قديم منذ /18-09-2021, 04:55 AM   #1

طالب جديد

Ab.K.F غير متواجد حالياً

 

مواضيعي | ردودي

 رقم العضوية : 41296
 تاريخ الإنتساب : Nov 2019
 مقر الإقامة : Madinah
 فرع الجامعة : فرع المدينة المنورة
 التخصص : بكالوريوس تقنية معلومات
 المستوى : غير منتسب
 المشاركات : 29
 الجنس : ذكر
 مستوى التقييم : Ab.K.F is on a distinguished road
النقاط : 0

شكراً: 2
تم شكره 5 مرة في مشاركة واحدة
Cool ليه أنا ناجح؟



تاريخ بداية الدراسة في الجامعة السعودية الإلكترونية: سبتمبر 2012
تاريخ التخرج من الجامعة السعودية الإلكترونية: نوفمبر 2018
مدة الدراسة: حوالي ست سنوات

الوظيفة الأولى: مشغل حاسب آلي
تاريخ بداية الخدمة: مارس 2019
تاريخ نهاية الخدمة: يناير 2021

الوظيفة الثانية: مبرمج وأخصائي دعم فني
تاريخ بداية الخدمة: فبراير 2021

السلام عليكم،
وأخيراً، قدرت أكتب الموضوع إللي كان في بالي. أتكلمت فيه عن أسباب نجاحي.

(أ) البعد عن أذية الناس والغيبة والبهتان

الفقرة (أ) هي أول وأهم شي لازم تسووه حتى تنجحوا في حياتكم. ما حتسمعوا هذي النصيحة إلا من عدد قليل من الناس. ما ظنيت أنكم حتسمعوها من كافر عايش في دولته لأن دولته تسمح له يستهزي ويغتاب وحتى يؤلف قصص عن أي واحد حتى الميت.

انتبهوا! لا تؤذوا غيركم ولا تتكلموا من ورا ظهورهم ولا تقولوا "فلان شكله" وهو بريء من كلامكم ولا "فلانه شكلها" وهي بريئة من كلامكم. ترا في شي إسمه مستقبل. كل شي بتسووه الآن له تأثير على وقت معين في مستقبلكم. وقت ما يجي ذاك الوقت، لحد يلوم إلا نفسه. خل أعطيكم مثال مضحك من أيام السنة التحضيرية.

واحد كتب شي في قروب الواتس أب كلام قريب من هذا: إذا طلعت من قاعة إختبار الرياضيات وإنت ضامن الدرجة الكاملة، حتسمع مصطفى يطلب من المراقب فرجار. بعدها كتب رسالة تحتها تقول ترقبوا هذي تصير على أرض الواقع. هو إستقصدني بهذا الكلام.

جا إختبار الرياضيات وحلينا.

الأسبوع إللي بعده، محد جاب الدرجة الكاملة إلا أنا وخمس طلاب. ست طلاب في فرع الدمام جابوا 25 من 25. معظم الطلاب جابوا 24. تبوا تعرفوا ليه؟ أخطئوا في السؤال الأول. السؤال قال إذا عندك عددين إشارتهم سالبة وضربتهم ببعض، وش حتكون إشارة حاصل الضرب (product)؟ السؤال كان فيه أربع إختيارات بس ما أذكر منها إلا إختيارين:

- موجب
- سالب

إللي جابوا 24 أختاروا "سالب". لو أنا جيتهم وقلت لهم "أما ما تعرفون الجواب "، حيزعلون.

المهم. أنا أخترت الإجابة الصح وكتبت شرح بسيط فوق الجواب. كل الطلاب عرفوا بأني كتبت شرح بسيط فوق الجواب. وإللي يكرهني حقد علي حتى إللي إستقصدني برسالة الواتس أب حقد علي. ولا واحد من الطلاب إللي يكرهوني حيقول هذي القصة لكم. الشَّماتين يرضوا يتكلموا عن عيوب وأخطاء غيرهم بس ما يحبوا يتكلموا لا عن عيوبهم ولا عن أخطائهم من الناس. الشماتة حلال عليهم بس إذا واحد أتشمت بيهم، صارت حرام.

في الإسلام، يجوز لي أقول أنهم "مصطفى" لأنهم قالوا أني "مصطفى" بس في ثلاث أسباب منعوني من الرد بهذي الطريقة:
- ما ظنيت "مصطفى" يغلط في سؤال بسيط مثل هذا السؤال.
- شخصياً، أشوف أن تفوقي عليهم بدرجة عقاب لهم حتى لا يحطوا نفسهم في مواقف بايخة مثل ذي.
- إذا قلدتهم، حأسيء لكل واحد إسمه مصطفى وهو برئ من أفعال وسلوك ذيك الشخصية التلفزيونية.

لو تسأل طالب متفوق في المرحلة الثانوية السؤال إللي جا في الإختبار، حيعطيك الجواب على طول وبدون ما تقوله الإختيارات. لو تقوله أن طلاب جامعيين أختاروا "سالب"، ما حيصدق ويمكن حتى يفطس ضحك عليهم.

خل أوصف لكم الطلاب إللي كرهوني لأني كنت أفضل منهم بدرجة (حتى لو كان الفرق ربع درجة، حيحقدون علي).
حيؤذوك بحركة أو فعل أو إساءة لشخصك إذا:

1- ما شافوا عندك الحاجات الإيجابية إللي عندهم
2- أو شافوا أشياء سلبية فيك بس مهي موجود فيهم.
3- أو 1 و2 صاروا.

إذا وحدة من النقاط الثلاث صارت، حينظروا لك كشخص حيظل كذا طول حياته. بس لما يشوفوا أن عندك خبرة في شي ما له علاقة بتخصصهم أو عملهم أو هوايتهم، حيحاولون يحطموك بكلامهم لأنهم حكموا عليك بالغباء ويبغوا يشوفوك زي كذا للأبد. يمكن حتى يحاولوا يؤذوك بأيديهم. كمِّل حياتك وما عليك منهم. بس إذا إنت وصلت لمستواهم في حاجة لها علاقة بتخصصهم أو عملهم أو هوايتهم، كلامهم وأفعالهم معاك حتصير أسوأ لأنهم ما يبغوك تتساوى معاهم. هم يبغونك تكون أقل منهم للأبد.
بس إذا صرت أفضل منهم، حيعاملوك معاملة العدو لأنهم يشوفوا أنك أهنتهم. إللي يعاملك بهذي الطريقة فاشل. الفاشل في نظري مهو الشخص إللي يخفق في شي. بالعكس، أخطائه بتخليه تصير أفضل. الفاشل في نظري هو الشخص إللي يؤذيك بس لأنك صرت أفضل منه. الشي إللي يضحك في الفاشل هو أنه ما حيقولك بلسانه أنه أقل منك. حيعطيك خبر بلغة جَسَدَهْ هههههههههههههههه . لا تحزن. حركات أجسادهم هذي أحد مؤشرات تقدمك. في طلاب في الجامعة ما قدروا يقولوا أني كنت أفضل منهم بس لغات أجسادهم كنت بليغة ههههههههههههه. حتى المدرسين. إذا شفت مدرس حركاته زي حركاتهم مع أنك جاوبت على أجوبة صح وجاوبت على أسئلة الطلاب ما عرفوا لها، فهذا مؤشر ثاني على تقدمك ويمكن معناها أن المدرس ما يبغاك تتساوى معاه وما يبغاك تتميز عن بقية الطلاب.

في صفة ثانية في الفشلة. إذا ما لقوا شي فيك ينتقدوه، حينتقدوا أشياء سويتها في الماضي (درجة نازلة، جواب غلط...إلخ) أو يحاول يحسسوك بأن الشي الصح إللي بتسويه مسخرة (يعني إذا مثلاً كنت مجتهد، حيقول عنك مصطفى فما عليك منه وكمِّل طريقك لأن محد يقدر يوصل لشي إلا إذا أجتهد.).

إذا الفاشل آذاك، أقل شي حيصير حاجة من حاجتين:
- إما تصير حاجة سلبية في حياته.
- أو تتفوق عليه وحيشوف إرتفاعك عنه غصباً عنه.

إللي ما يبغى يعيش حياة الفاشلين، يطور نفسه ويحاول يصير أفضل. إذا آذيت واحد، حتدفع ثمن الأذية في المستقبل. شفتوا الكورونا؟ قبل ما تطلع، في واحد مشهور عند الغرب كتب تغريدة عام 2019 تقول:

"Year 2020 smells like success".

وجات الكورونا. هل كان عام 2020 عام نجاح؟ بالمثل، إذا تؤذي واحد وإنت تحسب أنك حتعيش مرتاح لنهاية حياتك، حتتفاجأ بشئ سلبي يصير لك. لو آذيت واحد وما شفت تغيير سلبي في حياتك للآن، أستناه لأنه جايك. يمكن يصير بعد شوي. يمكن بكرة. يمكن بعد شهر. يمكن بعد سنة. يمكن بعد عشر سنين. يمكن بعد 20 سنة. الله أعلم. أنتبهوا لا تغتروا بنفسكم بعد ما تؤذوا غيركم. ما تسمعون بـ "الدنيا دوارة"؟

أنا متأكد أن بعضكم إذا ترك الكلام عن عيوب الناس، حيحس نفسه طفشان. في سبب وهو أن معظم سواليفه حش في الناس. بدال ما تضيعوا أوقاتكم في الحش في غيركم، طوروا نفسكم وحسنوا مهاراتكم ويمكن توصلون لمراحل معظم الناس يتمنون يوصلوها بس ما يعرفون كيف.

تذكروا! كل كلمة تقولوها وكل حركة تسونها الآن لها تاُثير على مستقبلكم. لو أنا إستهزأت بواحد نَطَق كلمة إنجليزية غلط أو جاب لا سمح الله صفر في الإختبار، ما أعرف وش حيصير لي. يمكن مستواي في الإنجليزي ينزل. يمكن أنطق أقصر كلمة في الإنجليزي غلط. يمكن أرسب في مادة الإنجليزي. يمكن ما أتخرج من الجامعة. يمكن ما ألقى وظيفة فترة طويلة ولو كان معدلي 4 من 4. يمكن أجلس طول عمري أشتغل في وظايف ما لها علاقة بتخصصي. يمكن راتب إللي ضحكت عليه حيكون أعلى من راتبي. يمكن لو أشتغلنا في نفس المكان، يمكن تجيه ترقية وأنا ما حأقدر أتقدم نص خطوة في عملي حتى لو عرفت كل شي في مجال الكمبيوترات من الهاردوير لأنواع تشفير البيانات. لازم أكون واقعي شوي! هو صح مستواي في الإنجليزي أعلى من معظم الطلاب. بس لازم ما أنسى أني وصلت هذا المستوى قبلهم. يعني حتى هم يقدروا يوصلوا للمستوى إللي أنا فيه. أنا بس وصلت له قبلهم.

في أوقات الواحد يدفع ثمن أذيته قدام الناس وهو ما يدري. خل أقولكم قصة صارت في محل ملابس أشتغلت فيه. في إثنين دخلوا وشافوا نفسهم علي. فقام واحد منهم قال "عطني نفس المقاس بس أكبر." أظنه قال "عطني نفس المقاس بس أصغر. " لبس بمقاسين؟....................لبس بمقاسين؟! الطلاب إللي بيؤذوني حالياً ما يدرون أنهم بيدفعوا جزء من الثمن وهم ما يدرون. حأتكلم عنها بس مو الآن.

وفي أوقات الواحد يدفع ثمن أذيته قدام الناس عن طريق خطأ صغير ما تتوقعه من شخص كبير. هذي قصة صارت في عصر من العصور. واحد أخطأ في قراءة سورة الكافرون. فجا واحد وأستهزء به. وش صار بالمستهزئ؟ غلط في قراءة أول سورة في القرآن. وش هي أول سورة في القرآن؟
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
إللي قال سورة البقرة، فكر مرة ثانية لأن سورة البقرة مهي أول سورة في القرآن. وش هي السورة؟
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
صح! الجواب هو سورة الفاتحة. وهذي سورة نقرأها في كل ركعة.

