بسم الله نفضفض
بدون مقدمآت فيه نوعية من الناس جديّاً ترفع الضغط.. ماخذين في نفسهم مقلب إنهم هُم الآمرون النآهون واللي كلمتهم لا يمكن أحد يعصيها ويمشون رأيهم بالغصب ..

كوننا نسلك لهم أحياناً ونجاملهم مب معناته إننا راضين وجآيزن لنآ شغلهم - ولو إن تسليكنآ في المقام الأول غلط - .. بس نظام نبي نسكتهم ونفتك من وجع الرآس.. البلا إنهم مب حاسين إنهم غلطآنين أو إنهم قاعدين يتطآولون عليك :/ لا بالعكس .. يحسون من أبسط حقوقهم هالشي بأي حق تآمرون وتنهون وأنتم من الأساس ما لكم كلمه؟
في حين لو تعاملهم بنفس الأسلوب شف وش يسوون ؟ جديّاً هالنوعية لا تُحتمل !
أوكي أعرفتس وبيننآ علاقة صداقة وهبال وكذا ما قلنا شي بس مب معنآته تخنفسين فوق راسي إذا ما سويت اللي تبينه واللي أساساً منيب مجبورة أسويه ولنيب مسويته لو تتشقلبين على ورى
والمشكلة هنا أنهم ما يحبونك تعاملهم بنفس الأسلوب.. مدري هم يسوون هالشي وما يحسون أنهم يسوونه ؟ ولا واعين وفي كامل قواهم العقلية يومهم قاعدين يسوون الشي اللي ينكرونه في حتسيهم بس راضين ويشوفونه حق لهم؟..

يعني لو تجي تبدي رايك أو تقول لهم شي طبيعي عآدي جداً جداً.. يهآيطون على مخك منحب مسوين ويخنفسون لأنهم في الأساس مخنفسين وأنت المطلوب تآكل تبن عشان ما تسوي مشكلة وسالفة .. ليه يا أحبابي ض1 وش أنتم قطع الله ذا الوجيه ؟
نفس الموقف يعني أنا مثلاً منفسّة ومخنفسه ض1 وما لي خلق أحد وطلبوا شي .. ما أهاوش وأنافخ .. أرفض بشويش ض1 بس وش اللي يصير؟ هم اللي يعصبون مب أنت
مدري هو لا شافونا نضحك ونسولف دآيم يحسوننآ ما نعصب ولا ما نحس أبصم بالمليون لو إني ما أمسك نفسي وأخمّد تسبدي هاللي شابّة تسآن كل يوم أسوي مشكلة مع الخلق بس عيب يا ماما كبرنا على ذا الحركات .. تأدبي وآكتمي نفستس على الأقل عن الآوادم ولا مع نفستس في بيتكم بكيفس إن شاء الله حرقتي البيت وش دخلنا فيتس !!

صح إني أجامل وأسلك وأصلاً أنا الغلطانه أسلك لهم من البدآيه طبعي ذا كريه المفروض أعطي في الوجه وأريح مخي من ذا النوعيات.. بس في أسوء الأحوال ما تاصل لدرجة أن الوآحد خلاص ما يحترمك أبد ! لنا طآقة وفي النهاية ننفجر ونفقع أبو وجيهكم

صدقاً كلما تعمّقت علاقتك بشخص تحوم تسبدك منه أكثر مب لأن فيه عيوب .. لأ .. العيوب نتقبلها بس هم ما يشوفون أنفسهم فيهم عيب وهنا المشكلة .. يشوفونك أنت الغلطان مع أنك تحآول جججججهدك كله أنك تتغاضى وهالشي مبيّن على وجهك أنك كاظم غيظك وماسك نفسك بالعافية
يعني لو ما عجبني الشي حتى لو سلكت يبيّن على وجهي .. فـ تجينّ تطينيهآ وهي متطينه أساساً وأنتي عارفة ليه أثابك الله ؟

آخ بس يا تسبدي.. تجيني هوآجيس أني أهآجر وآسحب على ذا البشرية اللي كل يوم شكل .. كافّن عنهم خيرك وشرك.. بس إلا يفوّحون تسبدك .. مآحي(ـن) يمحي العدو

اسمحي لي اطب بصفحتك بس قسم بجلس محترمة


ماقدرت امسك نفسي من كلامك وربي حايشني الشعور دا اليومين دي مع ناس معي بالدوام.. يختي نعاملهم بحترام مو معناها ضعيفة شخصية او مالي بالعكس لاني احترمك ولطفا مني ولا وديني لو شفتي ام العبيد تركبني ان عمرك ماتكلميني بس مير الواحد احترامه لنفسي.. تدرين ايش احسن دوا للناس دي ضحي فيها والعني جدفها بيوم تكون شياطينك قايمه ساعتها بتتسنع وتعرف ان الله حق.. لا وضحي فيها قدام ناس زيها كلهم بيتسنعون النوعيه دي كتيره وحياتك عبالهم انهم بسلوبهم دا حيكونون وااااو اسود شخصيتهم قوية وهم مايصغرون الا نفسهم.. راح زمن اذا اكرمت الكريم ملكته .. جا زمن ضحي بواحد تادب الباقي ههههههههه يقهرووووون.. اعاننا الله بس


تراني جيت مدرعمه من قهري وربي فاعذرينني

تعبت * قلب مفقوش *
تخيلوا ما نمت إلا حول ١١ الضحى وقمت تقريباً وحده ونص الظهر وقاعده اتقلب لين هالحزه ولا نمت مع اني دايخخخخه
انا ونظامي في النوم استحاله نتفق

صبحكم بالخير يالعمال العماليه

عيدكم مبارك، وكل عام وأنتم بخير وصحة وسلامة
شكل كل المتواجدين زينا ما عندهم عيد
مدري وش مشقيني ومقومني من الصبح

ياخي مدونة فلة فضفضتها عجبتني بس عجبتني فصلتك على الفصيلة من الناس
اللي تتكلمي عنهم والله ياهم مرو علي كثييير من هالنوعية من اقارب وصحبا والمشكلة الدنيا الحين
الطيب والساكت والمحترم نفسه يعتبر ضعيف يعني لازم تعطيهم زئير أسد عشان يحترمون نفسهم

مدونة راقية متابعة بصمت