بسم الله الرحمن الرحيم
السلام عليكم ورحمة الله وبركاته
الف الف مبروووووووك قبولكم بالجامعه أسأل الله لكم التوفيق
راح اقدم لكم بعض النصائح والارشادات بخصوص السنه التحضيريه بما اني عديتها بمعدل ممتاز ولله الحمد
اولا استعينوا بالله وأبدأو بكل جد واجتهاد وثقه بالله ثم بقدراتكم وخلو قدام اعينكم الهدف والطموح والرغبه في النجاح
ثانيا من البدايه امشوا صح ع النظام شيلوا شي اسمه اهمااااااااااااااااال no اهمال
الكتب على طول اشتروها لأن الواجبات ماراح تفتح لكم الا بالكتب
طبعا الكتب تشترونها اونلاين ولا احد يقول لكم ما تحتاجونها فيه نسخ مدري ايش الكتب لازم تنشرى مثل ماقلت الواجبات ماتقدرون تحلون الا بها
بالنسبه لمقرر الحاسب الالي صراحه سهل واعتقد الاغلب يعرف اساسيات الكمبيوتر الصعوبه اللي فيه هي لغة الدراسه فقط لأنها انقلش كلها ونصيحتي اول بأول ذاكروا لو بس تقرأون الدرس وتترجمونه بيسهل عليكم كثير
الاخوان ماقصروا نزلوا ملخصات للماده جاهزه ومترجمه
الواجبات حلوها اول بأول
الماث او الرياضيات امممممممممم هو سهل لطلاب العلمي لكن لابد من المذاكره وبالنسبه لطلاب الأدبي فماهو شي صعب ابدا ركزوا مع الاساتذه وقت الشرح لا تفوتون ولا محاضره للماث كل محاضره مهمه وعندكم النت مليان شروحات للماث من اهمهم سامر البطاينه يشرح ويفهم , واجبات الماث حلوها أول بأول لا للتراكم لا للتراكم تروها كثيره
ومن هذا المنبر احب اشكر اساتذتي للماث الأستاذه عبير الفهيد فرع الدمام قمة في الشرح وتعيد وتزيد وتساعد ماقصرت وربي
مادتي مهارات الاكاديميه ومهارة الاتصال أسهل شي في الحياه بالعربي وتتكلم عن الواقع فيها واجبات برضه تنحل اول بأول
نجي للشي الاساسي مادة الانقلش
الكتب طبعا تشترى الواجبات تنحل اول بأول بالنسبه لي انصح بدراسة القرامر عن طريق النت وانصح بتكثيف الاستماع للبرامج باللغه الانجليزيه بدون ترجمه
ومحاولة القراءه لمواضيع بالأنقلش معليش ادري صعب وتعب وماتفهمون شي لكن صدقوني مع الوقت راح تصيرون مبدعين
بتقولون لي ليش هالتعب كله
بقول لكم ياحلوين لأن فيه اختبار اسمه ستيب وعلى هذا الاختبار يتحدد هل تنتقلون للمستوى الثالث التخصص او لا
وهذا الاختبار يعتمد على القراءه والاستماع والقرامر لذالك اهتموا من البدايه
ونصيحه من أختكم لا تتركون الأختبار لأخر لحظه من اول شهر احجزوا موعد في قياس واختبروا عشان تقدرون تعيدون الاختبار كذا مره قبل نهاية السنه لأن الدرجه المطلوبه مو هينه اقل شي 60 درجه مع اعمال السنه كامله ونادرا احد يجيب اعمال السنه كامل يعني ممكن تحتاجون درجه عاليه في ستيب
وممكن تختبروا ستيب قبل الدراسه وتجيبون 83 وخلاص تعادلون الماده ما تدرسونها نهائيا
وبس وفالكم التوفيق يارب
أي سؤال أنا حاضره أو مساعده ابشروا بس ياليت رساله ع الخاص
الأعضاء الذين قالوا شكراً لـ سعاد القحطاني على المشاركة المفيدة:
اختبرت step وجبت اكثر من 83 وسويت طلب معادله بس للحين ماردو وش رايك لازم احضر االمحاضرات ولا لا ....الطلب لما الحين تحت الدراسه .. الله يعطيك العافيه على هالمعلومات الحلوه
اختبرت step وجبت اكثر من 83 وسويت طلب معادله بس للحين ماردو وش رايك لازم احضر االمحاضرات ولا لا ....الطلب لما الحين تحت الدراسه .. الله يعطيك العافيه على هالمعلومات الحلوه
احضر عادي وانتظر الرد من الجامعة، او ممكن تزورهم شخصياً اذا تأخرت
نصائح مهمه لطلبة التحضيري
.gif "00")
لكن عادي متفائلة خير 
العرض العادي