كيف تبغون تعيشون مرتاحين بعد ما تؤذون غيركم؟ أنا أعرف ناس يبون حياتهم تصير أفضل بس أشوفهم يتكلمون عن عيب في فلان وعن فلان إللي أحرج نفسه ويقولوا كلام قريب من "فلان شكله حيسوي..." ولا "فلان شكله حيصير..." أو "فلانة شكلها حتسوي..." ولا "فلانة شكلها حتصير...". . فوق كل هذا، بأشوفهم يعيشوا حياة أسميها حياة المستهلكين. يذمون غيرهم على أقل الأشياء بس لما تنقلب الأدوار يقولوا الناس مكبرة السالفة. ليه تستهزئون بغيركم؟ تراهم زيكم يقدروا يتغيروا ويصيروا أفضل. إذا كانت الحياة إستحقار الناس إللي ما عندهم إللي عندك، حتلقى ناس تستحقرك لأن ما عندك إللي عندهم. فلا تزعل إذا عاملوك الناس مثل ما بتعامل بعض الناس. كلامي هذا موجه لكم يا إللي وقف في طريقي وأنا طالب في الجامعة الإلكترونية. مثل ما أتهمتموني بالفلسفة وغيرها من الإتهامات وأنا برئ منها، أقدر أستهزئ بإللي ما لقى وظيفة منكم للآن وأقدر بعد أستهزء إللي جلس سنة ما قدر يتوظف بشهادة مكتوب عليها "تعليم مدمج". لما درست معكم، ولا واحد فيكم تَوَقَّع أني حأكون في وظيفتي الثانية هذي السنة! أنا كنت طالب في الجامعة الإلكترونية عام 2012 و2013 و2014 و2015 و2016 و2017 و2018. خلال كل سنة من هي السنوات، آذيتوني بس ولا واحد منكم كان يتوقع أني حأستفيد من شهادتي. كل ريال دفعتوه كأنه إستثمار بدون مردود. تعب على الفاضي. لما كانت الرسوم 130 ريال، كل واحد فينا دفع حوالي 16 ألف ريال قبل ما يتخرج. ما أقول أنكم ما حتلقون وظيفة للأبد. إللي أبغى أوصله هو أن لا تخربوا على نفسكم فرص أو تعكروا حياتكم بكلام تافه زي "فلان شكله..." ولا "فلانة شكلها...". ولا تجلسون على جنب وتتشمتون بأفعال وكلام الناس إللي بتروح وتجي على بالكم أنكم فاهمين كل شي في الدنيا. أعيد وأكرر! ترا في شي إسمه "مستقبل" والحاضر هذا ما حيدوم للأبد. آذيتوني وحسبتوا أني ما حألقى إللي تبغوه وإنتوا حتلقوا إللي تبغوه. بعد كل هذي السنين، أنا لقيت إللي تبغوه وإنتوا للآن تبغوا إللي عندي. أنا همي الآن أفهم أشياء أكثر في الوندوز قبل ما أنتقل للينكس والأمن السيبراني. بعضكم همه الآن يلقى وظيفة بالشهادة .
"كما تدين تدان" . لا كلمة "مصطفى" فادتكم. ولا إتهامكم لي بالفلسفة فادكم. ولا حقدكم فادكم. ولا كلام زي "شكله..." فادتكم. ولا الأذيتكم لي بالكلام واليد فادتكم.

إللي يبغى يترك حياة الفاشلين:

- يترك عيوب غيره وبعد فترة حيكتشف أن حتى هو عنده عيوب وحيستحي من نفسه . بس لو أفترضنا أنه عاش سنين بدون عيوب وقام إستهزأ بواحد ولا ناس بس لأنهم مهم زيه، حيصير عنده عيوب وحتصير حياته سيئة غصباً عنه . في دولة من الدول العربية كانت غنية بس كفرت بأحد النعم إللي الله منَّه عليها. فعاقبها الله. فانتبه لا يكون مصيرك زي مصيرها. واحمد ربك على الأشياء إللي عندك وكمل حياتك بدون ما تؤذي غيرك. تِذْكروا لما قلت لكم أن الكافر ما حينصح الناس بالبعد عن الغيبة وغيرها من أشكال الأذية؟ على حد علمي، في واحد منهم تكلم عن هذا الشي. إسمه جوردان بيترسون. قال "طول حياتي كطبيب نفسي، ما قاد شفت أحد يؤذي غيره ويهرب من العقاب". ما أذكر الفيديو بالكامل بس بيترسون شبَّه المؤذي بواحد يقرص العالم ويلويه حتى يحصِّل شي بطريقة غير عادلة. بعدها بيترسون قال بعد فترة الإلتواء حيضرب المؤذي مثل المطاط.

- البعض يحسب نفسه ذكي. لما يجلس في مجلس منغلق عن العامة، حيغتاب في واحد لأن محد بيراقبه. ناس مثله في نظري جبناء. حتى كلمة "جبان" صار لها تعريف خاص عندي. الجبان هو الشخص إللي ما حيؤذيك إلا إذا عرف أنك ما حتقدر تسوي له شي.

قبل ما أنهي الفقرة (أ)، لازم أذكر حاجتين مهمة حتى محد يتحطم في يوم من الأيام:

- يمكن تشوفوا ناس لسانها طويل أو ناس تسرق أو...إلخ ويلقون وظيفة وإنتوا ما تلقوا أي وظيفة مع أنكم ما أسأتوا لأحد لا في وجهه ولا من ورا ظهره. أنا عشت فترات زي هذي. حأذكر لكم وحدة منها. إللي ما يعرفني، أنا من طلاب الدفعة الأولى بس تخرجت بعد طلاب الدفعة الأولى بسنتين وكم شهر. أخذت حرمان في أظن أربع مواد. رسبت في حوالي ست مواد لأني ما قدرت أحضر إختباراتها النهائية. عدد المواد إللي حذفتها حوالي ست مواد. أعذرت مرتين عن الدراسة. فوق كل هذا، صرت من القلة إللي توظفت بشهادة الجامعة السعودية الإلكترونية.

حأعطيكم مثال ثاني من حياتي الشخصية: لما سويت المقابلة الشخصية لوظيفتي الأولى، كانوا حيحطوني في قسم البرمجة (وهذا المجال أفضِّله على بقية المجالات). فقالوا لي أداوم في مجال الدعم الفني أسبوع بعدها حيحولوني لقسم البرمجة. خلص الأسبوع وقالوا أكمل عملي في الدعم الفني. أنا تحطمت شوي بس بعد كم شهر علَّمت نفسي موجه الأوامر (Command Prompt) والبورشل (Powershell) وهم زي لغات البرمجة. تقدروا تقولوا أني دخَّلت البرمجة لعملي كموظف دعم فني. عن طريق ذول اللغتين، قدرت أسوي حاجات مثل برنامج يِسَرِّع الأجهزة البطيئة. الحمد لله أني كنت وما زلت موظف في الدعم الفني. وللآن بأفيد زملائي في الدعم الفني.

صح حتنغبنون لما تشوفوا السيِّئ لقى شي إنت ما قدرت توصله مع أنك 1) سويت كل شي مطلوب منك و 2) ما أسأت لأحد و 3) جلست فترة تنقاس بالسنين تشتغل بجد حتى توصل لشي معين. فترات زي ذي تخليك تحس بأن كل إللي سويته في الماضي وكل شي ضحِّيت بيه (وقت، فلوس...) صار ماي مكبوب على التراب. والوقت للأسف ما يرجع ولو جزء واحد من الثانية. بس حيجي يوم من الأيام الله يثبت لك أن جهدك ما راح. متى هذا اليوم يجي؟ يمكن بعد شوي. يمكن بكرة. يمكن بعد شهر. يمكن بعد سنة. يمكن بعد عشر سنين. يمكن بعد 20 سنة. الله أعلم. شفتوا عم الرسول أبو طالب؟ مع أنه مات على الشرك، هو حيكون أقل الناس عذاباً يوم القيامة لأنه ساعد رسولنا. وإنت مسلم. فلا تخاف. جهدك إللي بذلته وعملك الطيب إللي يمكن خلَّى ناس تسئ لك ما حيروح على الفاضي.

- لو ناس قالوا أنك ما حتقدر توصل لشي، ما عليك منهم. إنت جرب وشوف واحكم بنفسك. لما كنت مبتعث، في ناس قالولي حأحتاج ثلاث سنوات حتى يتحسن مستواي في الإنجليزي. أنا أتقنت القرامر خلال شهر لشهرين ومن بعد ذيك الفترة بس كنت أحتاج أتعلم مفردات. ترا وصلت لذاك المستوى عن طريق مجهودي الشخصي. حاول وأخطئ وتعلم من أخطائك. بعدها، يمكن تصير قدوة لغيرك لأنك أثبت له أن الشي إللي شافه مستحيل ممكن. لو أخفقت في شي وقالوا أنك فاشل، ما عليك منهم. إخفاقك يقولك أنك مسوي شي غلط (يمكن الوقت ما كفَّى. يمكن بديت متأخر. يمكن ما أتقنت الأساسيات...إلخ). هم يشوفوا خطئك سالفة لإضحاك الناس. أستفيد من خطأك وما عليك منهم. هو صح أنك حتنحرج لما تخطئ خطأ يخلي ناس تضحك عليك. بس ما عليك منهم. إنت تبي تنجح. محد نجح في حياته عاش طول عمره بدون إخفاقات (شوف قصص ناس مثل ستيف جوبز. تراه أنفصل من الشركة إللي أسسها). لا تنس. إللي يغلط عليك حيدفع ثمنها في المستقبل. اتركهم وما عليك منهم.

حأعطيكم قصة صارت لي في ثالث متوسط أيام الإختبارات الشهرية. مرة، قلت أني حأجيب الأول. هل جبت الأول؟ لا! جبت 11 على الفصل وترتيبي على الصف فوق الـ 100. الطلاب إللي في المدرسة دروا أني جبت الـ 11 على الفصل وفي واحد حَكَم علي بأني فاشل وناس كثيرة ضحكت علي. المهم، لما صرت في المرحلة الثانوية، كان الإختبار النهائي لمادة التوحيد في نظر الطلاب صعب. طلاب كثيرين جابوا درجات متدنية. أفضل طالب في المدرسة جاب حول الـ 18 من 30. الطلاب أشتكوا مدرس المادة عن الإختبار. كانت شهادتي من جيبي وطلعتها وشفت درجة إختبار التوحيد. أنا نفسي تفاجأت بالدرجة.

أظني قلت "أستاذ! أنا جبت 28". وفجأة طالب قلي "كذاب". فالمدرس قال "عطيني الشهادة." عطيته الشهادة. وشاف الدرجة. ورجَّع الشهادة لي. بعد ما أخذت الشهادة من المدرس، إللي قال عني كذاب قلي ببجاحة "عطني الشهادة". عطيته إياها وشاف الدرجة وما قدر يقولي أي شي. الكلام صار قبل أكثر من 15 سنة ولليوم إللي قال عني "كذاب" ما أعتذر لي. كذا الفشلة. ما حيعتذرولك. بس خل أقولك سر. إذا أسائوا لك بعد ما أتفوقت عليهم في شي، فهذا معناه أنهم شافوا أن تفوقك عليهم أستحقرهم بس إنت ما تستحقر أحد بتفوقك ونجاحك. إنت ودك توصل لإللي تبغاه.

بما أني ناجح ، حأقولكم شي. بعض الناس حيؤذوك:
- إذا شافوا أنك بتشتغل حتى توصل لإللي تبغاه.
- إذا صرت أفضل منهم.


كمِّل حياتك وما عليك منهم. المفروض يتعلمون منك أن الإجتهاد هو إللي وصلك للمرحلة إللي إنت فيها. اتركهم لسببين:

- أي مساعدة قدمتها أو حتقدمها لهم ما حتفيدهم.
- تركك لهم هو أفضل شي حتسويه لهم.

(ب) لا تستحقر نفسك
في الفقرة (أ) تكلمت عن ناس تسئ لناس ثانية. الفقرة (ب) غِيرْ. يمكن ناس حتقول لك "لو أنك نيوتن..." أو "لو أنك أنشتاين..." بس في ناس تقول عن نفسها "لو أني نيوتن..." أو "لو أني أنشتاين...". في إستحقار ذاتي ثاني شفته وهو موجود في تويتر. في صورة بقرة واقفة عند بحر. والتعليق كان "أنا بقرة ضائعة في بحر العلم."

لحد يستحقر نفسه. ترى أي واحد يقدر يسوي إللي سواه عباقرة هذا القرن وعباقرة القرون السابقة. الدليل هو أخبار إللي تبيض الوجه عن سعوديين سووا إنجازات في الخارج. من الإنجاززات إللي قريتها هو إنجاز لمبتعثة أبتكرت طريقة في مجال الطب وهذي الطريقة تكلف الآلاف. بدون إبتكارها، التكلفة حتكون بالملايين.

تدرون وش كنت أسمي نفسي في وظيفتي الأولى؟
- "مبرمج الدعم الفني" لأني الوحيد إللي يستخدم طريق موجه الأوامر والبورشل.
- "رئيس قسم البحث والتطوير" لأني كنت أحاول أخلي شغلي وشغل زملائي أفضل.
- وشفت نفسي كـ "مدير عام" لأن إسم وظيفتي ذاك الوقت كان "مشغل حاسب آلي". يعني، ما حددوا في أي شي أنا متخصص فيه (شبكات، برمجة...إلخ).

