبي وكذا يعني ومحد يدقق ويكرشني ولّا أنا وآهمة؟

إيييه يالدنيا.. مبطين عن المنتديات واليوميات والهبال
إن شاء الله إني بطيح هنآ وكل ما جا علمن براسي أببثركم وبطرحه فيزا وأصفي ذهني وتفكيري وأروق أيما ترويقة

لكل من طب هالصفحه فنجال قهيوه وتميرة








التوقيع
정말 그들이 나를 미치게 만들 ..!
  رد مع اقتباس
7 أعضاء قالوا شكراً لـ عُمدهـ على المشاركة المفيدة:

قديم منذ /10-01-2014, 11:45 AM   #2

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
افتراضي


بادئ ذي بدء < كيف الكلمه 3888
لازم أعرفكم بنفسي وأهرج القليل عن ما أحب وأكره وأشياء من هالقبيل ..

فتاة عشرينية ..
أحب أشياء كثيرة من أهمها النوم.. اللي إن صلح صلحت حياتي وإن انحاس انحاست حياتي 1888
أحب غرفتي وأحب أعتكف فيها واقضي غالب وقتي فيها وآكل واشرب فيها .. صديقتي الصدوقه
سابقاً كنت أجلس على الفوتو بالساعات وأصمم تواقيع وخلفيات مواضيع وهيدر وأشياء زي كذا 199999
أحب الهدوء وأكره ازعاج البزران البثرين.. بس إذا اجتمعت أنا والبنات صوتنآ يوصل آخر الدنيا
بحب الناس الرايئة اللي فالّه أمها وتضحك دايم وما تزعل وتنفّس علينا.. راعيين التنتيف والذب اللي بدون شينة نفس وبدون قلة حيا وكذا هم أكثر الناس قرباً لي

في مرحلة سابقة من عمري درست في قسمين واحد منهم ما كملت فيه سنتين ورسبت 3888 وسحبت على الدنيآ ترم كامل .. بعدها فكرت أرجع أدرس مره ثانيه عشان أغير جو فقط لا أقل ولا أكثر 1888
ودخلت كلية المجتمع قسم محاسبة وبديت ألقى نفسي أتديفر شوي شوي وحبيت القسم وتخرجت بدبلوم محاسبة..
وصرت أفتر أفتر أدور جامعه تقبلني عشان أكمل بكالوريوس في نفس التخصص وما تيسرت لي إلا عقب سنه ونص تقريباً بعد التخرج ..
وتيسرت هنا في الجامعة السعودية الالكترونية.. وإن شاء الله أكمل فيها وأفلح أيما إفلاح وأتخرج بمعدل حلو قداً 3888

ما أخفيكم إنه أحيانا تجيني لحظات إحباط من الإنجلش لأني كل ما قريت ألقى آراء سلبية جابت لي المرّ.. وأفكر لو عديت إن شاء الله .. التخصص مب صاير سهل
وأحيانا أقول بعدي الانجلش وبامتياز بعد مب بس اي كلام وأتحمس وأشمر كمومي.. وإن شاء الله ذا الحماس يزيد وما يخف ونعدي كلنا وننجح وننبسط ونوسع صدورنا وإن شاء الله إننا قدها وبنقدر عليها

وبس هذا اللي ذا <~ ما تعرف تختّم 199999








التوقيع
정말 그들이 나를 미치게 만들 ..!

التعديل الأخير تم بواسطة عُمدهـ ; 15-10-2016 الساعة 04:32 PM
  رد مع اقتباس
قديم منذ /08-02-2014, 12:08 AM   #3

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
افتراضي


مرحب مرحب ..



هلا والله .. يطعني والله كذا التحفيز ولا بلاش بس اللي عدوا عدوا ستيب ولا آيلتس ؟ < واضح الاحباط * فيس أبو دمعه *
إن شاء الله بسوي اللي علي وربي مب مضيع لنآ تعب ..
أهم شي أني أهبّت أبوي للخبر .. ومهدت له السالفة عشان لو لو لا سمح الله ولا قدر أخفقت ما يقول شي 199999
ومنورهـ الحته والله .. * ورده *

..

