قديم منذ /26-08-2020, 01:07 AM   #1

طالب نشيط

shahd_fahd غير متواجد حالياً

 

مواضيعي | ردودي

 رقم العضوية : 23122
 تاريخ الإنتساب : Aug 2016
 المشاركات : 119
 الجنس : أنثى
 مستوى التقييم : shahd_fahd will become famous soon enoughshahd_fahd will become famous soon enough
النقاط : 29

شكراً: 1
تم شكره 118 مرة في 56 مشاركة
افتراضي تجربتي ليفيل 8 والأخير


السلام عليكم ورحمة الله وبركاته
وصلنا لآخر ترم ولله الحمد بفضل الله وكرمه

هالترم مافي أي مواد مشتركة بين التجارة والمحاسبة والإدارة
حكتب تجربتي في التجارة والباقي حيكون تجارب زميلاتي.
تجربة هالترم مختلفة شويا بسبب ظروف كورونا

مواد التجارة

IT402
integrated enterprise system, تتكلم عن نظام SAP وهو نظام يشبه ال ERP اللي هوا نظام يجمع داتا جميع أقسام الشركة لكن الsap معقد أكثر ومكلف بالتالي غالبًا مستخدم من الشركات الكبيره. شوفوا هالمقطع في اليوتيوب شرح مبسط وجميل
What is SAP? Why do we need ERP? Beginner Tutorial
الكورس عباره عن 9 شباتر والميد كان إلى شابتر 4 سلايد 50 الماده معلوماتها كثير وتراكميه يعني لازم تبدأ من البداية عشان تفهم بالترتيب +مايتراكم عليك كم المعلومات الكبير. فيها كثير مصطلحات وأفكار جديده ف الماده تحتاج فهم كويس. سلايدات الماده صح إنها طويله لكن مو كافيه,فيه سلايدات نزلتها لكم فيها أشياء مضافه من الكتاب من مجهود إحدى الأستاذات ولكن برضو غير كافيه. تحتاجوا ترجعوا للكتاب وكتاب الماده غني جدًا بالمعلومات حتفهموا منه كل شي إن شاء الله. عن نفسي اخترت إني أذاكر من السلايدات اللي فيها زيادات من الأستاذه وبنفس الوقت كنت أفتح الكتاب ألخص أي معلومات مهمه فيه وأحطها في السلايد, كان ياخذ مني وقت طويل لكن كان أريح في المذاكرة لأن المعلومات كلها في مكان واحد بدل أتنقل بين الكتاب والسلايد. ميد وفاينال كلها اختبرناها اونلاين شفت إن الأسئلة ماكانت صعبه من السلايد والكتاب و التست كمان جابوا منه.