في مادة مهارة الإتصال، في شي إسمه "إتصال ذاتي". عن طريقه، حاول تعرف نقاط قوتك وافتخر فيها واعرف نقاط ضعفك واشتغل عليها. من حقك تفتخر بأشياء فيك بس ما لك حق تستهزئ بأحد بس لأنك أفضل منه. إللي يؤذي غيره، حيشوف نفسه مُنَزَّه من كل عيب ونقص وما حيحاول يعرف نقاط ضعفه. طبعاً، في المستقبل، حيدفع ثمن أذيته.

شفتوا الناس إللي آذتي في الجامعة؟ هم يستحقرون نفسهم. يقولوا عن نفسهم وأشباههم "فئران تجارب". يؤذوني وآخرتها يشبهون نفسهم بقوارض !!! واحد منهم كان جالس قدامي ويقول للمدرس أنه يكتب زي البنات ! مو كل شي يسويه مجموعة ناس معناه أنه صح. إذا ناس تستحقر نفسها، مو معناها أن إللي بيسووه صح. لو أنهم بس أستحقروا نفسهم ولا غلطوا علي أو ألفوا علي قصص، يمكن لقوا وظايف ويمكن حياتهم صارت أفضل في نواحي كثيرة. تذكروا! الفقرة (أ) هي أول وأهم شي الواحد لازم يسويه حتى ينجح.

(ج) إذا كنت طالب جامعي، اعتمد على نفسك

وش أقصد بالإعتماد على النفس؟
- لا تغش!
- حاول تقرأ كتاب المادة
- قبل ما تحكم على غيرك بأنه سبب إخفاقك، شف إذا إنت سبب الفشل.
- لا تحسد إللي أفضل منك ولا تحاربه.


لا تغش!
إذا إنت يا عزيزي القارئ جبت درجة نازلة في واجب أو إختبار أو كويز، معناها في شي إنت مسويه غلط. يمكن ما فهمت محتوى الكتاب عدل. يمكن ما ذاكرت عدل. يمكنها طريقة مذاكرتك. الدرجة النازلة تقولك أنك بتسوي شي غلط. خل أعطيك مثال. في واجبات أنا أخذت فيها صفر والسبب هو أني ما سلمتها. الأصفار هذي علمتني أن ما أأجِّل عمل اليوم للغد. الغش ما حيفيد في شي. حيخليني أتخرج بدون أي تغيير إيجابي في. تخيل نفسك من الناس إللي ينطبق عليهم المثل "زي ما رحتي زي ما جيتي". ترضاها على نفسك؟ اجتهد. يمكن إجتهادك حيغير حياتك بشكل جذري وإيجابي. يمكن تغير حياة شخص بشكل جذري وإيجابي ويمكن يدعيلك بالخير ويمكنه من المسلمين إللي دعواتهم مستجابة. لا تحرج نفسك بشهادة بدون معرفة.

أنا دخلت هاشتاق الجامعة مرات ولاحظت أن في حسابات كثيرة مستعدة تحل واجبات بفلوس. من الواجبات إللي هم مستعدين يحلوها لك واجبات الإنجليزي. كيف حتقدر تطور مستواك في الإنجليزي إذا بتخلي غيرك يحل لك واجباتك ؟ حل! اغلط! تعلم من أخطائك. من الجمل إللي قلتها خطأ لما كنت أدرس إنجليزي في كندا هي "He don't know." لو أني ما أجتهدت، يمكن ما قدرت أطبق قاعدة subject-verb agrement وأنا أتكلم بالإنجليزي ويمكن قلت جمل زي "He don't know" أو "He say" أو "It have". حتى لو جا إختبار سهل، حلَّه. يمكن حينخصم عليك نص درجة والسبب هو أنك كنت تحسب أنك متقن شي بحذافيره. خل أعطيك مثال من مرحلة التخصص. أنا درست مادة الجافا في كندا وما ذاكرت لإختبار الجافا حق الجامعة الإلكترونية. كنت أحسب أني حأجيب 25\25. فدخلت الإختبار بدون مذاكرة وجبت 21\25. يمكن البعض حيقولي هذا شي طيب. بس عن نفسي، الدرجة هذي علمتني شي: لازم ما أغتر بنفسي وأني معرض لنسيان أشياء درستها قبل. عموماً، إذا كان الإختبار أو الواجب أو الكويز سهل، فهذا معناه أنك متقن معظم الأشياء إللي بيقيسها الإختبار. وإذا أخطأت في سؤال، شوف السبب (ما ذاكرت قاعدة عدل، ما عرفت الفرق بين if و unless، حسبت جمع كلمة fish هو fishes، أضفت ed لفعل من الأفعال الشاذة مثل الفعل cut...إلخ). إذا ما تبغى تضيع وقتك مع واجب إنت تشوفه تافه، حله الآن وافتك منه. كلامي هذا مهو عن الإنجليزي بس. كلامي هذا أعممه على كل المواد سواءً كانت مادة في السنة التحضيرية أو مرحلة التخصص. على فكرة، في حسابات في تويتر مخادعة. تاخذ فلوسك وما تحل لك واجب .

على طاري الحسابات إللي تحل الواجبات، لاحظت في معظمهم حاجة مشتركة وهي أنهم يحلوا واجبات السنة التحضيرية. يعني هم يرفعون درجات الغشاشين في السنة التحضيرية بس وقت ما الغشاشين يبدؤون مرحلة التخصص، تورطوا هههههههههههههه. لا طوروا مستواهم في الإنجليزي ولا حاولوا يختبروا مستواهم في الإنجليزي عن طريق مواد الرياضيات والحاسب حَقُّون السنة التحضيرية. خل أقولكم شي. لو ألزموني في كندا أدرس رياضيات مع مادة الإنجليزي، لحاولت أعرف وش معنى الضرب والجمع والكسر وفك القوس والقاسم المشترك الأكبر و...إلخ بالإنجليزي. خل أقولكم شي. قبل ما أبدأ مرحلة التخصص في كندا بحوالي أسبوع، رحت لكندي أعرفه وكنت أكتبله أرقام مثل عشرة أس إثنين وأقوله كيف أقولها بالإنجليزي. ومرة، سألت وش معنى ratio وعرفت معناها. وكنت أستخدم موقع إسمه Mathworld وفيه شرح للمصطلحات الرياضية. ترا ما في شي يخوف في أي جامعة تدرس فيها. هي بس تحتاج واحد يبغى يستفيد من المعلومات. هل حتصدقوني إذا قلت لكم لما كنت في الجامعة الإلكترونية أن كان عندي سؤال فراسلت مُدَرِّسِينْ في فرع الرياض؟ لهذي الدرجة كنت حريص أني أكون فاهم أي شي أقراه. كنت في فرع الدمام ذاك الوقت. إذا كنت واحد هدفه الفهم وإفادة نفسه وغيره، حيدور على أجوبة سؤاله بدال ما يغش و\أو يقول "الجامعة صعبة".

أكيد تذكرون إختبار قياس السنة الماضية (2020). كان الإختبار عن طريق الإنترنت وفي طلاب غشوا. مو حتتغبن إذا عرفت طلاب غشوا وإنت معتمد على نفسك؟ في نفس الفترة إللي أنغبن فيها خريجي المرحلة الثانوية من الغشاشين، في واحد كتب تغريدة وأحس أنها أثلجت صدر كل شخص قرأها. قال أنه كان طالب ماجستير وكان معاه ثلاث طلاب. كلهم غشوا ما عدا هو. هم جابوا معدلات أعلى من معدله. بس من توظف من بين الأربعة؟ صاحب التغريدة .

من الأشياء إللي أنا فخور فيها هي أني مرة حضرت إختبار الميدتيرم حق مادة تطبيقات الأندرويد والأيفون (IT448) وما كنت أدري أنها كانت علي ذاك اليوم. ذاكرت مادة IT342 على بالي أنها هي المادة إللي كنت حأختبرها. تدرون كم جبت في مادة الـ IT448 (المادة إللي كان المفروض أذاكرها)؟ 19\25. في أي سنة؟ 2017. بعدين حأقولكم ليه ذكرت عام 2017. لو أني جبت درجة نازلة، لحذفت المادة وأخذتها في فصل ثاني. طيب، كيف جبت 19 وأنا ما ذاكرت المادة؟

- كنت أشوف فيديوهات عنها في اليوتوب.
- ذاكرت شابترين من هذي المادة قبل الإختبارات الشهرية بأسابيع.
- أعتمدت على معلومات قريتها في مواد ثانية.
- أعتمدت على خبرتي مع لغات البرمجة.


لو واحد غشاش كان مكاني، حيجيب درجة نازلة.

وين الحيا يا إللي آذاني وبغاني أغششه؟ ليه ما تتعلمون من أخطائكم بدال ما تدوورن على ناس تحل لكم واجباتكم؟ وش إللي يخوف من الدرجات النازلة؟ إللي ما يبغى درجة نازلة، يجتهد. يرتب أموره. يحاول يعرف وش يسوي. ياخذ نصايح ناس جابت درجات عالية. لا! كل ما أجيب درجات أعلى من درجاتكم، تحقدون علي. وش تبغوني أسوي؟ أغصبكم تطبقون الكلام إللي أقوله في مواضيعي؟ واحد منكم حاول يدفني في ممر بكتفه والسبب تافه. السبب هو أني سلمت ورقة الإختبار قبله. كنت ثاني واحد يخرج من قاعة الإختبار وأنا متأكد من أن كان عنده إحساس بأن درجتي حتكون أعلى من درجته بكثير. وتوقعه كان في محله. لو كنت أول واحد خرج، وش كان حيسوي؟ هذا الشخص يمثلكم يا فشلة (كل ما أقول فشلة، أقصد الناس إللي آذتني لأني صرت أفضل منهم). أنا كتبت مواضيع كثيرة عن طريقة مذاكرتي في منتديات الجامعة وبدال ما تحاولون تطبقون إللي أكتبه، تقولوا أني أتفلسف. طيب. وإنتوا؟ وش تصيرون؟ تاخذون حلول الواجبات النموذجية من الإنترنت ولا غشاشين زيكم وبعدها كل واحد فيكم يحاول يغير في صيغ الأجوبة على بالكم أنكم لقيتوا ثغرة في برنامج مكافحة الغش! وفي النهاية، تِنْصَادون وتروح عليكم درجات. مو هذي قوية في حقكم؟ سُوفْتْوِير (ذاك الشي إللي ما يِتْمَسِك مثل الهاردوير) صادكم. في شي أقوى من هذا. في قروب للطلاب في الفيس بوك، لقيت واحد حط سؤال مع جوابه. السؤال هذا مهو من واجب ولا كويز. السؤال كان من لوحة المناقشة. ما تعرفون تعطون رأيكم ؟ برنامج مكافحة الغش ما نقَّص علي ربع درجة خلال دراستي في الجامعة. بس جاني تنبيه واحد يقول في تشابه بسيط جداً بين واجبي وواجب واحد ثاني.

من المتفلسف الآن؟ ألفتوا قصص عني وما عندكم القدرة تتكلمون عن سلبياتكم. ما أقول أن كل واحد فينا لازم يتكلم عن سلبياته. قبل ما تخلون حقدكم يتكلم نيابةً عنكم، تذكروا عيوبكم وتذكروا أني كنت وما زلت أفضل منكم. كيف ترضون لنفسكم أن تقدموا أعمال مهي لكم على أنها من جهدكم؟

في مقر عملي السابق، صارت مشكلة لها علاقة بالشبكة ومعظم الموظفين حسبوا أني حليتها لحالي. فقلت لهم أن فلان وفلان حلوها وأني بس وصفت لزملائي المشكلة. في نفس عملي السابق، في أول أيامي في وظيفتي الأولى، كان في ناس ينادوني بـ "مهندس" وما كنت أحس أني أستاهلها. وإنتوا تبغوا تنسبوا لنفسكم أشياء باقي ما تستاهلوها؟ إذا تقدموا أعمال على أنها من جهدكم، ما حتحسوا بطعم الإنجاز!

وين إللي درس معي في فرع الدمام؟ نسيتوا أنكم كل ما تجوني، تطلبون مني حلول الواجبات؟ وكنت أقولكم أني ما أعطي جهدي لغيري؟ كل ما تطلبوا مني حلول الواجبات، بتثبتوا لي أنكم ولا شي بدوني من بعد الله. مِنْكُم إللي حسَّب نفسه ذكي فقال أنا أحل نص واجب وهو يحل النص الثاني. وهذا يقولي الغش تعاون. وهذا حاول يحسسني أني مشيت عكس العادات والتقاليد. لعب على المكشوف عيني عينك !

