معلومات عامة عن التخصص للطلبة الجدد. السلام عليكم . الشهر عليكم مبارك �� ياهلا بكل مجتازين السنة التحضيرية والي بيتخصصون صحة عامة . ان شاء الله انكم وفقتم في اختيار التخصص - اذا كنتم تحبونه- لأنه تخصص مره ممتع في دراسته وكل مادة تدرسونها تطلعون منها بفائدة كبيرة . ميزة التخصص انه كل المواد امتداد لبعضها ومواد كل لفل تتشابه بالمحتوى وبكذا المعلومات العامة تترسخ في بالكم . مسار الصحة العامة فيه معلومات دقيقة عن الاحياء العامة الدقيقة عن الامراض عن علم اجتماع الصحة والمرض .. عن الادارة الصحية و الانظمة والقوانين و عن الصحة البيئة ومشاكلها الي تؤثر على صحة الانسان . بشكل عام التخصص جداً جميل .. انا مستوى خامس وماندمت لحظة على دخولي هالتخصص ابداً . المناهج ماشاء الله متطورة و ع النظام الامريكي وهالشي هو الي يعطي قوة للدارسة من ناحية المحتوى و من ناحية اللغة .. كل مايجي اسايمنت او كيس ستدي او بروجكت صعب يبي له بحث وتعب .. بعد ماتشتغل عليه وتسلمه وتاخذ الدرجة ع قد تعبك تحس بالفخر و قد ايش انت تطورت واشتغلت ع شي كنت تشوفه صعب لكنك اديته على احسن وجه . السلبية الوحيدة الي انا اشوفها في التخصص هو مشكلة خاصة بنظام الجامعة الالكترونية . انه فيه مواد تحتاج تواجد مختبرات وتحتاج تطبيق عملي مثل المايكروبولوجي و الاناتومي و غيرهم . وبعض المواد الي فيها الواترتريتمنت ياليت الجامعة تطبق الزيارات الميدانية للشركات المتخصصة او المستشفيات عشان نستفيد اكثر . الشي المعيب في التخصص انه كل شي نظري وكل شي حفظ وبس كل الي عليك يا طالب انك تحفظ وتحل وتجتاز وهذا شي مايخلينا متخصصين من الناحية العملية ! لكن بشكل عام التخصص جميل ومفيد والدراسة فيه تطورك كطالب من الناحية المعرفية و فوق كذا كلكم راح تستمتعون بالمواد . بالتوفيق |
بالنسبة للي يبي يعرف عن مواد التخصص ونبذة عنها الجامعة حاطة خطة دراسية و فيه نبذة عامة عن طبيعة كل مادة بالتفصيل الى عدد الساعات بعد . https://www.seu.edu.sa/sites/ar/coll...Edit%20(1).pdf بالرابط تفصيل عن مواد التخصص وعن الخطة الدراسية. |
جميل جدًا الله يعطيك العافية |
اخيرا بهالمنتدى واحد يتكلم عن تخصص من تجربته الخاصه مو نسخ لصقصراحه استفدت من كلامك واخذت كم معلومه تفيدني وخصوصا اني محتاره بينه وبين الترجمه احب الانقلش بس الترجمه احسها بتكون ممله والملل في الدراسه ماراح يخليك تجتازين بس صحه عامه ممتع ولكن صعب ومافيه شي يكمل الا وجه سبحانه وتعالى بس لاحظت شي في مواد المستوى الثالث للتخصص انو مافي مادة التشريح عكس تخصص المعلوماتيه هل الماده كانت قبل موجوده وخلوها بس في المستوى 4 ولا من بدو فتح التخصص وهي موجوده بس في مستوى 4 ؟ لاني درست هالماده كانت اشبه بالجحيم بالنسبه لي هههههههه وشكرا |
اقتباس:
ياهلا والله .. الجامعة الالكترونية مافيها تخصص مو صعب .. ياشيخة حتى مواد السلم ينكبونك اوقات بالامتحانات. مادري ايش اقولك ادرسي قرارك .. عندك الخطة الدراسية وعندك اهدافك و ميولك .. اكتبي في ورقتين انتي وش تبين من كل تخصص و مزايا و عيوب .. وعرض وطلب في التوظيف وبعدها قرري ايش تبين. بالنسبة للاناتومي مادة اساس في كلية العلوم الصحية لجميع التخصصات وهي تجي بعد التيرمونولوجي .. وماتفتح شي بعدها . للامانة انا ماخذتها لانو ماوراها مواد ولانو مواد لفل فور دسمة .. ماده المايكروبولجي و الاناتومي بالنسبة لي جحيم لان الجامعة لا بد ما تنكبك في وحدة فيهم. اللفل الي قبلنا كان الاناتومي سخيف .. يقولوا انهم يبغوهم بس ينجحوا دفوهم دف بالاسئلة السخيفة .. ونكبوهم بالمايكرو .. استاذتنا قالت اعلى بنت جابت c+ . والسمستر هذا عكسوا .. المايكرو كان لطيف وسهل وكلخ من التست بانك لدرجة اني جبت فيه A+ ولله الحمد . والاناتومي البنات طلعوا يلطمون من الاسئلة المقالية و صعوبة الامتحان . عموماً هو نظام الجامعة كذا مع كل التخصصات.. ولو بتذاكري المواد الصعبة اول بأول بيصير سهل عليك تذاكريها بالفاينال وان شاء الله تعدين :) |
الله يسعدكم ابغى اعرف كم التكلفة الاجمالية للترم في تخصص الصحة العامة؟ عشان اقدر اشوف هل اقدر اجمع المبلغ او لا احتاج الاجابة من فضلكم مع الشكر الجزيل |
اقتباس:
الساعة الواحدة سعرها ١٣٠ ﷼. سعر الترم الواحد التحضيرية هو ١٦٩٠ ﷼ أما ترم التخصص فيترواح سعره مابين الـ ٢٣٠٠ و الـ ٢٦٠٠ ﷼ طبعاً تقدر تتحكم بسعر الترم بزيادة أو تقليل عدد المواد اللي تأخذها. الخطة الدراسية لتخصص الصحة العامة : https://seu.edu.sa/sites/ar/colleges...StudyPlan.aspx |
الله يعطيكم العافيه اقدر اختار المواد اللي بدرسها المستوى الثالث او لازم امشي على الخطه الدراسية ؟ واذا اقدر وش تنصحوني انزل السنه الاولى ؟ وشكرا |
اقتباس:
شيّك ع الجدول وشوف المواد الي بتاخذها مستوى ثالث بتفتح لك مواد مستوى رابع وخامس . بالتوفيق |
الساعة الآن 03:54 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By
Almuhajir