شسمه من يوم ما أجزنا وأنا ودي أجي أبربر هنآ بس تخبرون العجز .. وأصلا سبحان الله الواحد في عُمق الزنقه يدور شي يشغله وإذا فضى ما غير يتبطح ويتسدح 199999

عاد اللي كنت أبقوله لكم كان عن كتب شريتهآ من المكتبه يوم اختبرنا ماث
إيه وصح .. همآ يوم ذا كنت أكتب المشاركه وإلا يقفل المتصفح وأشوت الجهاز 1888.. بس جيت على وجهي وقلت أبكتبه مره ثانيه

نرجع للسالفه 199999
يوم اختبار الماث جوا العائلة يستلموني من الجامعه ودرعمت معهم إلا شوي يوقفون عند جرير ويله انزلوا .. وانتشرنا في المكتبه كل واحد في جهه 199999
وبحكم إني انسانه مثقفة سبحان الله .. رحت أشتري كتب ..
حست في قسم الكتب أدور شي يساعدني في الانجلش واحترت مره وش اشتري ..
لقيت كتب وآجده بس مشكلتي منيب راعية قراءة أبد أبد .. آخر عهدي بالكتب أيام الابتدآئي على المتوسط ..
بس لأن ورانا اختبار جميل صار لازم إني أضغط على نفسي

لقيت كتب عن القرامر وخذت لي واحد لونه أحمر هذي صورته ..



بس اللي عندي تمارين وأحل ما فيه شرح .. الله يثيبني شقلته وأنا مدري وش سالفته 199999 وأساسيات هو يعني شي زين أمرّن يدي وأشوف أمثله كثير < كني أرقع لعمري؟ 199999 ومير قعدت أدوره ما لقيته شكلي ناسيته في الدوام .. 1888

فيه منه نسخه سودآء بس مدري وش محتواه صراحه ..

..

الكتاب الثاني ..



معه سي دي بس عيا يشتغل مدري وش طآعونه وعلى أني بجرب في لاب توب أبوي بس نسيت
حلو فيه قرامر كثير ويشرحها مبسطه عجبني مره خاصة إني ناسيه القرامر اللي درسته وأحاول استرجعه وكذا فهذا كتاب جيد .. وفيه نماذج اختبارات .. وأتوقع ان السي دي فيه محادثات إن كان ظني في محله

..

الكتاب الثالث ما عندي صورته .. اسمه الفنون والمهارات اللازمه للتفوق في امتحانات كفاية اللغة الانجليزيه STEP وعليه صورة الكاتب اسمه محمد عبد العزيز حسن طيب ..
وكما يذكر في الكتاب بأنه يعتمد على قاعده HcN وهي القاعدة الذهبية التي صممها محمد طيب لفهم قواعد وتركيبات اللغة الانجليزي بطريقة منطقية وسهله < محد قاعد ينقش اللي على الكتاب 199999
إذا ذا بصور لكم الكتاب ..
قريت منه كم صفحه حلو وفيه شروح سهله وكذا .. وشرح جزء الاستماع جاب أسئلة ووشلون تجاوب عليها بعد ما تسمع المحادثه .. الخلاصه إنه لازم تفهم اللي سمعته لان الاجابه بالفهم تكون < علي شرح 199999

وبس يعني هذا اللي عندي .. وإذا ختمت الكتب إن شاء الله بجي وأقولكم وش الهرجه صح ..
+ فيه بنتين من كلاسنا امتحنوا الستيب .. إذا داومت بسوي لهم تحقيق وآخذ انطباعاتهم إن شاء الله وبحتري نتايجهم وإن شاء الله يصيرون معدين يااا رب

* بعد التعديل *

نسيت أقول إني يومي في المكتبه بغيت آخذ كتب للفوكاب بس هونت أنا متردده بشكل مب طبيعي خخخخ خفت آخذها وما استفيد .. + أحس الفوكاب يبي لي أمارسه على طول ولا منيب مستفيدة صدق من الكتآب .. وأحس الوقت مداهمني لو آنه على رواقة يمكن ..

+ لقيت كتب عند أمي سلسلة لغه انجليزية ومعها أشرطه فيديو على أيام الفيديو * غبار * حلوه فيها جمل اساسية من اللي نستخدمها دايم .. جآزت لي جدآ .. بس يبي لي تنظيم وقت وأحس لازم اعتمد على مصدر أو مصدرين إذا مرة كثرت ولا بتشتت .. وبس يعني








التوقيع
정말 그들이 나를 미치게 만들 ..!
  رد مع اقتباس
قديم منذ /25-02-2014, 05:12 PM   #4

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
افتراضي


السلام عليكم

تذكروُن يوم أقول لكم إني بحقق مع البنتين اللي اختبروا ستيب ؟ أدري محد حولي بس أبكتب بكيفي
حققت معهم تحقيق مبدئي < يعنني جو