ليه ما عطيتوني سبب مقنع للغش بدال اللف والدوران وحركات الخداع؟ حأجاوب عنكم. محد في الدنيا يقدر يثبت أن الغش صح. روحوا أثبتوها لدول الغرب إللي هي ما تقبل بالـ plagiarism بعدها ارجعوا وأثبتوها لنا إحنا المسلمين. ما حتقدرون ولو كنتوا أفضل المتحدثين في التوستماستر ولو تعلمتوا كتابة الـ argumentative essay من الألف للياء. حديث واحد ينسف حٌجَجْكُم - "من غشنا فليس منا". فما لكم إلا تمثيل دور السياسيين إللي يشوفون حقيقة ويفسروها على أنها شي ثاني. في ناس في العالم مثلكم. كلامهم عواطف بدون منطق وهم المُنَصِّرين. ليومكم، ولا واحد فيهم قدر يثبت بأن الله ثالث ثلاثة. طريقتهم الوحيدة للتنصير هي جمل عن المحبة وغيرها بس ما حيتجرئوا يقولون لك ليه الله ثالث ثلاثة. حدهم الجملة "الله ثالث ثلاثة". بس! وما حيعطوك سبب مقتع يثبت بأن واحد يساوي ثلاثة. إنتوا مثلهم! تركزون على العواطف وتتركون المنطق. وقت ما النصارى يقدروا يثبتوا أن الله ثالث ثلاثة، حتقدرون تثبتون لي أن الغش صح. أجل. ما تبغوني آخذ فكرة سيئة عنكم؟ مبروك! كنتوا فئران تجارب لكل شخص يبحث عن النجاح! أنا ما سبيتكم. إنتوا إللي توصوفوا نفسكم بـ فيران التجارب. وإذا ناس منكم ما وصفت نفسها بفيران التجارب، أمثالكم حَيِضُمُّوكم لي ذي الفئة. أنا ما سبيتكم. أعيد وأكرر. أنا ما سبيتكم. ركزوا!!!! أنا بس سميتكم بالإسم إللي تسمونه نفسكم. إنتوا مثال حي للـ observation المذكور في مادة الإحصاء. ولما الجامعة تغير شي في نظامها، تحول الـ observation لـ experiment. حتى في هذي كنتوا مثال عملي لكل واحد بيدرس إحصاء ويبغى يعرف الفرق بين الـ observation والـ experiment. يا عِبْرَة!

حاول تقرأ كتاب المادة
إللي ما يعرف الجامعة، 70 بالمية من النجاح في مقرر يعتمد على الطالب و30 بالمية على المدرس. حاولوا تقرئوا كتب المقررات. إللي حاس أن الكتاب كبير ومعلوماته كثيرة، يقرأ السلايدات بعدها الكتاب. إذا في شي ما فهمتوه، أكتبوا عنه في قوقل و\أو اليوتوب. خل أعطيكم مثال عن قاعدة في الرياضيات ما فهمتها:

لما كنت أقرا كتاب مادة الرياضيات المتقطعة (MATH150)، وصلت لقانون إسمه Proof by Contradiction. قريت الشرح مرات كثيرة وما فهمته. كنت واثق من مستواي في اللغة الإنجليزية. فَرُحت لليوتوب وكتبت proof by contradiction. فتحت فيديو. شفته والحمد لله فهمت القاعدة. نزلت للتعليقات حقت الفيديو وأظنهم كانوا خمسة. معظم التعليقات قالت أنها تستخدم الكتاب إللي تستخدمه الجامعة. والله ثم والله نفس أصحاب التعليقات قالوا أنهم ما فهموا شرح المؤلف. هذا مثال عملي لمادة مهارات الإتصال. أحياناً المشكلة ما تكون في فيك كمُسْتَقْبِلْ يا طالب. أحياناً تكون في المُرْسِل و\أو رسالته.

شفتوا إللي صار معاي مع هذي القاعدة؟ كتبت عنها في المنتدى الرسمي حق الجامعة. ما ظنيت أحد تفاعل مع الموضوع. ويقولوا أني أتفلسف. تبون تعرفون حال الفشلة ذاك الوقت؟ ما سابوا مادة إلا وقالوا عنها صعبة (ما عدا مواد الثقافة الإسلامية).

حأقولكم ليه قلت العام إللي أختبرت فيه مادة IT448 كان 2017. كلامي هذا أقوله لكل طالب بدأ دراسته عام 2016 أو السنوات إللي بعدها. بين عام 2012 و 2016، كانت الجامعة تستخدم شي إسمه Test Bank وهو عبارة عن أسئلة يحطها مؤلف الكتاب. أسئلة الـ Test Bank كانت إختر الإجابة الصحيحة. الجامعة كانت تاخذ بعض أسئلة الـ Test Bank وتستخدمها في الإختبارات الشهرية والنهائية. بس الجامعة ما كانت تدري أن الطلاب عندهم الـ Test Bank. مع أن كان عند الطلاب الـ Test Bank، بعضهم كان يجيب درجات متدنية مع أنهم كانوا يذاكروا بس من الـ Test Bank والسلايدات وما كانوا يحتاجوا يذاكروا من الكتاب. كانوا مدلعين! قالوا مستوى الإختبارات بين 2012 و2016 صعب. وين صعب؟ ما أحتاجوا يذاكروا من الكتاب. مذاكراتهم كانت من السلايدات و Test Bank. أنا كنت أذاكر من الكتاب طيلة فترة وجودي في الجامعة الإلكترونية (حتى مواد الرياضيات والإحصاء ذاكرتهم من الكتب). وكنت في معظم الإختبارات أجيب درجات أعلى من الفشلة إللي درسوا معي سواءً في فرع الدمام أو فرع المدينة. ويحقدون علي لما أتفوق عليهم في شي. هذي حاجة ما حيقولك عنها الناس إللي آذتني. معظم شكاويهم ما أعتبرها شكاوي. حتى مع الـ Test Bank كانوا يقولوا الإختبارات صعبة. أنا جيت الجامعة لسببين: شهادة البكالريوس وتطوير نفسي حتى أقدر أكون موظف تثق بيه القطاعات الحكومية والخاصة. الفشلة جو لسبب واحد: شهادة البكالريوس. حأتكلم عن جزئية الوظايف في هذا الموضوع.

قبل ما تحكم على غيرك بأنه سبب إخفاقك، شُفْ إذا إنت سبب الفشل.
لما كنت في المرحلة المتوسطة، في مدرس لاحظ شي فينا كطلاب: إذا واحد جاب درجة عالية قال "أنا جبت الدرجة كذا". بس إذا جاب درجة نازلة قال "المدرس عطاني الدرجة كذا".

حأركز على الطلاب إللي يقولوا "المدرس عطاني الدرجة كذا". قبل ما تقول أن المدرس هو سبب إخفاقك، أول شي شُفْ إذا المشكلة فيك:

- متى بديت تذاكر؟ هل بديت تذاكر في يوم الإختبار؟ وكم ساعة ذاكرت؟
- متى آخر مرة قرأت الكتاب\السلايدات؟
- كم شابتر قريت؟

ترا مو من صالحك أنك تتهم شخص بشي وفي النهاية يطلع الرجال شخص مُؤَدِّي عمله بدون تقصير. كيف لو واحد صّدَّقك وقال القصة لواحد غيره؟ تذكر إللي قلته في الفقرة (أ): إللي تسويه الآن له تأثير في مستقبلك. بس هنا، في احتمال أنك حتضر بمدرس في المستقبل. تخيل الطلاب إللي حيدرسون عنده بعدك. حيطالعونه بالمنظار إللي فصَّلته لهم. كل ما المدرس سوى المدرس شي، حكموا عليه بمنظارك.
قيِّم نفسك قبل ما تقيِّم غيرك. تصدقون أني جبت 10 من 25 في إختبار IT110؟ ما قلت "فلان هو السبب". الخطأ كان علي. ما فتحت أي كتاب قبل الإختبارات الشهرية ما عدا كتاب مادة MATH150. نسيت أقرا كتب المواد الثانية. في طلاب حطوا اللوم على الجامعة. أنا ما لمت الجامعة على شي. كل درجة نازلة جبتها وكل C وD أخذتها هي بسببي.

شفتوا مادة IT448 (المادة إللي جبت فيها 19 بدون مذاكرة)؟ أخذت D فيها مع أنها من المواد المفضلة عندي. الجامعة مهي السبب! كان في المادة 4 واجبات وأظن مشروعين. أنا ما سلمت منهم إلا واجب واحد ولا سلمت أي مشروع. أستاهل هذي الدرجة.

ترا تقييمي لنفسي قبل تقييمي لغيري هو أحد أسباب تميزي عن معظم الناس. قبل ما تقل "فلان السبب،" اسال نفسك إذا التقصير كان منك.

لا تحسد إللي أفضل منك ولا تحاربه
تراه بشر مثل غيره. الفرق بينكم هو أنه صار أفضل بجهوده. ترا الناجحين مهم عايشين داخل جماعات سرية تتناقل أسرار النجاح بينهم. ولا عندهم كرامات! المسألة مسألة إجتهاد وبس! قبل ما تؤذي إللي أفضل منك، تذكر تعريفي الخاص بالفشلة حتى لا تقلدهم.

لما كنت في الجامعة، كانت نقطة ضعفي هي الشبكات وتخرجت وأنا ما أعرف أطبق أشياء في الشبكات على أرض الواقع. بس أغلب الطلاب إللي درست معهم فاهميين للشبكات ويمكن حتى فاهمين شبكات الـ WAN من الألف للياء. هل آذيتهم؟ طبعاً لا. هم وصلوا لهذا المستوى بجهودهم حتى يؤدوا أعمالهم بدون مشاكل. هم ما تعلموا الشبكات حتى يستهزئوا بإللي ما يعرف للشبكات. كذا الإنسان، يجتهد حتى يوصل للشي إللي يبغاه. فلا تصير فاشل وركز على حالك واجتهد حتى توصل للشي إللي تبغاه!

(د) أشياء صارت لي:

1))) طيلة وجودي في منتديات الجامعة، مواضيعي كانت تركز على أربع حاجات:
- تحفيز الطلاب
- مساعدتهم في إتقان اللغة الإنجليزية
- الرد على إستفساراتهم (مثلاً، طالب ما يقدر يدخل على إيميله الجامعي)
- مساعدة الطلاب في فهم المصطلحات المعقدة في أي مادة (حتى المواد إللي خارج تخصصي كنت مستعد أشرحها).

الفشلة قالوا أني شخص بس يتكلم عن التحفيز والدافع والتفاؤل والإيجابية. هذا أعتبره تأليف قصة عني لأنهم يدروا أني كتبت مواضيع كثيرة عن إتقان الإنجليزي وكتبت عن تجارب صارت لي مع مادة الإنجليزي. من المواضيع إللي كتبتها هي أن كل طالب يكتب جملتين لثلاث جمل بالإنجليزي وأنا حأسوي حاجتين: 1) أصحح له الأخطاء. 2) أقوله القواعد إللي لازم يراجعها. وكتبت موضوع قلت فيه للطلاب إللي عنده شي ما فهمه في الإنجليزي، يحط سؤاله. ويقولوا أني شخص بس يتكلم عن الإيجابية والتحفيز والتفاؤل والدافع!

في مرحلة التخصص، في طالب أشتكى من مادة الجافا و نفس الطالب قال العضو "شرقاوي" راح دورة في أمريكا وأن شرقاوي هو الشخص الوحيد إللي يقدر يساعدهم في فهم الجافا. في طلاب أشتكوا في نفس الموضوع. أنا درست الجافا في كندا. وبديت أجاوب على كل إستفسار في هذا الموضوع وجاوبت على أسئلة متعلقة بالجافا في نفس الموضوع. و كنت أطمن إللي شاف المادة صعبة أني موجود وأني درست الجافا قبل ما أبدأ أدرس في الجامعة الإلكترونية. وكمان قلت للطلاب عن برنامج إسمه BlueJ وهو برنامج يساعدك على البرمجة بلغة الجافا بشكل عملي. و وَرِّيتهم فيديو في اليويتوب عن طريقة تثبيت BlueJ. مو بس هذا. كمان نزلت موضوع شرحت فيه أول ثلاث شباتر في هذي المادة. وعلى فكرة، شروحاتي مهي شروح أي كلام. شروحاتي تجمع بين النظري والعلمي. أنا مَنِّي مثل المدرسين إللي يقولوا كلام زي "إذا جاك هذا في الإختبار، حله كذا". وقبل الإختبار النهائي لمادة الجافا بساعات، حطيت موضوع كتبت فيه أني جبت درجة الواجب الإضافي مع درجات البونص وأي طالب عنده سؤال في الجافا يحطه في هذا الموضوع. وكالعادة، في ناس للآن يتهموني بأني متفلسف وأني شخص يتكلم عن التفاؤل بدون فعل الأسباب!