ECOM421
اي بزنس, ماده جميلة ومفيدة وسهلة. المادة عباره عن كتابين, كتاب يحتوي على 5 شباتر والكتاب الثاني 13 شابتر والميد الكتاب الأول لشابتر2 والكتاب الثاني لشابتر6. بالنسبة للمذاكرة حتكون من الكتب, الكتاب الأول ممكن تشوفوا سلايداته وحتى تذاكروا منها بس فيها شويا أشياء ناقصه ممكن ترجعوا للكتاب أو تطبعوا وتذاكروا من الكتاب مباشرة وهذا اللي سويته, أما الكتاب الثاني الطويل سلايداته فاضيه تقريبًا يعني لازم الكتاب, واللي حيطبعوا الكتاب انتبهوا لا تطبعوه كامل لان من نص الكتاب عباره عن كيس ستدي. حابه أنبه على حاجتين أول شي فيه أساتذه مايشرحوا الكتاب الأول ولا حتى يجيبوا سيرته للطلبه ف إنتبهوا لأن جابوا منه في الاختبارات والاسايمنت وبالعكس هالكتاب جدًا لطيف ماهوا دسم وكل شابتر يتكلم عن فكرة وحده ومتفرع فيها. والتنبيه الثاني الكتاب الثاني الطويل سلايداته فاضيه ف فيه أساتذه يسوو سلايدات من مجهودهم يعطيهم العافيه لكنها أبدًا غير مفيده لأن التعاريف والشرح وكل شي فيها مو من الكتاب فحيصير حرفيًا كأنكم تذاكروا منهج ثاني ف انتبهوا إن شرح المدرس نفس الكتاب. الميد والفاينال اختبرناه اونلاين الأسئلة نسبيًا سهله. لكن فيه أشياء كانت تعتمد عالفهم بححححت لازم تكون مره فاهم كويس لأنها كانت عباره عن أمثله عن شركات في السعودية مثلًا جابوا سؤال اختياري إعلان حق كريم وكاتبين إيش نوع هالاعلان وغيرها جابوا كثير وحاولوا تعرفوا الأجوبه الصحيحه لأن فيه أسئلة جات بالميد وتكررت في الفاينال وللأسف ماتأكدنا من أساتذتنا عن الجواب الصحيح.
وجابوا كمان أسئلة دقيقة يعني وحده من الأسئلة كان فيها تاريخ! صح إنه موجود بالكتاب بس أكيد ماجا ببال أحد يذاكره وكمان جابوا من السمري اللي بنهاية الشابتر. أتوقع إنهم تفننوا في الأسئلة لأن الاختبار اونلاين. راح أنزلكم تأشيري للكتابين هذا اللي أنا اعتمدت فيه للمذاكره وتأشيري كان عباره عن شرح استاذتي كنت ألخص معاها أثناء شرحها. ولكن الاختبارات جابوا أشياء أنا مو مأشرتها.

ECOM402
إدارة سلاسل الإمداد الإلكترونية, عبارة عن 15 شابتر والميد كان إلى 6. الماده من كثر ما إنها سهله صارت صعبه سلايداتها جدًا بسيطة يادوبك كم سلايد والشي الغريب إن أغلب السلايد عباره عن جُمل يعني التعاريف والتعداد وهالأشياء قليلة. موجود كتاب للماده مقسم كل شابتر في ملف باستثناء شابتر 7 ماحصلناه. ونفس الشي الكتاب جدًا متعمق مختلف عن السلايد. عن نفسي أخترت إني أكتفي بالسلايدات و الكتاب فقط رجعت لشابتر 5 هوا الوحيد اللي حسيت فيه معلومات مهم أرجع لها , زي انواع الاوكشن وانواع النقوشيشن. وغير كذا لما كنت أصادف مصطلحات جديدة كنت أبحث عنها بالنت وأفهمها فقط وفي الغالب يكون لها شرح بالكتاب إذا حبيتوا شرح الكتاب تقدروا ترجعوا لها بدل النت. الميد والفاينال اونلاين برضوا, الأسئلة ماكانت مباشرة, جابوا من السلايد والتست والكتاب والمواقع وفيه أسئلة حتى بالفهم مو نصًا ماحصلنا جواب لها. ولكن نفس الشي أتوقع نوعية الأسئلة كذا لأن اونلاين لو بالجامعة اختبرنا ما اعتقد حيكون مستواها كذا.

مادة التركيز:

IT405
تطوير بوابات الويب الإلكترونية, عباره عن 10 شابترز وفيه كمان فايلين يعني كأنها 12 شابتر والميد إلى 5. السلايدات كافية والكتاب نادرا ماحتحتاجوه لكن فيه مشكله بهالماده إن الماده تقنية وفيها أكواد لكن إحنا مطالبين بالجزء النظري بس فيصير في كثير أحيان ايرور لأن قاعدين نحفظ شي بس مو فاهمين إيش هوا بالضبط بالذات لو أستاذكم مايشرح حيصير الموضوع ضياع. الشي اللي سويته كنت معتمده عالسلايد وأفتح الكتاب بعدها اخذ نظره لكن نادر ما أحصل شرح مهم ينضاف للسلايد + مايمر عليا مصطلح ما أفهمه في السلايد إلا أبحث عنه بقوقل واليوتيوب مره كان ياخذ وقت بالذات المصادر لهالماده مو كثير لكن كنت فاهمه الماده الحمدلله وبالعكس لما فهمت الماده جدًا استمتعت فيها وتمنيت لو كنا ندرس الأكواد. الميد اختبرناه في الجامعة كان جددًا سهل وماطلع من السلايد أبدًا, المقالي كان من شابتر 5 سلايد 6و5 وشابتر 4 سلايد 13. لاتركزوا عالأشياء اللي مره فيها تفاصيل غير مهمه زي شابتر 3 سلايد 17و18 هالأشياء مايجيبوا زيها. أما الفاينال كان اونلاين وكان مختلف عن الميد لأن في بعض الأسئلة طلعوا من السلايدات + الفايلين اللي غير عن الشابترز ال 10 جابوا منها.

مواد المحاسبة

ACCT 322
managerial Accounting ماادة اسهل منها مافي ، تحتوي على ١٢ شابتر الشباتر عبارة عن مراجعة شاملة لمقرر الكوست وبعض مبادئ المحاسبة .. جداً جداً سهلة وبسيطة واللي فاهم الكوست حيكون مرتاح فيها .. هذا الترم كان في ٣ واجبات كل واجب عليه ٥ درجات ومجموعهم ١٥ درجة ، كان في كويز من ١٠ درجات و الميد ٢٥ و الفاينل ٥٠ درجة

ACCT422
Tax and Zakat مادة لطيفة نوعاً ماا تعتمد عالفهم والحفظ مع بعض ، مقسمة لثلاث اجزاء جزء ضريبة سعودية ، زكاة ، وجزء ضريبة امريكية .. اول جزئين هم اللي تم التركيز عليهم وهم الاهم اصلا بالنسبة للضريبة الامريكية كان جداً سطحي المعلومات اللي بندرسها بحكم ان المنهج كان ٢٠١٤ واتغيرت قوانين كثير في امريكا مع مرور السنين . تقسيم الدرجات ١٥ واجبات ، ١٠ كويز ، ٢٥ ميد و ٥٠ فاينل.

LAW401
فيها اشياء من مادة قانون 101 وفيها معلومات حلوة ومعلومات مش واضحة اعتقد شابتر 3 كدا تحسيه مو واضح
بالنسبة للاختبارات عشان مع وقت كورونا كان كله اختياري ومن السلايد وممكن كدا تلاقي اسئلة اختياري بلفة
بالنسبة للدرجات يقدر الواحد يجيب فيها من A و A+
تعتبر مواد خفيفة

مادة التركيز:

ACCT424
محاسبة التأمينات بتتكلم عن شركات التامين برضه الماده شابتر قليل يمكن 10 او 11 سلايداتها قليلة الترم داه اخدتها مع موجة الكورونا, الواجبات في بعض منها كان نفس الشي غثيث تبحثي تبحثي وما تطلعي بنتيجة. الاختبارات من السلايد بس الاختياري برضه كم واحد بشوية لفة.


مواد الإدارة

Mgt 421
المادة اختبرت فيها ميد في الجامعه كانت الأساله من التست بانك السلايدات فاضيه اعتمدت في المذاكره من ملخصات هاجر كانت كافيه وشامله لأنها من الكتاب والتست بانك لانى زي ماقلت كانت الاساله من التست سواء ميد وفاينل كانت الاساله شوى فيها تغيير مصطلحات عشان يلخبطوك بس عموما الماده سهله (من شابتر ١ الى ١١ ماعدا ٧ ميد ومن ١٢ الى ١٧ فاينل )

Mgt 422
ما اختبرنا فيها في الجامعه بسبب كورونا
المادة سلايداتها فاضيه كان التركيز من الكتاب ما اعتمدت على ملخصات كانت الاساله كلها من الكتاب ومن بين السطور وبالفهم الماده سهله بس يبغالها مذاكره اول ب اول لانو الاساله ماكانت هينه
(١ الي ٦ ميد ومن ٧ الى ١١ فاينل )

Mgt 324
المادة نفس الشي ما اختبرنا في الجامعه بسبب كورونا
الاختبارات كانت من التست بانك في الميد والفاينل سلايدات البلاك بورد فاضيه بس كانت فيه نسخه ثانيه كانت فيها شرح ذاكرت منها + التست
(١ الى ٧ ميد ومن ٨ الى ١٤ فاينل )
ولكن بسبب ظروف كورونا حصل استثناء هالترم و الفاينل كان من ٢٠ درجة و٣٠ درجة دخلت مع اعمال السنة.

مادة التركيز:

MGT425
ماده السبريد شيت هي تتكلم عن جداول البيانات و اغلب الماده تعتمد عالتطبيق العملي في الاكسل
بس جامعتنا معطيتنا هي نظري
وبالنسبه للاختبارات للامانه عالتحديد تحديد الماده هو نفسه ماتغير من كم ترم و مواد تركيز الاداره للامانه مو صععبه واغلب مواد الاداره هي تكرار لنفس الكلام لكن بصيغه ثانيه فقطط




إنتهت رحلة 4 سنين ونحن بصحة وعافية
وبدأت رحلة جديدة مختلفة كليًا, أسأل اللي لي ولكم التوفيق فيها
الحمدلله على فضل الله وتيسيره لنا
الحمدلله على كرمه وتسخيره
فخورة جدًا بنفسي وفيكم طلبة كلية الإدارة
متميزين, متعاونين, مختلفين
أدعوا لكم الله بمستقبل جميل باهر يليق بكم وبنجاحكم وإصراركم وتفوقكم
أن شاء الله تبشروني جميعًا بتحقيق أحلامكم ونجاحكم وأسمع أسمائكم في الأماكن اللي تحبوها وتطمحوا لها
وأنا أبشركم بحصولي على امتياز مع مرتبة الشرف الأولى و الأولى على تخصصي والثانية على الكليه وبإذن الله أبشركم بإنجازات أجمل
___
ممكن البعض يجيه شعور بخوف والبعض العكس حماس, ولكن شعور طبيعي بعد أي مرحلة في الحياة
إذا حسيتوا تحتاجوا وقت عادي لا تضغطوا على نفسكم أهم شي لا تاخذوا بريك طويل غير مسموح
وتذكروا searching for a job is another job
لا تيأسوا أثناء التقديم + لا تتوقفوا عن البحث و تطوير مهاراتكم خلال هالفتره
هالساعات اللي حتخصصوها للتعلم والتطور و للبحث والتقديم على وظايف هيا اللي حتميزكم و حتصنع منكم فارق عن غيركم


خلونا نبقى متواصلين على لينكد ان ونشوف إنجازاتكم هناك, ابحثوا عن إسمي Shahd Bayazeed حيطلع لكم بروفايلي
وطلبة كل تخصص أنصحكم تبقوا متواصلين بقروب يجمعكم تتبادلوا فيه خبراتكم ومهاراتكم.


أستودعناكم الله
دُمتم بخير








التوقيع
العبقري هو ليس شخص يعرف كل الإجابات
العبقري هو من لديه الصبر ليبحث عن كل الإجابات
لاتنسوني من صالح دعائكم
Twitter: 97_shahdd
  رد مع اقتباس
2 أعضاء قالوا شكراً لـ shahd_fahd على المشاركة المفيدة:

قديم منذ /26-08-2020, 09:19 AM   #2

المشرف العام

Abdurrahman غير متواجد حالياً

 

مواضيعي | ردودي

 رقم العضوية : 17185
 تاريخ الإنتساب : Sep 2015
 مقر الإقامة : الرياض
 فرع الجامعة : الفرع الرئيسي بالرياض
 التخصص : ماجستر أمن المعلومات
 المستوى : المستوى الرابع
 المشاركات : 559
 الجنس : ذكر
 مستوى التقييم : Abdurrahman has a spectacular aura aboutAbdurrahman has a spectacular aura aboutAbdurrahman has a spectacular aura about
النقاط : 34

شكراً: 170
تم شكره 154 مرة في 27 مشاركة
افتراضي


وعليكم السلام ورحمة الله

الف مبروك التخرج واتمنى لك بإذن الله التوفيق والنجاح في حياتك والعقبى لبقية الأعضاء








  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة