السلام عليكم ورحمة الله وبركاته
أخواني وأخواتي الطلاب
بما أنه نزلت جداولنا وأغلبنا عرف وش اللي له وعليه
حبيت أطرح بين أيديكم فكرة بتساعدنا في الدراسة
في أول يوم دوام قالت لنا معلمة المهارات الأكاديمية عن طريقة الاختبارات والأسئلة كيف بتكون
تتشكل لجنه ويطلبون من كل فرع نموذج اختبار ويختارون من كل نموذج ويطلعون لنا اختبار
يعني اختبارنا بيطلع حلو وان سألنا من حط الأسئلة حتى لو كان/ت الأستاذ/ة نفسه بيقولون انه زي كذا
فأتوقع الفكرة بتساعدنا على الدراسه كثير
نتقسم خمس مجموعات وكل مجموعة تمسك مقرر وللتنظيم يكون فيه مسؤول عن كل مجموعة
مثلا المجموعة اللي الحاسب
ناس مهمتهم تجمع المحاظرات وناس تلخص وناس تجمع أسئلة الدكاترة و ناس تحط توقعاتها للأسئلة
وبقية المجموعات نفس الشي
وبآخر الترم في فترة المراجعة ننزل كل هالمعلومات وتنزل كموضوع عشان الكل يستفيد منه
وخلال الترم الدراسي كل مجموعة ترسل للمسؤولين عن المجموعات الثانية وهم بدورهم يرسلونها لأعضاء المجموعة
اللي لخصوه وجمعوه عشان اللي يبي يدرس أول بأول يمديه
وبكذا ينحفظ حق المجتهدين ويتميزون عن اللي ما تكلفو واشتغلوا
بس|أهم شي نكون قد المسؤولية وما نوهق بعض آخر الترم|
بالأخير هي مجرد فكرة اللي حاب يعدل فيها ويضيف
تحياتي