2))) طلاب كثيرين ما عرفوا كيف يبدؤوا مرحلة التخصص. فكنت أروح لكل واحد فيهم وأقوله إذا ما فهم جزئية في الكتاب، يروح لقوقل و\أو اليوتوب ويكتب المصطلح إللي ما فهمه وحيلقى بإذن الله شروحات أبسط من الكتاب. لما شافوا أني بأتكلم كثير عن قوقل واليوتوب، قالوا أني أتفلسف. حأثبت أن كلامهم خطأ:

المنتديات مثل تويتر. إذا واحد عنده إستفسار، حيحطه على طول. ما حيدور على ناس سألت نفس سؤاله. يعني إذا قلت لثلاث طلاب يستخدموا قوقل واليوتوب، حيجي شخص رابع يشتكي من مرحلة التخصص وما حيدور على ناس أشتكت من مرحلة التخصص ولا حيدري أن ثلاث طلاب سألوا نفس السؤال ولا حيدري أني قلت لهم يستخدموا قوقل واليوتوب. إذا ساعدته، حيجي شخص خامس يكتب نفس الشكوى وما حيدور على الطلاب إللي كتبوا موضوع زي موضوعه. المنتديات مثل تويتر. خل أعطيكم مثال في تويتر. إذا مثلاً قلنا للطلاب الجدد ما في تجسير في الجامعة، يجي واحد بعد فترة يسأل هل فيه تجسير في الجامعة؟ السائل ما حيدور على ناس سألت نفس سؤاله. أجل أنا أتفلسف؟ أنا متأكد من أن بعضكم عنده خبرة بالمنتديات وأنه يعرف أن مدراء المنتديات ما يقبلوا المواضيع المكررة. الفشلة يعرفون يقولون أي شي على لسانهم بس ما يعرفون يفكرون قبل ما يتكلمون.

السبب الثاني إللي خلاهم يقولوا أني أتفلسف هو أن بعض مواضيعي طويلة. طيب، ينصحوني بإحترام. أنا أدري أن بعض مواضيعي طويلة بس أنا خليتها طويلة حتى أفصل شوي في كلامي حتى يفهمني القارئ بوضوح. إنتوا أكبر مثال يالفشلة. كتبت فوق 1500 مشاركة في المنتدى الرسمي ومع كل هذا، قلتوا أني أركز على التفاؤل والإيجابية والتحفيز والدافع. ليه تركتوا مواضيع الإنجليزي؟ ووين شروحاتي لمادة الجافا؟ وفي موضوع ذكرته لكم وهو موضوع الـ Proof by Contradiction وأن موقع اليوتوب فادني. المشكلة مهي من مواضيعي ولا من طولها. المشكلة منكم. تشوفون كل شي أكتبه وتاخذوا جزئية وحدة وتقولوا أنها الجزئية الوحيدة إللي بأكتب عنها.

شفتوا لما قلتوا أني أتفلسف لما كل شوي أقول "قوقل واليوتوب"؟ في مقر عملي السابق ومقر عملي الحالي، كنت دائماً أقول "حأحاول أسوي برنامج يساعدك في أداء شغلك". صح، حتقولوا عني "ثرثار" أو فيلسوف" بس إذا شفتوا شغلي، حتستحقرون نفسكم! مثال: أنا الآن بأشتغل في كلية خاصة. وواحد من زملائي قال ياخذ دقايق حتى يسوي للطالب الواحد حساب. هذي السنة، جانا ملف فيه 265 طالب وكان مطلوب مننا نسوي لهم حسابات. إذا الطالب الواحد ياخذ مننا دقيقتين حتى نسوي له حساب، فحنحتاج:

265 × 2 = 530 دقيقة (حوالي 8 ساعات و50 دقيقة)

لو الطالب الواحد ياخذ مننا نص دقيقة:
265 × 0.5 = 132.5 دقيقة (حول ساعتين و13 دقيقة)

فسويت برنامج أنشئ 265 حساب في أقل من 10 ثواني.


3))) لما كنت في مرحلة التخصص (عام 2013)، كتبت موضوع (أظنه بخصوص أسئلة تسمى Tricky Questions وهي أسئلة تخلي إللي ما يركز يجاوب جواب غلط). المهم، تكلمت عن Tricky Question في مادة مهارات الإتصال. أظن ثلاث طلاب أتفاعلوا مع الموضوع. فجات طالبة في السنة التحضيرية وكتبت في موضوعي شي قريب من "في ناس تقول أن إختبارات مرحلة التخصص صعبة وأنا متخوفة منها. هل هذا صحيح؟"

أنا عصبت على هذول الطلاب إللي جالسين يخوفون غيرهم. فقلت:

اقتباس:
ما عليكي من كلام الأطفال إللي زي "سنة التخسس سئبا" ولا "ما أقدر". ما بقي إلا ننزل مستوى الإختبارات للمرحلة الإبتدائية.
وقلت:

اقتباس:
ما عليكي من طلاب دخلوا سنة التخصص بالصدفة.
وتحاملت ناس كثيرة علي. أتمنيت لو أنهم سألوني ليه قلت هذا الكلام. أنا ما آذي أحد. المهم، بعد كم أسبوع، طلبت من مدير المنتدى يحذف إنتقادي وبعد ما حذفها أعتذرت للطلاب في موضوع. حتى بعد الإعتذار باقي تتحاملون علي يا إللي وقف في طريقي وإنتوا للآن تتحاملون علي. حتى لما بعضكم درى أني في وظيفة لها علاقة بالتخصص إللي درسته، تغلطون علي. حأقولكم ليه أنتقدتكم. في أربع أسباب:

- السبب الأول: قلت مرات كثيرة في المنتدى إللي بيواجه صعوبات في أي مادة، يكتب موضوع وأنا حأساعده. لما قلت "أي مادة"، كان قصدي حتى المواد إللي هي خارج تخصصي. محد منكم تكلم عن مصطلحات ما فهمها ولا حتى براقرافات ما فهمها. بس فتحتوا سلايدات ولا كتب وبعدها حكمتوا على مواد التخصص بأنها صعبة. ملخص شكاويكم هي أنكم تبغون أشياء سهلة.

بما أن ولا واحد منهم سأل أسئلة متعلقة بمحتويات كتبهم، تطوعت بنفسي أشوف المواضيع وأجاوب عليها لعل وعسى يعرف الطلاب أني مساعدتي مهي أي كلام. فلقيت موضوع صاحبه إشتكى من مادة المحاسبة. فشرحت أول صفحة من مادة المحاسبة حتى يقدر يقرأ الصفحات إللي بعدها. هل أنا شخص تركيزه أيام الجامعة كان على التحفيز والدافع والإيجابية والتفاؤل؟

شفتوا قاعدة الـ Proof by Contradiction؟ كتبت عنها قبل ما أنتقد طلاب بكلمة "أطفال". سابوا مواضيعي كلها وسابوا شرحي لصفحة من مادة المحاسبة (مادة ما لها علاقة بتخصصي) وركزوا على إنتقادي. ويقولوا أني أتفلسف. وللأسف، قالوا أني متكبر ولليوم ما أعرف وش خلاهم يقولوا عني متكبر. بالله عليكم، هل في متكبر يساعد الناس يوصولوا لمستواه؟

قبل ما أوصف طلاب بالأطفال، قلت لطلاب كلية إدارة الأعمال أني درست المادتين Microeconomics و Macroeconomics في كندا. وقلت أي واحد عنده سؤال بخصوص هذول المادتين، يحطه. وللآن محد فيهم حط سؤال متعلق بالـ Microeconomics ولا الـ Macroeconomics. اسمعوا يا طلاب كلية إدارة الأعمال. في مصطلحين من تخصصكم بيفيدوني للآن وهم: substitution effect وopportunity cost. ترى في مصطلحات للآن أذكرهم مثل price elasticity وProduction Possibility Frontier وEconomies of Scale وSupply Schedule. وينكم ما حطيتوا أسئلة بخصوص المعلومات إللي بتشوفوها في السلايدات وإللي بيشرحوها المدرسين؟ ترا جبت في المادتين B. و وين طلاب تقنية المعلومات إللي كانوا معي في مرحلة التخصص؟ ترا كُتُبْنا زي بعض!!!!! إثنينكم ما لكم عذر. كان في نفس البلاك بورد برنامج دردشة إسمه Blackboard IM. عن طريقه، نقدر نسوي كلاسات إفتراضية. أنا كتبت عن هذا البرنامج قبل ما أقول عن طلاب أنهم "أطفال". ذيك الفترة، ما كنت متزوج. وكنت مستعد أقرا عن أي شي معقد وأحوله لشي بسيط يقبله العقل. أجل أنا متكبر؟ ومتفلسف؟ وما أعرف غير التفاؤل والإيجابية؟

- السبب الثاني: إذا الجامعة سهَّلت الإختبارات، أي واحد حيقدر يجيب معدل عالي بسهولة. أنا ما أرضى بهذا الشي. ما أرضى أن أتساوى مع ناس تشتكي من نمط الجامعة وتبغى الجامعة تستخدم نمط التلقين وتبغى إختبارات مناسبة لهم. لازم نصير أفضل. نحتاج تحديات تخلينا أفضل الخريجين وننافس خريجين الجامعات السعودية والجامعات إللي تخرج منها مبتعثين. في كل لقاء تعريفي، بينقال أن الطالب هو محور العملية التعليمية. وأظنهم قالوا 70% من النجاح في مادة يعتمد على الطالب. كل الطلاب من الدفعات القديمة يعرفون ذا الشي. تبون تعرفون كيف أعرف؟ شوف الإستهزائات بِجُمْلة "الطالب هو محور العملية التعليمية" في تويتر. يبون مستوى الجامعة ينزل وينزل ألين ما يِجَنِّب جنب مستواهم. هذا ما حيكون في صالحنا لأن في ناس تحسب أن شهادة الجامعة الإلكترونية تعليم عن بعد وأنا متأكد من أن طلاب الدفعات القديمة يعرفون نظرة الناس لجامعتنا. أظن أول طلاب تخرجوا هم أول ناس قالوا في ناس تحسب تصنيف الجامعة تعليم عن بعد بس لأن كلمة "الإلكترونية" موجودة في "الجامعة السعودية الإلكترونية". عشن كذا مستوى الإختبارات ونمط الجامعة لازم يبقوا زي ما هم. لو الناس شافت أي واحد يقدر يجيب درجات عالية بسهولة، حيقولوا شهايدنا عن بعد والأخوف من كذا حيقولوا مخرجات الجامعة أي كلام.

- السبب الثالث: عدد إللي قالوا أن الجامعة صعبة كبير وأنا من القلة إللي تشوف العكس. إذا ناس كثيرة قالت أن شي صح، مو معناها أن كلامهم صح. خل أعطيكم مثال. في ناس تحسب أن الـ CPU هو نفسه جهاز الكمبيوتر. يالله يا إللي درس حاسب في السنة التحضيرية. إذا العالم كله يقول أن الـ CPU هو نفسه جهاز الكمبيوتر، هل كلامهم صح؟ بالمثل، إذا طلاب كثيرين يقولوا أن الجامعة "صعبة"، مو شرط أن الجامعة "صعبة". من الإخطاء المنطقية هي الحٌكْمْ على شي بالصحة بس لأن معظم الناس تقول أنه صح.

- السبب الرابع (وهذا أهم سبب): في ناس تخرجوا قبلنا وما لقوا وظايف (بعضهم تخرجوا من جامعات سعودية ومنهم من تخرج من دول إبتعاث). منهم إللي للآن جالس سنوات بدون وظيفة ومنهم إللي بيشتغل في مجال\مجالات ما لها علاقة بتخصصاتهم. محد فيكم جرب يفكر وش حيصير له بعد ما يتخرج؟ هل كنتوا ضامنين أنكم بتتوظفوا؟ وش الشي إللي خلاكم ضامنين الوظايف؟ أنا حأجاوب عنكم - ولا واحد فيكم عنده شي يضمن له وظيفة بعد التخرج. لو كان عندكم هذا الشي، لأثبتوا أن الضمان إللي عندكم يِغْنِي عن نصايحي وأن نصايحي فلسفة ولضحكتوا علي في تويتر والمنتدى والفيس بوك وقلتوا أني بأقول كلام غير مفيد. حتى أنا ما كان عندي شي يضمن لنفسي وظيفة. إذا ما كان عندي شي يضمن لنفسي وظيفة، كيف أضمن لكل طالب وظيفة؟ بما أن ما عندي شي يضمن لي الوظيفة، حاولت أطور نفسي وأصير أفضل من حالي لما دخلت الجامعة. وشاركتكم أشياء نجحت معي وتجاربي مع مادة الإنجليزي حتى نصير أفضل من خريجين الجامعات الثانية. إذا كنتوا من جد ضامنين أنكم حتتوظفوا بشهاداتكم، وشوا هذا الشي؟ أنا ما أعرفه. وش هذا الشي إللي كان حيميزكم عن إللي تخرجوا عام 2012 والأعوام إللي قبلها؟ على حد علمي، أقوى جامعة عندنا هي جامعة الملك فهد. وش كان حيميزكم عن طلاب جامعة الملك فهد؟ بس في سؤال أهم من كل هذا. وش كان يميزكم عني (ذاك الشخص المُتَّهَم بالفلسفة والتكبر والتركيز المطلق على التفاؤل)؟ وش كان عندكم وما كان عندي؟ أنا إللي كان يطور نفسه في الجامعة ما كنت ضامن أني حأتوظف بالشهادة.

