منتدى طلاب وطالبات الجامعة السعودية الإلكترونية

منتدى طلاب وطالبات الجامعة السعودية الإلكترونية (https://www.alseu.com/)
-   قسم تقنية المعلومات (https://www.alseu.com/f15/)
-   -   رغم الاجتهاد فشلت مرتين (https://www.alseu.com/t28490/)

mut2032 09-06-2018 02:22 AM

رغم الاجتهاد فشلت مرتين
 
السلام عليكم ورحمة الله وبركاته
مبروك للناجحين جمعياً واللي حاملين مواد معوضين خير إن شالله
فات ع ظهور النتايج اسابيع وانا توي اصحى من الصدمه
ببدايه دراستي للمستوى الثالث ماقدرت اتأقلم مع الضغط وحملت الترم كله حتى السلم لاني نسيت موعد الاختبار بس الطموح والامل موجودين داخلي عزمت اني اجتهد الترم اللي بعده وفعلاً خلال 4شهور قفلت ع نفسي دراسه وقصرت في كل حياتي المهم انجح لاكن ولو عجزت استوعب عجزت افهم راح وقتي وانا احاول والنتيجه حملت 4مواد اللي هي مواد التخصص انهرت التعب كله
ابي الناس اللي نجحت كيف تذاكر ؟الضغط ولاجتهاد سويناهن لاكن مافيه نتيجه !!
فيه امل ارفع المعدل لانه الحين 0.84؟
وللمره الثانيه كيف اذاكر
شكرا لكم

هبه صيرفي 09-06-2018 09:37 AM

اول شئ الدراسة اللي يوم الاختبارات ما تنفع لازم الدارسة تكون اول باول
اذا متزوجه او عندك مسؤوليات لا تنزلين كل المواد ٤ مواد بالترم تكفي واختاري مواد تفتح لك مواد ثانية وتاكدي من جدول الميد والفاينل قبل تسجيل المواد تكون الاختبارات متباعده واذا كانت متقاربه او وري بعض تكونين مستعده من البداية الغالب الدارسة من السلايدات الاسئله القديمه للان يجبون منها سواء كانت اختبارات سابقه او واجبات

تحتاجين تنظيم لمواعيد الاختيار والكويزات وتسليم الواجبات وحاولي دائما تخلصين الواجبات قبل الوقت بيوم على الاقل تفاديا لي مشكلة ممكن تجيك
في مدرسين خصوصين لو شفتي نفسك تحتاجين اشتركي ولاهم تشوفين لك زميلات يساعدونك بالدراسة وتساعديهم

mut2032 09-06-2018 05:03 PM

الله يسعدك ع الرد
اي والله احتاج مدرسين خاصين لكل المواد غير وليد عمر

كفاح 09-06-2018 07:49 PM

طالما معدلك نزل بهذا الشكل لا تاخذي كل المواد في الأترام الجاية، 4 مواد كفاية جدًا وشدّي حيلك فيهم لتجيبي علامات عالية ترفع لك المعدل

حاولي تخصصي لو ساعتين من يومك مذاكرة
ولا تأجليها لليلة الاختبار

افهمي قبل ما تحفظي

Abdurrahman 10-06-2018 12:18 AM

اهم شي في نظري المذاكرة اول باول
واعتمدي على اليوتوب في الشرح
السلايدات لابد من قراءتها بشكل دائم حتى ترسخ المعلومة في راسك
فالك التوفيق يارب
اثناء دراستي في الكلية التقنية كان معدلي اقل من 1 وحصلت على انذار اكاديمي
بفضل الله شديت حيلي وتخرجت من الكلية التقنية (دبلوم) بمعدل 3.17 من 5
احد الأترام كان معدلي اكثر من 4.5 من 5

mut2032 10-06-2018 03:56 AM

شكراً لك اختي كفاح بحاول ان شالله ❤️❤️
اخوي عبدالرحمن رفعت معنويتي مره ����اخيرا شفت احد زي وضعي وقدر ينجح

هبه صيرفي 10-06-2018 02:28 PM

اقتباس:

المشاركة الأصلية كتبت بواسطة mut2032 (المشاركة 159603)
الله يسعدك ع الرد
اي والله احتاج مدرسين خاصين لكل المواد غير وليد عمر

وليد جيدجداً انا كنت اعتمد على شرحه في الجزء النظري اما الاكواد على شرح الاستاذه بالكلاس واذا عندي مشكله ارجع للاستاذه في الساعات المكتبية

النتورك عندك ايمن ممتاز افضل الستاذ خصوصي جربته للان

فيه ممدوح يساعد بس مو ذك الزود

عندك اليوتيوب ابحثي عن نقطه محددة غالبا تطلع لك شروحات كثير خاصه ماده الاحصاء - نظام التشغيل -جافا١

mut2032 11-06-2018 10:41 PM

الله يجزاك خير ويفرج همك اجربهم ان شالله

mut2032 12-06-2018 12:52 AM

طيب بسالكم الله يسعدكم
١-انا من الترم الماضي نازل معدلي عن واحد وماجاني انذار عادي ولا لا ؟ وكيف يرسلونه على الايميل ؟
٢-اغلب الاستاذات يقولون اللي يحمل ماده ٣مرات يطوى قيده جد هالكلام ولا لا لاني مالقيته بانظمة الجامعه اللي لقيت يقولون بعد انذارين يطوى القيد

هبه صيرفي 13-06-2018 10:45 AM

اقتباس:

المشاركة الأصلية كتبت بواسطة mut2032 (المشاركة 159630)
طيب بسالكم الله يسعدكم
١-انا من الترم الماضي نازل معدلي عن واحد وماجاني انذار عادي ولا لا ؟ وكيف يرسلونه على الايميل ؟
٢-اغلب الاستاذات يقولون اللي يحمل ماده ٣مرات يطوى قيده جد هالكلام ولا لا لاني مالقيته بانظمة الجامعه اللي لقيت يقولون بعد انذارين يطوى القيد

الانذار تلاقية في السجل لاكاديمي


الساعة الآن 03:43 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By Almuhajir

Security team