السلام عليكم ورحمة الله وبركاته
اهلا جميعاَ
,
طبعا اليوم قررت اني اقولكم وجهة نظري عن الجامعة ,
لعل وعسى تفيد احد " كل اللي راح اذكروا لا يعني انو حيمر فيه الكل بل ممكن البعض " وبما أنو الآن احنا في فترة تقديم فأعتقد أنو الوقت المناسب
اول شيئ من وجهة نظري ان الجامعة هاذي قوية جداَ وحيكون لها مع الايام مستقبل كبير ان شااء الله
صح ان بعض انظمتها مازالت مش كويسة لكنها جالسة بتتعدل كل سنة للأحسن ماشااء الله و حتى التغيير فيها ملحوظ بشكل إيجابي
الجامعة هاذي ما يدخلها الا شخص مستعد يكرس وقتو عشان يتعلم ويتطور ومش داخلها عشان شــهــادة وذي نحط تحتها ملللليون خط ...
دخولك الجامعة عشان شهادة حيوديك لفشل واضح.
الدراسة فيها مش بذيك الصعوبة اللي ما يعديها الا عباقرة هي بس محتاجة ناس مش مشغولة عندها الانفليزي كويس او بدرجة مقبولة ويكون حابب هوا ايش بيدرس وراح يمشي بأذن الله
واهم من ذا كلو يكون عندو ههدف يتعلم لأني حقيقي أقدر أقول تعلمت أشياء كثير ما كنت أعرفها عن تخصصي.
لحد يخوفكم بصعوبتهاا أبداَ ولحد يشكك في قدراتكم زي ما تخرجت منها دفعات كثيرة أنت راح تكون واحد من هاذي الدفعات إن شااء الله 3>.
لكل المستجدين الجامعة مرررة رائعة وجالسة بتطور للأحسن كل سنة , أنصح الكل يدخل فيها
وأبعدوا عن الكلام السلبي اللي ينقال عنها زيها زي أي جامعة ممكن فيها عيوب في بعض الأنظمة لكن تظل ذا بيست من ناحية التدريس والمدرسين وحتى الطلاب كيف التعااون بينهم .
بالإضافة اللي حاط في بالو أنها صعبة ومش حيحجيب أكثر من سي او دي أنا حابة أقول أنو في كثيير جابو الأي بلس وماكانت مستحيلة عليهم فهيا أكيد مش مستحيلة عليك !
و أفضل شيء ممكن تسويه إنك تخوض تجربتك بنفسك وتسجل فيها , بإذن الله بعد التوكل عليه والعزيمة والإرادة راح تمشي في ذي الجامعة ويجي اليوم اللي تطلع منها فيه متخرج مش ساحب.
أرجع اقول الكلام السلبي عن الجامعة أبعدوا عنو
وكل حاجة راح تعدي وكل العقبات راح تمر كأنها ماكانت وحتفرحو بمعدلات حلوة , وكمان تجارب الأخرين تفرق عن تجربتنا إحنا وذا شيء أكيد كل شخص له قدرات مختلفة عن غيرو وظروف مختلفة برضو زي يكون الشخص عندو مسؤولية بيت أو عندو وظيفة ... عشان كذا ممكن البعض بتكون تجربتو شوية مش كويسة مع الجامعة
وجهة نظري عن الجامعة
العرض العادي