وهذا أنا الآن متوظف بشهادة معظم الناس يحسبوها تعليم عن بعد.

أجل أنا أتفلسف؟ أجل أنا شايف نفسي؟ أجل موضوعاتي تتمحور حول التحفيز والإيجابية والتفاؤل؟ وش يميزكم عن الطلاب إللي تخرجوا قبلكم؟! إنتوا تبوا الشهادة وبس. لو كل مكان يوظف كل واحد معاه بكالريوس أو دبلوم، ما شفنا البطالة مشكلة كبيرة. لو كل مكان يوظف كل واحد معاه بكالريوس أو دبلوم، يمكن شفنا شركات تِتْبَنِي حتى تستوعب الخريجين الجدد. إنتوا ناس ما تخطط. إنتوا ناس تَبِي!!!!!!!! حياتكم حياة مستهلك: وقت ما تشوفون واحد سوى شي، أنتقدتوا أقل شي فيه. بس لما يُنْظَر لكم كمنتجين وبِتِتْعَاملون نفس المعاملة، حتشوفوا الناس مكبيرين السالفة.

أنا حضرت معرض وظيفي في الجبيل عام 2013. هذا كان قبل ما أبدأ مرحلة التخصص مع طلاب الدفعة الأولى. فَرُحْتْ لواحد وقلت له أني أشتغل في المكان الفلاني ودرست مواد علوم كمبيوتر في كندا و....إلخ. قلِّي شي ما نسيته لليوم:

"لو كان في وظيفة في علوم الكمبيوتر، وظفناك."

قلت له ما عندي بكالريوس. فقال شي قريب من:

"أدري. الشهادة آخر شي نطالع فيه"

ما أعرف وش الشي إللي كان حيخليه يوظفني بدون شهادة. عموماً، كلامه صح لما قال الشهادة آخر شي يطالع فيه مسؤولين التوظيف. في وظيفتي الأولى والثانية، آخر سؤالين في المقابلة كانوا: معاك بكالريوس؟ ومن أي جامعة تخرجت؟ مسؤولين التوظيف حيطالعوا في مهاراتك قبل ما يطالعوا في شهادتك. شهادتك ما حيكون لها قيمة إذا ما بتطور نفسك. القطاع الحكومي والخاص ما يبغون أي واحد معاه بكالريوس. وإنتوا مو بس تبوا إختبارات سهلة. إنتوا تبوا الجامعة تفصِّل لكم إختبارات قد مستواكم. حأذكركم بقصة كتبت عنها في المنتدى وأظن بعضكم يذكرها. لما كنت أدرس إنجليزي في كندا، كنت في المستوى الثاني وكان عندنا كويز في مهارة الإستماع. سمعنا جُمَلْ قصيرة من مسجِّل وحاولنا نجاوب على الأسئلة إللي وزعتها علينا مُدَرِّسة الإنجليزي. كلنا جبنا درجات نازلة (حتى الطلاب إللي من جنسيات ثانية جابوا درجات نازلة). فجا طالب صيني وقال "الإختبار هذا صعب. جيبي لنا إختبار سهل". قالت له المُدَرِّسة:

"لو أجيب لكم حاجات سهلة، ما حتتعلموا."

وإنتو بس فالحين في المطالبات. التخطيط في وادي وإنتوا في الجهة المقابلة شغالين مطالبات.

مرة، قلت لكم خذوا دورات لأنها حتفيدكم بس في ناس فهمتني غلط. ما قصدت تجمِّعوا الشهادات مثل الكؤوس إللي تِتْجمَّع في ألعاب البلاي ستيشن. قصدي كان حاولوا تشوفوا كيف تستخدموا المعلومات إللي في الدورات على أرض الواقع. وتقولوا أني أتفلسف؟ ليه محد سألني أو حتى يقولي أن في ناس عندها دورات ولا وحدة فيهم شفعت لهم؟ أنا الصراحة حسبتكم ماشيين على نمط "الطالب هو محور العملية التعليمية". لو كنت أدري أنكم تبون أشياء تجيكم بالجاهز، لتغيرت مواضيعي. وإذا تشوفوا أن مواضيعي ما تفيدكم، أكيد حتفيد ناس ثانيين. لا تعمموا حالكم على الجميع.عاملتوني مثل العدو. مع أني أعتذرت لكم، كنت الصراحة أشوف حركات أطفال قبل وبعد إنتقادي لكم. محد فيكم حاول يثبت لي أن إنتقادي ما كان في محله. شفت منكم إساءات باليد والكلام. وإللي ما أتوقعته هو أن مدرسين وإداريين يقلدوكم. حركاتكم مهي مستغربة لأن إللي ما عنده رد، حيصير شخص همجي. قبل ما أكتب إنتقادي، ما أسأت لأي واحد فيكم في مواضيعي ومشاركاتي السابقة. وكنت أراجع كل موضوع ومشاركة أكثر من مرة لسببين: 1) حتى الكل يفهمني. 2) وما أجرح شعور المستفسر وأنا ما أدري. إنتوا آذيتوني كثير قبل إنتقادي: قلتوا عني "مصطفى" في السنة التحضيرية. وفي نفس السنة التحضيرية، أتهمني طالب بأني بأتشمت بالناس بس لأني ذكرت مزحة كانت بين طلاب. وفي مٌدَرِّسِينْ أيام السنة التحضيرية أسائوا لي. وفي طالب سرق موضوع لي ونَسَبَه لنفسه وهذي صارت بعد ما قلت أني ما أعطي غيري حلول واجباتي. ووين ذاك الشخص إللي أخذ إسم عضويتي (عبدالإله) وأستخدمها في المنتدى الرسمي وبدأ يشتكي من الجامعة ويخترق قوانين المنتدى ألين ما سووا لحسابه إيقاف؟ ووين ذاك الشخص إللي أتهمني بأني قلت كل واحد أنسحب من الجامعة فاشل؟ ووين إللي سبني بكلمة "حيوان" في تويتر بس لأن ما جاه القبول مع طلاب الدفعة الثانية؟ ووين الناس إللي كانوا يقولوا عني مطبل في هذا المنتدى لما كنا في السنة التحضيرية؟ كل هذي الإساءات صارت قبل ما أنتقد عينة من الناس بالأطفال. بس إنتقاد واحد مني دمركم وزادت أذيتكم لي وفوق كل هذا ما تبون تتذكروا إللي سويتوه في حقي. وتبغون وظايف؟ هذا حدكم. تبغون بس. الأخلاق أقل شي الواحد لازم يركز عليه حتى ينجح في حياته. ما شفت في معظمكم لا أخلاق ولا مهارة. في إيش فادتكم هذي العيشة؟

هذي السنة، أكتشفت أن في واحد في هذا المنتدى بيحط حلول واجبات لغيره. شوفوا إسمه:
https://www.alseu.com/users/14173/

وهذا موضوع من مواضيعه: https://www.alseu.com/t19934/#post125690

هذا العضو مهو أنا ولا يمثلني!

هذا حسابي إللي كنت أستخدمه ونسيت كلمة المرور حقته:
https://www.alseu.com/users/4273/


تدرون متى بديت أفكر في كتابة هذا الموضوع؟ لما شفت إساءات لي هذي السنة. فسألت نفسي وش إللي يميزني عنكم؟ وما لقيت إلا النقاط الثلاث إللي فوق. تدرون أني للآن بأسأل نفسي كيف وصلت لوظيفتي الثانية؟ صح أني علَّمت نفسي موجه الأوامر والبورشل بس ترا أنا أكتشفتهم بالصدفة وبعدها بديت أعلم نفسي حاجات عنهم. كيف أتعلمتهم؟ 1) عن طريق قوقل واليوتوب 2) محاولة ربط إللي بأتعلمه بالواقع.
بس وش أنا سويت قبل ما أكتشف ذول اللغتين؟ هل في واحد دعى لي والله أستجاب دعوته؟ هل الفقرة (أ) هي السبب من بعد الله؟

على طاري وظيفتي الثانية، عدد إللي سووا مقابلة شخصية مع قسم تقنية المعلومات حوالي 40. أظن 6 جاتهم عروض وظيفية. 4 أعتذروا. 2 قبلوا العروض: أنا وزميل لي. هل حتصدقوني إذا قلت لكم أن ثلاثة من زملائي في قسم تقنية المعلومات معاهم شهادات من الجامعة العربية المفتوحة؟ أنا الوحيد إللي معاه شهادة من الجامعة السعودية الإلكترونية وإحتمال أني الشخص الوحيد في مقر عملي إللي شهادته من جامعتنا. حتى في مقر عملي السابق، كنت الشخص الوحيد إللي كانت شهادته من الجامعة السعودية الإلكترونية. وإنتوا بس تبوا!! وش حتقدموا للمكان إللي حيوظفكم؟ حتعطوهم شهادة البكالريوس؟ وين شايفين نفسكم؟ التأمينات الإجتماعية؟
شفتوا مقر عملي الأول؟ كنت متدرب فيه. للآن ما أعرف وش خلى زملائي يختاروني كزميل لهم. هل هي أخلاقي؟ جا وقت المعلومات إللي وعدتكم أني حأذكرها:

- لما كنت في المستوى السادس، سيارتي راحت التشاليح وجلست حوالي 24 شهر بدون سيارة. كنت أروح الجامعة مشي وأرجع مشي. كنت أخذ ساعتين من مكان إقامتي لفرع الجامعة في المدينة. لما كنت متدرب، كنت أروح لمقر التدريب مشي وبالثوب بعد. كنت أمشي لمقر التدريب حوالي ساعتين وعشر دقايق. أظن زملائي ما دروا أني أجيهم مشي وأرجع شقتي مشي إلا في نص فترة التدريب أو قبل نهاية فترة التدريب بأسابيع.

- لما كنت متدرب، كانت في مشكلة في كمبيوتر وهي أنه كل ساعة يطفي. هذا كان يخلي أشياء مكتوبة في الوورد تروح. أفضل حل زملائي أقترحوه هو فرمتة الجهاز. بس أنا أقترحت حل مؤقت ألين ما نقدر ناخذ الجهاز لقسم الدعم الفني. تفضلوا الحل: في خاصية في كل برنامج أوفيس وهي أنك تخليه يحفظ عملك كل ما تمر دقيقة، دقيقتين، ثلاث دقايق...إلخ. الوقت الإفتراضي هو عشر دقايق (أقصد كل عشر دقائق، عملك ينحفظ). أنا خليته دقيقة. كذا كل ما يطفي الجهاز، صاحب الجهاز يضمن أن معظم عمله محفوظ ونادراً يروح عليه كل شي كتبه.

- في نفس مقر التدريب، صارت مشكلة وأحتجنا توصيلة كهرباء. أنا أقترحت حل ما يحتاج توصيلة الكهرباء. تبون تعرفون المشكلة؟ كان في كمبيوتر بدون شاشة بس كان موصول بشاشة في غرفة ثانية. أحتجنا توصيلة حتى نركب شاشة لهذا الكمبيوتر بس ما كان في توصيلة. بس خبرتي في الكمبيوترات قالت أنك إذا ضغطت زر في لوحة المفاتيح أو حركت الماوس، حيصير تغيير بس إنت ما حتشوفه إلا عن طريق شاشة. فقلت ليه ما أسوي شي في الكمبيوتر وبعدها أروح للشاشة الثانية وأشيك على إللي سويته؟ بعدها واحد من زملائي بدأ يشتغل على الكيبورد والماوس وزميلي الثاني راح الغرفة إللي فيها الشاشة ويوصف إللي سواه زميلي الأول.

يمكن ولا وحدة من هذي الأشياء الثلاثة هي كانت سبب حصولي على وظيفة عندهم. يمكن أخلاقي هي السبب. يمكنها شي ثاني ما أعرفه. الله أعلم.

على طاري الأخلاق، خل أقولكم شي. صح في ناس تحش في ناس ثانية بس في نفس الوقت الحشاشين يبغوا ناس ما تغتابهم من ورا ظهورهم . ونرجع محور حديثنا.

شفتوا وظيفتي الثانية؟ مديري المباشر قلي أن من الـ 40 شخص إللي سووا لهم المقابلة، منهم ناس أحسن مني. أنا فكرت شوي وأظني عرفت وش هو السبب إللي خلاني موظف:

الشغف

تراها مهي بمزح. مو الغرب قالوا إذا بتحب إللي بتسويه ما حتحس أنك تشتغل؟ على فكرة، أنا مبرمج الدعم الفني هناك.

