طريقتي في تجاوز السنة التحضيرية! السلام عليكم للي عمرهم سافرو من الطلاب .. عمرك جيت بلد ما تعرف فيها ولا شي .. لا شوارع ولا خدمات .. ضايع فيها .. وتمنيت واحد من اهل البلد يعرفها لفه لفه .. ؟؟ اجل خذ الكلام من صاحب المكان .. انا حست في بداية السنة التحضيرية .. ولكن ما طولت حتى الله هداني لطريقة طبقتها ونجحت .. والله يا جماعة ان تجاوزي للغة الانجليزية كان اعجوبة .. ايضا الرياضيات .. لو اقول لكم ان لغتي الانجليزية كانت صفر مكعب .. زي زي اي سعودي اعتمد على التعليم الحكومي الفاشل ايضا الرياضيات كان خيطي بيطي ^_^ ايضا .. كنت اواجه من الطلاب انواع الاحباط .. بس كنت ادردش مع احد المدرسين .. ونصحني بنصيحة ومسكتها قالي شوف .. السنة التحضيرية فيها اربع مواد + الانجليزي 1- مهارات اكاديمية 2- مهارات اتصال 3- رياضيات 4-مقدمة في الحاسب بحيث يكون الفصل الاول مثلا: مهارات اكاديميية + رياضيات + انجليزي الفصل الثاني مهارات اتصال + مقدمة حاسب + انلجيزي والعقبة الكبيرة والشرط الاساسي هو الانجليزي .. والباقي سهل قلت له: طيب وش تنصحني فيه ؟ قال انصحك تركز على الانجليزي .. بحيث تعطيه 90% .. وخمسة بالمية لكل مادة في الترم مسكت النصيحة .. الترم الاول ركزت على الانجليزي .. من الصفر .. وجلدت نفسي بالمذاكرة .. يوميا على الاقل ساعتين .. واحيانا في بعض الايام توصل لـ 10 ساعات .. يعني معدل 4 ساعات يوميا .. وكنت اريح نفسي الخميس والجمعة اخذت الترم الأول : مهارات اكاديمية + مقدمة في الحاسب + انجليزي .. كنت اذاكر المهارات فقط قبل الاختبار بيومين .. احفظ فصلين واقرأ بقية الفصول قراية متأنية فيها تركيز... وكذلك مقدمة الحاسب .. كنت اعتمد على التلخيص .. وكنت ادور تلاخيص .. لين اختصرت وقت كبير .. اخذت الفصل الثاني : مهارات اتصال + رياضيات + انجليزي .. لكن فيه شي كبير صار الفصل الثاني .. حطمني .. وبغى يخليني اترك الفكرة كل ابوها .. وهو اختبار الستب .. لأني اشتريت الكتاب وحفظته وفهمته عن ظهر قلب .. وتعبت بالانجليزي .. واخرتها اخذت درجة .. عيب حتى ذكرها .. قررت اني الغي التفكير في الستب .. وايضا ضحيت بمادة الرياضيات .. وحجزت موعدين في ال***** .. وركزت على القرامر والريدينق .. وحفظت اكثر من 1000 .. وكثفت الاستماع .. الاختبار الاول كان سيء بس كان افضل من الستب بكثيييييييييييير ... الاختبار الثاني جبت الدرجة .. وكدت اموت من الفرحة بعد معادلتها لي واجتياز المادة .. بقي عندي الرياضيات الآن .. ركزت عليه طول الفصل الصيفي .. والحمدلله قبل شوي طلعت النتيجة واجتزته معاناة يا جماعة والحمدلله لله تجاوزتها .. وعسى الله يوفق الجميع شي فخاطري ودي اقوله .. انا درست في الابتدائي + المتوسطة + الثانوي .. وكنت انجح بمعدلات عالية لكن والله ماستفدت ولا حسيت اني اذاكر الا في هالجامعة .. وانا اذاكر الرياضيات في الصيف .. حسيت ان طريقة التعليم في النظام جدا مغذية .. وممتعة .. ومتعددة .. كل شي يقول لك:"المشكلة بسيطة وسهله" .. كل ما اخلص جزء احس بنشوة امتلاك المعلومة .. شي رائع يا اخوان والسلام ختام :rolleyes: |
الله يوفقك يارب ويوفقنا معاك ^ ^ رفعت معنوياتنا أخوي مشكوووور .. |
مبروك والله يوفقك وجميع الطلاب والطالبات .. |
تسلم الأيادي ياكنج عن جد كنج ربي يخليك لاتبخل علينا بتجاربك |
بالتوفيق طيب يا اخوي من وين ذاكرت افيدنا ببعض الكتب او المواقع اللي ساعدتك كثير |
تسلم يدك مااقصرت،،، الله يسهلك دربك ياارب |
هذي الناس اللي تبرد القلب وتتعب على نفسها علشان مستقبلها مو اللي موجودين والاغلبية الموجودة تقط اللوم على الجامعة والضعف منهم هم اساسا بالتوفييييق اخوي بس انا مو معاك انك ترسب روحك في مواد ثانيه :p |
طيب نصيحتك للي بجميع سنوات الدراسة ضعيف بالرياضيات درجة النجاح على الحافة والى الان هي ورانا |
جعل ربي يوفقك رفت من معنوياتي و ان شاءالله ربي يوفقنا جميعا |
كلام رائع بصراحه طمنتيني شوي الله يوفقك اخوي |
الساعة الآن 02:15 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By
Almuhajir