قالوا الاختبار مب صعب بس دسم , خاصة الريدنق كثير , والليسننق المشكلة الصوت مب واضح .. وأهم شي السرعه ( هذا اللي أذكره )
مستوياتهم على ما اعتقد وحده 7 ووحده 11

وقبل اسبوع يمكن طلعت درجاتهم وحده جابت 69 ووحده 72
فرحت لهم كني أنا اللي ماخذتها , بغيت أصيح من الحماس
صراحة عطوني أمل وحماس ودافع .. أحس الاختبار بيصير يجنن إن شاء الله

خلاصة المشاركه : انسوا كل شي قريتوه سلبي واشتغلوا على انفسكم








التوقيع
정말 그들이 나를 미치게 만들 ..!
  رد مع اقتباس
قديم منذ /24-03-2014, 06:21 PM   #5

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
افتراضي


السلام عليكم ورحمة الله وبركاته

مسهم بالخير والسرور

..

آببدآ المشاركة بتقييم مجهول



بعد عيني أبشري .. مستمرة لين نتخرج إن شاء الله

وحدة من صديقاتي القدآمى خريجة إنجلش دخلت الاختبار وهي تقول ما حضرت له أبد .. وجآبت 83
تقول إنه تافه جداً وإنهم مسويين ذكيين بالأسئلة بس .. يعني يجيك في المحادثة يقول 7am وفي الاختيارات يقول في الصباح أو المساء وهكذا .. فهمتي الفكرة؟
بالنسبة لبنات كلاسي للحين ما سألتهم وشلون تحضروا @@

..

الأسبوع اللي راح مريت بحالة إحباط شديدة مب طبيعية
لدرجة كان عندنا كويز وبرزنتيشن إنجلش ولا حضرت لهم ولا شي ..
البرزنتيشن كان تكتبين مقالة عن شخص تحسين العالم محتاجه وكذا وليه أنتي تحسين إنه مهم وما إلى ذلك .. الموضوع أحبطني.. كرهت العالم حسيت لازم نمحيه ونجيب عالم جديد صاحي
قلت لها بكتب عن أشخاص خياليين وقويين بحكم أني آدميه ما أعيش الواقع أبد الأفلام والأكشن في مخي شايفين شغلهم
رفضت التيتشر قلت خلاص
ما اقتنعت بالعالم ليه أكتب عن شي مب مقتنعه فيه < بزر
حاولت اكتب عن علماء وكذا بس ماش ماش قسم بالله عجزت لين داومت وأنا ما سويت شي
وفي النهاية قالت التيتشر بتسوينه غصب ورجلك فوق راسك .. وعطتني لين يوم الأثنين اللي هو اليوم وبنقص 5 درجات عقاباً على تأخيري .. ولا زلت غير مقتنعه
الشي الثاني في يومها كان عندنا كويز والله من قوّ الغلقة اللي فيني أحل أي خرابيط مدري وش قاعده أكتب

مدري من وش هالغلقه وكل ما ذكرت هالستيب زادت حالة الغلقه .. الله يسهل بس
بطس أصلح البرزنتيشن اللي مغلق أم أمي

لي عودة ببربرة أخرى

* بعد التعديل *

سألت بنات كلاسي كيف حضروا للاختبار .. وحده دخلت على وشها ما حضرتش ولا حاقة .. والثانية تقول كنت أحل تمآرين الإي إف واعتبرتها زي التحضير للستيب وقالت لي إن فيه ملخص حلو عن الستيب وبتجيبه لي .. آشوفه وآقولكم وش فحواه







التوقيع
정말 그들이 나를 미치게 만들 ..!

التعديل الأخير تم بواسطة عُمدهـ ; 24-03-2014 الساعة 07:45 PM
  رد مع اقتباس
قديم منذ /30-03-2014, 11:21 PM   #6

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
افتراضي


هاي سناب شات @@ < هذي اللي فاهمه غلط
من النصاب اللي يقول عندنا ميد تيرم بكرة .. لا وحاسب .. ومن يقول إني ذاكرت
ساحبه سحبه بنت تسسلب
ياخي غلطتنآ اللي دآيم تتكرر هي أننا نقول بعدين بعدين وإذا جآ ليلة الاختبآر كلنآ تبن

الصدق أنا خلاص تبرمجت على الستيب وغيره مابي لين أخلص الستيب .. مسبب لي أزمه ودي أخلصه وافتك بعدين عطوني باقي المواد افصفص أمها
ما يصير جي أقرآ الحآسب وأنا أفكر في الانجلش .. مع إنه حلو يعني مصطلحات وكذا بس ماش..
لازلت منيب قادرة أبرمج نفسي على اختبآر الحاسب بكرة .. والمشكلة إني مرتآعه