ما في شي حيضمن لك الوظيفة. صير أفضل من أول وطبق أول وأهم فقرة في هذا الموضوع.

طيب. حأجي على سالفة الحلول إللي قدرت أطلعها وقت أيام التدريب. سبب إيجادي لهذي الحلول هو جملة قلتها زمان. الجملة كانت قريبة من "لازم كل واحد فينا يحاول يطور الدولة بإللي يقدر عليه." هو صح الجملة خلت ناس تضحك علي. بس حأقولهم شي. الجملة هذي هي سبب تطوير نفسي بنفسي من بعد الله. هو صح إللي قلته مضحك بس أظن أني ذاك الوقت كنت أحط لنفسي هدف كبير وأنا ما أدري. شفتوا يا الفشلة؟ قلت جملة عام 2012 ضحَّكت ناس علي وهذا أنا عام 2021 أشتغل في وظيفة في مجال تخصصي. أنا قدرت أطور نفسي لأن عندي دافع! هدفكم البكالريوس فما فرقت معكم طريقة النجاح في المواد. تحسبون أنكم حتتوظفوا على طول بس لأن عندكم بكالريوس. وعلى طاري النجاح، أظن في سبب ثاني خلاني أبدع في عملي هو الحديث "أحب لأخيك ما تحب لنفسك". إنتوا عندكم المصطلح Customer Value. لاحظت أنكم تعرفوا معناها سواءً كنتوا طلاب درسوا معي في الدمام أو المدينة. محد فيكم جرب يطور نفسه ويقدم خدمات أفضل بعد ما سمع هذا المصطلح وتعريفه؟ المشكلة أن المصطلح أنقال في 3-4 مواد في الجامعة. منها مادة ECOM101.

خل أقولكم كم راتبي في وظيفتي الأولى. كان 3500 وكان يتأخر بالشهور. في وظيفتي الثانية، راتبي الحالي هو ضعف وظيفتي الأولى! إنتوا منكم ناس تبي وظايف حكومية بس ما عندكم خدمات تميزكم عن غيركم. متى حتطوروا نفسكم؟ الآن؟ من بعد ما شفتوا توبيخاتي وكأني أبوكم؟ محد حيستناكم تخلصوا دورة ولا تعلموا نفسكم حاجات تفيد مقرات العمل. وما في مكاتب فاضية في الوزارات عليها أسمائكم!!! محد بيحتريكم ومحد حيحتريكم! ولا صاحب عمل حتجيه رسالة تقول "لا تقفل التقديم. فلان بن فلان ما خلص الكورس الفلاني" ولا "لا تقفل التقديم. فلان بن فلان ما أستلم شهادة إتمام الكورس" ولا "لا تقفل التقديم. فلان بن فلان بيعلم نفسه الشي الفلاني". الخطأ منكم. ليه ما بديتوا من بدري؟ ماخذين سوق العمل بساط أحمدي.

وين إللي يبغون وظايف حكومية؟ كيف حتخدمون الناس في القطاع الحكومي إذا ما بتصيروا أفضل؟! مو الرقم 2030 سبب مقنع يخليكم تطوروا نفسكم وتصيروا أفضل؟ أقصى شي وطني تقدر تسووه الآن هو أنكم تصيروا كومبارسات في دعاية لليوم الوطني تلوحون بالأعلام!

"Your best isn't enough! "You only have one job!"


وين الفشلة إللي درسوا معي ما ذكروا الأشياء الإيجابية إللي في؟ في المحاضرات إللي داخل الفروع، كانوا يشوفوني أجاوب على أسئلة هم نفسهم ما قدروا يجاوبوا عليها. تدرون وش صرت أسوي في كل المحاضرات؟ إذا المدرس سأل سؤال، أستنى أحد يجاوب. إذا محد جاوب، أعطي المدرس جوابي. هل حتصدقوني إذا قلت لكم أن في مدرسين لما يسألون الطلاب سؤال يطالعوا في لأني من كثرة ما أجاوب، يحسبون أني أعرف الجواب؟ كأني الطالب الوحيد في القاعة.

أنا أتفلسف؟ حتى لو أفترضنا أني أتكلمت أكثر منكم، قولولي عن إيش كنت أتكلم بـ "كلامي الكثير"؟ وإنتوا؟ عن إيش كنتوا تتكلموا بـ "كلامكم القليل"؟ ليه درجاتي أعلى من درجاتكم؟ ووين إللي يغشون وقت الإختبارات (كل إثنين على سؤال)؟

وليه أنا من القلة المستفيدة من شهايدهم؟ منِّي بفيلسوف! كلامكم كذب! لو كنت فيلسوف، محد وظفني.

شفتوا الإختبارات إللي تبغوها سهلة؟ إياكم تحسبوا أن كان عندي وقت. أنا زيكم ما ألقى وقت والدليل هو معدلي إللي كان فوق الثلاثة ونزل لـ 2.26 من 4.00. وفي مواد كثيرة ما قدرت أذاكر لها إلا في أيام الإختبارات أو قبل يوم الإختبار بحوالي نص يوم. مع كل هذا، كنت أجيب درجات أعلى منكم مع أنكم كنتوا تذاكروا من السلايدات وأنا كنت أذاكر من الكتاب. في شي ثاني نسيت أقوله لكم. لما جيت فرع المدينة، كنت مهموم ومع كل هذا قدرت أجيب درجات أعلى منكم لأني عودت نفسي على الأربع أشياء إللي تكلمت عنها في الفقرة (ج). ذاك الوقت، أظني كنت أستخدم ربع إمكانياتي لأني كنت مهموم وهذا غير الإسائات إللي جاتني من طلاب ومدرسين وإداريين. وفي شي خامس خلاني أتفوق عليكم: كنت أحاول أربط كل شي أقراه بالواقع وأنا قلت لكم هذا الشي مرات كثيرة.

قبل ما أنتقدكم، إتهمتوني بأني أتفلسف. وفي السنة التحضيرية، كل ما تبوني أعطيكم واجباتي وإللي هي نتاج جهدي، كنت أقول لكم هذي جهودي الشخصية. ما أحترمتوا حدودي. تبغوني أتسامح مع قيمكم؟ قيمي وقيمكم مو بس مختلفة. قيمي ضد قيمكم! وما تبغوني أقول عنكم أطفال؟ المشكلة أني قلت لكم أني مستعد أساعدكم في أي شي يخص الجامعة ما عدا الواجبات. وكنت مستعد أعطيكم العين ذي قبل ذي. سبتوا كل خدمة كنت مستعد أقدمها لكم (وبالمجان بعد) وما كنتوا أشوف منكم إلا العناد والإستقعاد. وما تبغوني أقول عنكم أطفال؟ كل ما صرت أفضل منكم، أسأتوا في حقي. وما تبغوني أقول عنكم أطفال؟

بما أن قيمي ضد قيمكم، مو المفروض تتركوني في حالي؟ للأسف، خليتوني أدري أنكم تكرهوني بتصرفاتكم. وتسرعكم في التعامل معي ما حفظ ماء وجيهكم. ذكرتوني بنكتة خكري تهاوش مع واحد. بعدين الخكري جاب أخوياه لإللي تهاوش وياه وقال: أنا وأخوياي نكرهك . إذا تكرهون شخص أو ناس، ما يحتاج يدرون أنكم تكرهونهم. كل واحد يمشي في طريقه ولا يتعرض للثاني. لا تفشلوا نفسكم ولا تخلوا تعريفي الخاص بالفاشل ينطبق عليكم. بعض إللي آذاني بكلام أو فعل حسسني بأنه طفل يحتاج إنتباهي. غلط! أقل شي يخليني أعترف بوجودك هي أخلاقك!

أسأتوا لي قبل ما أقول عنكم أطفال بس بعد ما قلت "أطفال"، أنا أتعديت حدودي. وينها حدودكم؟ من إسائاتكم لي وإساءة بعض المدرسين والإداريين، إللي فهمته هو أن ما لكم حدود توقفوا وراها كأنكم مَنْكم مؤمنين بقوانين الجامعة! لو كان عندكم حدود، لأخذت تعهد من الجامعة على كلمة "أطفال". تعرضت لإساءات مختلفة منكم وما كان في أحد أقدم له شكوى ضدكم. لو قدرت أقدم شكوى، مدرسين وإداريين كانوا حينفصلوا ويمكن طلاب يلحقوهم. الجامعة عندها قوانين ومحد من الإداريين جرب يستخدم وحدة منهم. وكل ما صار لكم يا إللي وقف في طريقي شي (مثل إرتفاع الرسوم)، أسأتوا لي مع أنكم تدرون أني كنت طالب. محد أرغمتكم على الدراسة في الجامعة الإلكترونية بس جلستوا فيها لأنكم تعرفوا أنها الخيار الوحيد لكم. شوفوا حال بعضكم الآن بعد ما تخرج: كأنهم ما درسوا في جامعة ولا عندهم بكالريوس. ضاع وقتهم على الفاضي. وفلوسهم ما حترجع. ووينها الطالبة إللي أتهمتي أني أشوف نفسي أعرف كل شي؟ قالتها بعد ما عرفت أني أنتقدتكم وشافتني أقول لطالبة تستخدم قوقل واليوتوب. وكمان قالت أني أشوف نفسي "الملاك الصح". أول شي، أنا أعرف نفسي أكثر من أنكم تعرفوا نفسكم. وشاركتكم أشياء كنت وما زلت أطبقها. وإذا جاتني فكرة، كنت أقولكم تجربوها. كيف أعرف كل شي؟ معدلي تحت الـ 3! مو المفروض يكون 4؟ لو كنت أعرف كل شي، ما أحتجت أذاكر. لو كنت أعرف كل شي، لشرحت كل مواد الجامعة بطريقة أفضل من الكتب وكلكم مو بس تجيبوا درجات عالية. حتستخدموا إللي أقوله بشكل عملي. أنا منِّي بـ "الملاك الصح". أنا بس أفضل منكم وكنت ملاحظ هذا الشي طيلة وجودي في الجامعة بس ما تكلمت عنها إلا الآن لأنكم أجبرتوني أقولها.

تشوفون أني متقدم عليكم بس تشتكون من حالكم بدال ما تقوموا تحسنوا مستواكم. وريتكم أن الشي إللي بتشوفوه مستحيل هو شي ممكن يصير. بس إنتوا ما تبغوا تصيروا أفضل. إنتوا شغالين رفع ترندات بخصوص إختبارات الميدتيرم كل سنة! كل سنة نفس الطقوس!!!! "الإختبار ساعة وحدة". "الإختبارات ورا بعض". "الوقت ما يكفي". كلامي هذا عن الإختبارات الورقية. شفتوا لما جبت 21 في الجافا؟ طلاب كثيرين جابوا 25 من 25 وأظن معظمهم في الرياض. ترا مدة إختبارهم مثل مدة إختباركم - ساعة وحدة. وجداولهم مثل جداولكم - إختباراتهم ورا بعض. هل آذيتهم؟ لا! هم جابوها بجهودهم. وطبعاً، لاتنسوا أني جبت 10 من 25 في إختبار مادة IT110. وأني كنت السبب. الجامعة ما لها أي دخل بأي درجة نازلة أنا جبتها.

4))) أنا كنت قائد والفشلة كانوا أتباعي.

كلامي هذا موجه للفشلة. حتى بعد ما أنتقدكم بكلمة "أطفال" عام 2013، ما قدرتوا تمشوا في الجامعة بدوني . تبون توضيح؟ ليه ما خليتوا الناس تعرف أنكم في المحاضرات الإفتراضية تجاوبون نفس إجابتي حتى تحسسوا المدرسين أنكم منتبهين ولا يحسبكم غايبين أو غير مهتمين؟

- من هذي المواد مادة MGT101. لما تشوفوا أني أخترت B، كلكم كتبتوا B. لما أكتب A، كلكم كتبتوا A. خلال حضوري لمحاضرات مادة الـ MGT101، أظني جوابت على ثلاث أسئلة غلط وكلكم جاوبتوا نفس إجابتي الغلط. على بالكم أنكم أذكياء؟ أنا متأكد 100% أن في مدرسين يعرفون أنكم بتسووا نفسكم منتبهين. إنتوا ناس تبي! حدَّكُم تحديد رغبات . تبون نجاح أي كلام وأنا ما أرضى أنكم تتساوون معي في سوق العمل. وما أرضى مستوى الجامعة ينزل مِلِّ.

- وفي مادة الـ IT446، المدرس سأل في المحاضرة الإفتراضية وش معنى كلمة granularity وأنا كتبت حاجة قريبة من هذي:

It talks about things from the most general to the most specific.

جوابي هذا مهو دقيق. لو كتبت هذا الجواب في إختبار، ما حآخذ عليه درجة كاملة. المدرس لاحظ أني الشخص الوحيد إللي جاوب. فقال للطلاب الثانيين يجاوبون. إجاباتهم كانت شبيهة بجملتي. كتبوا كلام قريب من:

from general to specific
general to specific

شغلكم كوبي بسيت!!!!

لو المدرس قال "أبغى الكل يقولي معنى granularity ما عدا عبدالإله"، حتصير حالة من حالتين:
- إما ما تجاوبوا
- أو تنسخوا التعريف من قوقل.

- وفي مادة IT270، المدرس في المحاضرة الإفتراضية قال أن من الأشياء إللي تدور عليها الشركات هي تكاليف أقل. بعدها جا سلايد وكان في جدول. الجزء إللي على اليمين (أو اليسار) كان فيه معلومات ومن ضمنها الرقم 1025. الجزء إللي على اليسار (أو اليمين) كان فيه معلومات ومن ضمنها الرقم 1125. بعدها المدرس سأل سؤال بسيط جداً. أي مشروع أفضل؟ أنا كتبت 1025. من بعد ما المدرس قال صح، قمتوا كتبتوا 1025. تعرفون تؤلفون قصص عني وتعرفون تسوون كوبي بسيت! التفكير مع التخطيط في وادي.

ما في فلاسفة غيركم. تختارون إجابة بعد ما أنا أختارها. ولا تعرفون إذا إجابتي صح أو غلط. شغلكم مثل وظيفة الـ repeater. إللي ما يعرف الـ repeater، هو جهاز ياخذ إشارات من جهة ويرسلها للجهة ثانية زي ما هي بدون تغيير.

5))) ما يبغوا جواب مني ولا مساعدتي
هذي السنة (2021)، في طالبة حطت سؤالين في تغريدة: من توظف بشهادة الجامعة؟ ومن أستفاد من المواد؟
أنا كتبت أني حالياً في وظيفتي الثانية بعد التخرج وأني أستفدت من المواد لأني كنت أربط إللي أقراه بالواقع.
بعدها هي حذفت التغريدة وحطت سؤال ثاني: في أحد تخرج من الجامعة وصار موظف حكومي؟

شفتوا الموضوع "أنا تخرجت وحصلت على وظيفة"؟ حطيته في قروب واتس أب لطلاب المدينة. بعدها جا واحد حط صورتين في القروب ما لهم علاقة بالجامعة حتى ما يشوف كتابتي. من هو هذا الشخص؟ هو نفسه إللي حاول يدفني بس لأني خرجت قبله. للأسف، كان لابس لبس الدوام وهو يشتغل في شركة من الشركات المشهورة في السعودية.

في طلاب هذي السنة قالوا أن أسئلة الإختبارات الإلكترونية ما كانت تجيهم بسرعة. فقلت لهم يسووا هذا وهذا حتى يسرعوا أجهزتهم. ما شفت إلا تفاعل قليل مع تغريداتي. ما أقول أني أدور على الثناء. أنا بس بغيت أعرف من أستفاد من خبراتي من الوظيفة وتعليمي الذاتي. بس لاحظت شي. عرفت من هم الناس إللي تغريداتها يجيها تفاعل أكثر من تغريداتي وهم الطلاب إللي يشتكون من الجامعة أو يسيئوا لها أو يسيئوا لي. حتى منتديات الجامعة مثل تويتر نوعاً ما. لاحظت أن الناس إللي بتجيهم كلمات شكر أكثر مني هم الناس إللي بتحط حلول الواجبات.

(هـ) أوصاف الفشلة
إنتوا يا الفشلة فيكم هذي الأوصاف بس ما تدرون:

-تقولوا المشكلة بينكم وبين الجامعة بس بعضكم يوجه إسائاته لي-
-تبغون مساواة بينكم وبين المجتهدين (تبون نفس الفرص إللي عندهم)-
-تقولوا عن المجتهد "مصطفى"-
-تعرفون تطلبون حقوقكم بس ما تبغوا تحلوا واجباتكم-
-تعرفون أن الجامعة نمطها "الطالب هو محور العملية التعليمية" بس تبغون نمط الجامعة "الطالب هو محور الكون" حتى تِشَرِّعُون إللي تبغوه-
-تحرِّفون الحاجات الإيجابية إللي في بس بعد ما قلت "أطفال" على طول أخذتوا المشاركة زي ما هي-
-تشوفوا أن طريقة الجامعة قمعية وأن إنتقادي ظلم لكم ولأمثالكم-
-غلطتوا في حقي وما تبغوا تتحاسبون على أفعالكم؛ تبغون تعيشوا حياتكم بدون أي أحد يوقفكم عند حدكم-


(و) وظايفي قبل الشهادة
لما كنت أدرس في فرع الدمام، أكثر وظايفي كانت "موظف إستقبال". ولما كنت أدرس في فرع المدينة، كنت أشتغل في محل ملابس (ومن مهامي في المحل تمسيح البلاط وإنتوا بالكرامة). فلا تحسب أن وجودك في وظيفة راتبها قليل أو شركة صغيرة معناه أنك ما حتقدر تصير أفضل. أنا درست مع طلاب يشتغلوا في أرامكو وطلاب يشغلوا في سابك وطلاب في شركات قوية. وفي معظم الإختبارات، كنت أجيب درجات أعلى من معظمهم مع أن كل واحد فينا ما يلقى وقت يذاكر فيه. إذا تبغى تعرف وش هو الطموح، شف فيديو لـ عبدالله جمعة (المدير السابق لأرامكو).

(ز) إنجازاتي في الجامعة:

قبل ما أتكلم عن إنجازاتي، مدير الجامعة السابق عبدالله الموسى قال أن الطالب "شريك" للجامعة. وش صار؟ بعض الطلاب لما يشتكي، صار يقول عن نفسه شريك . إنجازاتي هذي تثبت بأني أحد شركاء الجامعة:

- في مادة شبكات في المستوى الخامس، أكتشفت خطأ وكان كذا:

في شابتر من الشباتر، كان مكتوب:
إذا أول عدد كان زوجي، unicast.
إذا أول عدد كان فردي، multicast.

في شابتر ثاني، كان مكتوب:
إذا أول عدد كان زوجي، multicast.
إذا أول عدد كان فردي، unicast

بلغت الجامعة بالخطأ عن طريق المنتدى الرسمي. والجامعة قالت للطلاب يستخدمون إصدار ثاني للكتاب.

- في الإختبار النهائي لمادة MATH251، أكتشفت خطأ في سؤال إختر الإجابة الصحيحة. كل أجوبة السؤال كانت خطأ. شفتوا الطلاب إللي كانوا معي في الإختبار؟ واحد منهم كان بيتكلم مع مدرس والطالب قله أني فيلسوف. خل أقولكم حاله وحال أمثاله لما كنت بأحل. كل أياديهم كانت على الطاولة والله على ما أقوله شهيد. ما شفت يد أي واحد فيهم تِتْحرك.

(ح) إنجازات خارج الجامعة

حاٌقوكلم كيف مادة الرياضيات ساعدتني في حل مشكلة في محل ملابس كنت أشتغل فيه. السالفة هي أن صاحب المحل كان يبغى يتحمل ضريبة الـ 5%. لما دخل مجموع الحساب في برنامج المحاسبة، البرنامج ما كان بيخصم الضريبة. كان بيخصم الـ 5% من المجموع ويخلي الضريبة زي ما هي. في عالم البرمجة، هذا إسمه Software Bug. أنا رحت للبرنامج وقمت أختبره وأسجل البيانات إللي أدخِّلها (input) وأسجل البيانات إللي تظهر لي (output). عن طريق هذي البيانات، أستخرجت معادلة وعطيتها صاحب المحل. كل ما صاحب المحل يستخدم المعادلة، يِطْلَع له رقم. لما يدخل هذا الرقم في برنامج المحاسبة، تنخصم الضريبة من المجموع. بعد فترة، عطينا هذي المعادلة للمبرمج إللي صمم برنامج المحاسبة وبعدها صار كل ما يطلع المجموع، الضريبة تنخصم منه على طول. أي مادة ساعدتني في حل هذي المشكلة؟ MATH150؟ لا! MATH251؟ لا! هذي مادة MATH001 وهي مادة في السنة التحضيرية. إذا بأستفيد من مواد السنة التحضيرية، فكيف بمواد التخصص؟

(ط) أيام التصنيف "تعليم مدمج"
في شي ودي كل واحد أساء لي عام 2019 يعرفه. لما كنتوا تسيئوا لي، كنت بأحَسِّن برنامج سويته بنفسي وهذا البرنامج يسرع الأجهزة البطيئة. لما كانت يدكم في النار وتحطوا مشكلة التصنيف في، كنت على جهازي أحسن برنامج وأخليه أفضل. كنت مخطط أحطه في موقع وأعرضه للبيع. بس لما شفت إسائاتكم، وقفت شغلي مؤقتاً وكتبت الموضوع "أنا تخرجت وحصلت على وظيفة" حتى تستحون من نفسكم. ورجعت أكمل شغلي .

لما كنت أقرأ تغريدات الطلاب ذاك الوقت، شفت جمل فيها غبنة مثل جمل زي "ترضوها لنفسكم". أنا صراحةً كان نفسي أقول لكم الأشياء إللي قلتوها لما كنتوا مغبونين. كنت مغبون في الجامعة في السنوات الأخيرة لأن مدرسين وإداريين آذوني. أسوأ واحد فيهم كان مدرس ثقافة إسلامية!

وكل ما يصير لكم شي (برنامج يتهمكم بالغش، أسعار الرسوم أرتفعت...إلخ)، صرت أقول في نفسي هذا جزاء تعاملكم معي.

إذا موضوعي هذا ما وقفكم عند حدكم، حيصير لكم شي أسوأ من إرتفاع الرسوم! وش هو هذا الشي؟ ما أعرف. بس أنا واثق أن حيصير لكم. السؤال هو هل حتتركوني في حالي لما يصير لكم؟

قبل ما تفكروا تؤذوني، ترا صار عندي إمتياز مثل آبائكم. أقدر أدعي عليكم ودعائي هذا حيكون مستجاب. إما تبدئوا تعيشوا حياة الجبناء وتخافوا مِنِّي أو تكملوا عيشة الفشلة وبعدين أحولكم لجبناء طيلة عمركم. والحاضر ما حيدوم للأبد.

(ي) موضوع عمره 9 سنوات:

حأذَكِّر الطلاب بمشاركة قديمة عام 2012 كتبتها قبل اللقاء التعريفي بأسابيع. هذي قصة حقيقية:

إثنين قدموا على وظيفة: واحد معدله 4 من 4 والثاني معدله 2 من 4.
إللي أنقبل كان إللي معدله 2.
السبب كان أن أبو معدل 4 من 4 طلع شخص يحفظ حتى ينجح.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
كم هو معدلي بعد ما تخرجت؟
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وكم كان معدل كل شخص آذاني وما لقى وظيفة للآن؟







التوقيع
Ab.K.F

Abdulelah Khalil Fallatah

التعديل الأخير تم بواسطة Ab.K.F ; 02-10-2021 الساعة 12:45 PM
  رد مع اقتباس

قديم منذ /18-09-2021, 04:17 PM   #2

طالب جديد

Ab.K.F غير متواجد حالياً

 

مواضيعي | ردودي

 رقم العضوية : 41296
 تاريخ الإنتساب : Nov 2019
 مقر الإقامة : Madinah
 فرع الجامعة : فرع المدينة المنورة
 التخصص : بكالوريوس تقنية معلومات
 المستوى : غير منتسب
 المشاركات : 29
 الجنس : ذكر
 مستوى التقييم : Ab.K.F is on a distinguished road
النقاط : 0

شكراً: 2
تم شكره 5 مرة في مشاركة واحدة
افتراضي



نسيت أقول حاجة:


إللي وده يوصل لهدف معين، لا يحمل نفسه فوق طاقتها. لازم يحاول يشتغل بأقل الجهود إللي يقدر عليها. صحته مهمة.

اجتهدوا بس لا تضغطوا على نفسكم. لو تقدروا تشتغلوا على أهدافكم خمس ثواني، اشتغلوا خمس ثواني بعدها سووا إللي تبغوه (تتصفحون مواقع التواصل الإجتماعي، تروحون حديقة، تزورون أقاربكم...إلخ). بعدين، حاولوا تشتغلوا على أهدافكم مرة ثانية وبالمدة إللي تحددوها لنفسكم.

أنا سويت هذا الشي مع لغة برمجة بغيت أتعلمها. أول أسبوع حملت البرنامج. ثاني أسبوع، سويت له تثبيت...إلخ.








التوقيع
Ab.K.F

Abdulelah Khalil Fallatah
  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة