أولاً وقبل كل شي حطي ببالك إن كل شخص له قدرات والشي اللي يشوفوه سهل ممكن انتي تشوفيه صعب!
ثانياً عن نفسي أشوف كل الكلام اللي مكتوبة بالمواد أنا فهمتها لأن عندي حصيلة لغوية ولكن! ذا مايمنع إن واجهتني مصطلحات جديدة علي لأنها ببساطة كلمات تستخدم بالتخصص وليس بشكل عامي. فأنا أترجم المصطلح أو الجملة وأفهمها لأنها راح تتكرر بالمادة نفسها أو حتى مادة ثانية لأنها مواد كلها مترابطة ببعض.
ثالثاً ليش تحبطين نفسك؟ بالعكس خذيه تحدي إنك تطورين نفسك وقدامك سنة كاملة بطولها وعرضها فرصة إنك تاخذين المعلومات اللي فيها في أشياء كثيرة ضفتها لحصيلتي اللغوية من كتب الانقلش اللي درسناها بمحاضرات الانقليش تخيلي أربع ساعات متواصلة انقلش! يعني شي واو يكون لك. بالاضافة الكلاسات الاونلاين فرصة جيدة تطورين من السبيكينق! وتاخذين راحتك وتبدعين والاستاذ/ة يصححون لك أخطائك اللغوية.
وأخيراً أنا كل اللي كتبته فوق كتبته عن تجربتي أنا وأيضاً نفس تخصصك وهالسمستر بكون بليفل 6 ولكني أخذ مواد ليفل 5 لأني من أول ما تخصصت ما كنت أمشي ع الجدول كنت أخذ مواد أعلى من الليفل اللي أنا فيه فصار حوسه لكني مرتاحة ع النظام اللي أمشي فيه.
استمتعي وانتي بالسنة التحضيرية لأنك بعد ما تتخصصيين ماراح يكون عندك مجال من الضغط اللي راح تحصليه.
كل الحب...