مدري وش ذا الشعور المعفشن .. يعني لا أذاكر وارتآح ولا سآحبه على أم آبوه .. وزيآده على كذا ما نمت اليوم على اساس أبي بكره أروح وعيوني مفقعه نوم عشآن تصير قدرتي على التأليف في أوج قوتها

يا رب توفيقك








التوقيع
정말 그들이 나를 미치게 만들 ..!
  رد مع اقتباس
قديم منذ /19-05-2014, 03:03 PM   #7

طالب جديد

aaljohar9 غير متواجد حالياً

 

مواضيعي | ردودي

 رقم العضوية : 7383
 تاريخ الإنتساب : Nov 2013
 المشاركات : 25
 الجنس : أنثى
 مستوى التقييم : aaljohar9 is on a distinguished road
النقاط : 0

شكراً: 27
تم شكره 2 مرة في مشاركة واحدة
Smile استمرري


مساء الخير على الناس الرايقه والمتفائله بالعكس انا اقرا يومياتك..
وسوالفك الحلوه..استمري..
ها بشري عسى النتائج حلوووه..
انا تخصص معلوماتية صحية








  رد مع اقتباس
قديم منذ /02-06-2014, 10:50 PM   #8

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
افتراضي


اقتباس:
المشاركة الأصلية كتبت بواسطة aaljohar9 مشاهدة المشاركة
مساء الخير على الناس الرايقه والمتفائله بالعكس انا اقرا يومياتك..
وسوالفك الحلوه..استمري..
ها بشري عسى النتائج حلوووه..
انا تخصص معلوماتية صحية

مساء النور
أبشرك الحمد لله , جبت 68 , بس الجامعه حاطين لي إني راسبه ! بنراجعهم ونشوف وش الأوضاع..

وحيآتس الله







التوقيع
정말 그들이 나를 미치게 만들 ..!
  رد مع اقتباس
قديم منذ /05-06-2014, 02:04 AM   #9

 
الصورة الرمزية عُمدهـ
طالب نشيط

عُمدهـ غير متواجد حالياً

 

مواضيعي | ردودي

 رقم العضوية : 4662
 تاريخ الإنتساب : Jun 2013
 مقر الإقامة : Riyadh
 فرع الجامعة : الفرع الرئيسي بالرياض
 التخصص : بكالوريوس محاسبة
 المستوى : المستوى الثالث
 المشاركات : 257
 الجنس : أنثى
 مستوى التقييم : عُمدهـ is on a distinguished road
النقاط : 40

شكراً: 36
تم شكره 26 مرة في 3 مشاركة
افتراضي


بدايةً .. الحمد لله الحمد لله الحمد لله
أحس من كثر ما شلت هم الستيب ما تهنيت بالدراسه وما اهتميت بباقي المواد .. لو كنت عارفه أنه تافه ما كنت شلت هم والتوفيق أولاً وآخراً من الله, كنت أدعي ربي كل ما أمطرت ويوم رحنا لمكه أطوف وأدعي, وحتى وقت ما أنا أختبر كنت أقول ربي ما يضيع تعب أحد ولا يخيب أمل أحد

كنت أبي أكتب عن الاختبار أول ما طلعت يومها .. بس خبركم انشغلنا بالفاينلز وبالواجبات وبالإي إف اللي للحين ما رضيت فيه لأنهم أجحفوا حقي

الزبدة ما علي أبسولف :"
يومها طلعت متكسره وجاني نوم مب طبيعي مع الاجهاد العقلي ض1 وكان الوقت هو عدوي اللدود وقت الاختبار أطالع ساعتهم وأحل, أول مرة رن جرسهم خرش أبو قلبي فزيت فزه بس الحمد لله محد شاف الوجه المرتآعي
المهم كتوفي صالت علي ورقبتي قعدت آطقطقها ..ومن هالمنطلق أقترح على قياس يخلون فيه بريك ربع أو نص ساعه.. يعني 3 سكشنات بعدين بريك بعدين نرجع نكمل
آخر سكشن خلاص المخ وقف, صرت أحل عشوآئي بدون ما أتعب نفسي بالتفكير :"
بعد ما خلصنا يوووووه بغيت آنبطح على الأرض وأتمغط :"
طلعت صليت وجا أخوي خذني ..
قلت يا فلان نروح لمطعم ؟ قال مب شينه قلت عجل في خمس ثوآني نختار مطعم بس شرط يكون ورق عنبه خطير < لازم أعوض نفسي بشي أحبه بعد الكرف :")
وبدت الفصله
حسيت متعاطية حشيش مب رايحه أختبر ستيب, استنزف كل رزانتي وقواي العقلية.. الحلو ما طلعت منه محبطه ولا فكرت أفكر فيه.. همي أعبي بطني وبس

واحنا ننتظر الطلب دقت أمي علينا تقول وينكم فيه ؟ عاد يا ليل النكبه بتزعل لو علمناها
قال أخوي تونا طالعين من الجامعه في المواقف بنجي قالت هين ! ولا رايحين لمطعم !
قمطنا قال لا شدعوه هذانا جايين .. وباليالله سكر منها
دقايق إلا دقت على جوالي
أنا: ألو؟
هي: وينكم فيه؟
أنا: عفواً مين معي؟ < جحدت أمها
هي: أي مطعم بس؟
أنا: لو سمحتي غلطانه مضطره أسكر
هي: ( تضحك بأسلوب اليعنني قافطتكم )

المهم انقفطنا ومشى الحال خلصنا تعشينا وفليناها وتمططنا وما لطعونا وخدمتهم مخيسه بس ورق العنب يستآهل ودزينا للبيت

وهكذا انتهى يوم الاختبار ولله الحمد..

بعد ما خلصنا الفاينلز .. القروب حقنا كان في حالة تأهب قصوى واستنفار وارتهاش للدرجات واقتحموا موقع قياس < لزوم الأكشن..
وبعد ما طلعت الدرجات في البانر كانت صدمه لكل البنات .. ما قدرنا نستوعب أن ثلاث أرباع الكلاس راسب معليش لو اننا فتشب @@ !
بالنسبه لي رضيت بالأمر الواقع وقلت لين ينزلونها موقع قياس بسجل في الصيفي .. وعكس أحس جاني تفاؤل مب طبيعي قلت لو ما عديت وش المشكله!! بعيده مرة ومرتين ولو انطوى قيدي ومعد قدرت أدرس برجع أحاول أجيب الدرجه وبسجل في الكلية قسم إنجلش وأطور نفسي وبرجع أسجل في الجامعه .. كذا جآني شعور إن العمر قدآمي وأقدر أسوي اللي أبي.. وش وراي حس1 بستقعد لهم لين أجيب الدرجه وأدرس وأكمل .. أحسه عناد نفسي أكثر من أنه تفاؤل بس ينفع ما يضر

بعد ما طلعت الدرجات طلعت جايبه 68 ماش ما استوعبت .. كل شوي افتح قياس أناظر .. أول شي سويته برنت سكرين للشاشه .. وسوست خفت تتغير ههههههههههههههههههههههههههه
وقمت ولقيت القروب مرتهش صاروا أغلبهم ناجحين بس مرسبينهم لأننا دافعين الرسوم من حسابنا .. فما راحت الدرجات للجامعه زي البقيه !
المهم صرنا في نقاش شلون نعلمهم وكلن يبدي رايه .. لين راسلناهم على الايميل واليوم الحمد لله عدلوا لنا درجاتنا ..

الخلاصة: اللي ما عدّوا الإنجلش أتمنى صدق من قلبي ما تنحبطون ولا تضيق صدوركم.. ودي تدرسون عشان أنفسكم وعشان تتطورون مب عشان الستيب.. حتى اللي عدوا نفس الشي.. ما انتهينا بالعكس لازم نستمر على تطوير لغتنا عشان تفيدنا في المستقبل سواء في تخصصنا على المدى القريب أو في الوظيفه على المدى البعيد
ويا رب إن شاء الله يوفقني ويآكم وجميع الطلاب والطالبات








التوقيع
정말 그들이 나를 미치게 만들 ..!

التعديل الأخير تم بواسطة عُمدهـ ; 01-09-2015 الساعة 11:26 PM
  رد مع اقتباس
قديم منذ /15-07-2014, 10:57 AM   #10

طالب جديد

joory248 غير متواجد حالياً

 

مواضيعي | ردودي

 رقم العضوية : 10136
 تاريخ الإنتساب : Jul 2014
 المشاركات : 13
 الجنس : أنثى
 مستوى التقييم : joory248 is on a distinguished road
النقاط : 0

شكراً: 1
تم شكره 2 مرة في مشاركة واحدة
افتراضي




بمآ أني وحده مفهيه وجديده ع الجامعه أبي أعرف وش ذا الإي أف؟
وأختبار الستيب كمآن؟
> عُمده تفكر تشوتني برآ مدونتها







  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة