تعتذر الجامعه عن عدم قبولك
 

السلام عليكم ....

للأسف وصلتني رساله تعتذر الجامعة السعودية الإلكترونية عن قبولك في الدفعة الاولى في مرحلة البكالوريوس للفصل الدراسي الأول من العام الجامعي 1441 هـ

نفس كل سنه طبعا انا مو مستغرب لأني كنت متوقعه عدم القبول بس سؤالي ليش الجامعه مآ تكلف نفسها وتحط أسباب الرفض عشان الواحد يعرف في ايش غلط جد مضايقه من 2015 وانا أقدم ونفس الرد 💔💔💔

وعليكم السلام ورحمة الله

بإذن الله يتم قبولك في الدفعات القادمة

ونعم فيه قبول في دفعات ثانية حسب كلامهم على تويتر

وعَلْيّكَمُ الْسَلآإمّ وٍرٍحَمُةٌ اللَّـَـَـَـْـْہ وبُرٍكآإتَهّ ..

لا تتضايقين يا اختي ولا تيأسين ابدا
لي تقريبا ٤ سنوات وانا اقدم عليهم كل مافتح التسجيل ويعتذرون بدون توضيح السبب مع العلم ان نسبة الشهادة الثانوية عاليه وتخصصي علمي ولله الحمد لكن هالسنه الحمدلله ابشرك تم قبولي ومن لحظة الرساله وانا مسدد و رافع الوثائق وخلصت كل شي الحمدلله.
و واحد من الشباب نفس وضعي ونفس السيناريو وما قبلوه السنه هذي مع عدم توضيح السبب!
و اعيد اقولك لا تيأسين ابدا (لا يأس مع الحياه ولا حياة مع اليأس) وخليك متابعة لوقت التسجيل وسجلي بكل مره.
اسال الله لي و لك وللجميع التوفيق والخيره.

بدر

لاتزعلي باذن الله يتم قبولك في التقديم الجاي . .����

لا تيأسي ولا تقنطي من رحمة الله- بيكون هناك دفعة ثانية وثالثة ورابعة إن شاء الله
القبول وعدم القبول شي بيد الله وإن شاء الله يتم قبولكم في الدفعة القادمة انتي وكل المتقدمين

اما بخصوص سبب الرفض فهذا مطلب الجميع لكن السبب الاول هو مفاضلة النسبة بين الطلاب والجامعة تاخذ النسبة الاعلى فالاقل منها حتى تمتلئ شعبة التخصص المتقدمين عليه وهكذا

وفقكم الله

التقدم الثاني بيكون فقط على تخصص القانون نهاية الترم الاول القادم
اما باقي التخصصات فتقديمها مرة واحدة فقط في شهر شوال من كل عام

الحين انا اشيك على الموقع يقول لي الرقم الهويه غير مسجل كيف انا مقدم ومتاكده

ألف مبروك أخوي وربي يوفقك وعقبالنا يارب وإنشاء الله ما تطول سالفة الرفض هاذي

بصراحة كثير انرفضو وانا منهم واعتقد بسبب في خريجين
جدد 2019/2018 نسبهم عالية اعاقو الطريق على القديمين
بصراحة مو حسد ولكن ياليت تعطون فرصة لغيركم انتم تقدرون
تدرسون في جامعات حكومية "بدون رسوم" للأمانة انبهرت كثير
اغلب المقبولين كدفعة أولى خريجين جدد ونسبهم عالية 90+ الى 99 وبعضهم علمي حرام والله ، اذا مانقبلت ف جامعات حكومية
بسبب قياس وتحصيلي ، تقدر تعيد الاختبارات تبع قياس وتحسن درجتك بعدها تقدم وتنقبل باذن الله طب ولا هندسة منها تكون شهادتك انتظام ومنها تعطي فرصة للفقراء والمحتاجين يحسنون وضعهم دراسياً .. يعني في وحدة في تويتر منزلة نسبتها وانها تم رفضها من الجامعة الالكترونية ودرجاتها كالتالي :
ثانوية عامة علمي 99.64
قدرات 91
تحصيلي 91
هذي بالراحة تنقبل طب وهندسة وبأقوى جامعات
أنا مدري وش طروفها يمكن متزوجة ومانعها زوجها تدرس او معها
اطفال لكن بشكل عام أشوف أن المتفوقين خربوا علينا ، ونفس الوقت خربوا على أنفسهم ،، مجرد وجهة نظر وأتمنى التوفيق والقبول للجميع في الدفعات القادمة دمتم بود .