السلام عليكم ورحمة الله وبركاته :
اولا : انتم ليش زعلانيين بخصوص مماثلة ساعات التعليم لما هو مسجل بالسجل الأكاديمي على الرغم من أن نظام الدراسة كان واضح من قبل التسجيل بأنه لكل مادة ساعة في الجامعة وساعة اون لاين ولا تنسى المهام الأخرى مثل لوحة المناقشات والواجبات والبحوث فاذا ما كان هذا يناسبك بأمكانك التحويل او التسجيل في جامعة أخرى ثم انظر الى الجامعات الثانية تلاقي مادة وزنها 3 ساعات ومع ذلك تحظر عملي ونظري اكثر من 6 ساعات يعني الجامعة خففت ساعات التلقين وركزت على الطالب كمحور للتعلم والأبداع وعطت فرصة للموظفين واالي فاتهم قطار العلم انهم يحصلون على شهادة قوية ومصنفة .
ثانيا : كلنا يعرف الجامعات اللي تعطي شهادات بالأنتساب بدون جهد وبدون حظور لا ساعة ولا ساعتين واللي جاء القرار الوزاري باغلاقها ومنع القبول فيها وبعدها جاء كلام على الجامعة السعودية الألكترونية وتم النفي من قبل وزارة التعليم على انها جامعة معتمدة كأنتظام لعلمهم بقوة شهادتها ومخرجاتها .
ثالثا : نسبة التسرب العالية من الطلبة وتركهم للجامعة هي أكبر دليل على ان الجامعة ما عندها مزح ولعب اذا انت جيت تبي ورقة شهادة فالجامعة ذي ماتنفع لك لانها كرف وشغل وتعب واللي يدرس حاليا او تخرج يعرف كلامي زين واللي وده يتأكد يسأل الطلبة الي فيها حاليا ويشوف .
رابعا : انا خريج حديث من الجامعة ويشهد الله اني شعرت بفارق كبير على المستوى الشخصي وفي العمل وفي البيت واكتسبت مهارات ماكنت املكها سابقا ولايهمني ان سجلت لي الجامعة في السجل الأكاديمي ساعة واحدة للمادة او 50 ساعة ولكل شخص يبغى يطور نفسة ومهاراته يدخل الجامعة وباذن الله ماراح يندم.
وبالتوفيق للجميع ...
العرض العادي
