قبل فترة صادفني كلام محفز عن الجامعة من إحدى طالبات التجارة الإلكترونية وحبيت انقله هنا للفائدة...
(المصدر : moona_sa1 / تويتر)
اقتباس:
اقتباس:
خلال الثلاث ايام الماضيه كنت احد ممثلي الجامعه في معرض التجاره الالكترونيه بمدينه الرياض، وحابه اقولكم اعزائي الخريجين والخريجات خاصةً تخصص التجارة الإلكترونية، أن كميه الشركات والجهات اللي يبون طلاب وخريجين الجامعه مخيفه، لدرجه ان كان فيه شركات جدا كبيره تواصلت مع الجامعه اكثر من مره علشان خريجين التجاره. ورجعو ارسلو مندوبين لمتابعه الموضوع، كذلك جهات حكوميه مثل وزاره التجاره، فعليا مخرجات الجامعه شيء مشرف.
بعد تجربتي بالمعرض وفهم متطلبات معضم الجهات المتجهه للرقمنه عامةً، اكتشفت ان الجامعه فعليا مبتكره وتقدم تعليم نوعي. مختلف عن الجامعات الأخرى،، احد الزوار من خريجين السنه هذي من كليه الاعلام في جامعه الامام ذكر لي ان مقرراتهم احدثها اصدرت سنه 1998 يعلمونهم وسائل الاعلان بالصحف الورقيه واذاعات الراديو والتلفزيون ������
وفي المقابل الجامعه الالكترونيه تعليم ذاتي وبحوث مرتبطه بالسوق وفيرجوال كلاسز وتخصصاتها بين التقنيه والتجاره والاعلام الرقمي. كان جدا منبهر وانا فعلا تأكدت ان الجامعه تدفع بالتعليم العالي لمستويات جديده، متقدمه على نضيراتها بسنوات ضوئيه واكاد اقول انها بمستوى جامعات ممتازه محليا زي البترول والفيصل وعفت وافضل.
الشي هذا ممكن ما تشوفونه اليوم بما انها جامعه ناشئة ونظام التعليم فيها جديد وغريب على البعض،والجامعه تحاول تثبت نفسها، لكن خلال كم سنه اضن ان معضمكم بيقول الحمدلله اني اخترت ادرس بالجامعه الإلكترونية
اشتغلو على نفسكم، قدامكم مستقبل مبهر جدا بشكل ما تتخيلون