قديم منذ /13-01-2018, 07:15 PM   #1

طالب نشيط

shahd_fahd غير متواجد حالياً

 

مواضيعي | ردودي

 رقم العضوية : 23122
 تاريخ الإنتساب : Aug 2016
 المشاركات : 119
 الجنس : أنثى
 مستوى التقييم : shahd_fahd will become famous soon enoughshahd_fahd will become famous soon enough
النقاط : 29

شكراً: 1
تم شكره 118 مرة في 56 مشاركة
افتراضي تجربتي في سمستر 3


السلام عليكم ورحمة الله وبركاته

مبروك لكم اجتياز السنه التحضيرية

نبدأ على طول

اولًا تقسيم الدرجات يختلف شويا عن التحضيري
التقسيم كالاتي 50 فاينال, 25 ميد, 25 اعمال تنقسم لنصين 15 للاسايمنت و 10 اما تكون كويزات او مشاركه في الدسكشن بورد يعني حيختلف ع حسب الاستاذ.

stat 101
طبعًا الاحصاء يختلف كثير عن الماث, واللي سمعته لو فهمتوها بعدين حيكون لكم stat102 سهل جدًا .. طبعًا تعتمد عالفهم, وحاجات بسيطه حفظ زي التعاريف والقوانين وغيرها.
طريقة مذاكرة المادة من السلايدات فقط كافيه ووافيه مارح تحتاجوا الكتاب إلا لو حابين تشوفوا امثله, يعني يكفي وجود الكتاب في جهازكم فقط.
ضروري ثم ضروري تفهموا الاسايمنتات مررره لأن الاختبارات سواء ميد او فاينال يجيبوا منها بنسبة كبيره يعني حاجات بسيطه في الصح والخطا أو الاختياري تكون من خارج الاسايمنتات, وحتى اللي يجيبوا من خارج الاسايمنتات يكون من السلايدات. طبعًا مايجيبوا نفس السؤال نسخ ولصق يغيروا حاجات بسيطه لكن نفس الفكره بالضبط ونفس القوانين اللي طبقناها فالاسايمنت هي نفسها بالاختبارات. لو فهمتوا الاسايمنتات مررره اضمن لكم مو بس النجاح إلا كمان النجاح وبدرجات عااااليه. (الماده ماهي صعبه لكن تحتاج فهمم أول بأول عشان ماتتلخبط عليكم الأفكار)

*فيه بعض الأقسام محذوفه من عندنا من السلايدات ممكن تشيكوا عليها فالبلاك بورد عشان ماتطبعوها ( طبعًا مو كل شابتر فيه قسم محذوف بعض الشابترات فقط*
عشان تعرفوا الأقسام المحذوفه تفتحوا البلاك بورد بعدين تختاروا كورس الستات طبعأ بعدين course materials and activities بعدين تفتحوا كل ويك وتدخلوا overview حتحصلوا تحت خانة reading
omitting section وجمبها رقم القسم المحذوف من الشابتر وزي ماقلت لكم مو شرط كل شابتر يكون فيه سكشن محذوف.
+ فيه بعض التقنيات *ممكن تتعلموها من اليويتوب* تستعملوها في الاله الحاسبه عشان تحسبوا بعض الأشياء حتساعدكم في إنكم تتأكدوا من حلكم.
وترا لآلاتنا العاديه يعني مو آلات ال IT المطوره.

Islam 101
ماده سهله طبعًا , مذاكرتها من الكتاب, يجيبوا اسئله من بين السطور يعني لاتتوقعوا عشان اسلام يجيبوا شي واضح والكل يحله, في الاختبار لا تحل بفهمك حل نفس الشي الموجود فالكتاب. طبعًا اسئلتها صح وخطا واختياري يعني ولا أسهل. بشكل عام مواد الثقافه مو شرط تاخذها بالترتيب يعني مثلًا عادي تاخذ ثقافه 4 بعدين ثقافه 1.

econ101
هذي الماده الجميله كنت بحذفها بداية السمستر لكن كنت أفكر حتصير ليا هَم السمسترات الجايا وفي نص السمستر صارت من أحب المواد بالنسبه لي. الماده تحتاج فههممممممم وشوفوا الاستمتاع في دراستها إذا بتمشيها حفظ لا انت اللي حتعرف تذاكر ولا انت اللي بتحل فالاختبارات. اكيد فيه حفظ لكن الفهم ياخذ النسبه الأكبر وحتى فهمك حيسهل لك الحفظ. مذاكرتها من السلايدات أما الكتاب ممكن ترجع له إذا مافهمت نقطه معينه من السلايد + أي شي ماتفهمه الله يخلي اليوتيوب بس اكتب اسم الشي اللي مو فاهمه وشوف كمية الفيديوهات, وبصراحه استفدت من اليوتيوب أكثر من الكتاب بالإضافه إلى الكويزات مهمه جدًا .. فالفاينال كانت اسئله كثيره فالاختياري من الكويز ( كانت الاسئله نسخ لصق من الكويز فلا تهملوه) + الاسايمنتات جانا يمكن سؤال واحد فالميد منها ونفس السؤال رجعوا جابوا فالفاينال بس بصيغه ثانيه وجابوا سؤال كان من أسهل الاسئله اللي بالاسايمنتات ماجابوا الاشياء المعقده. + الحاجات اللي فيها تطبيق قوانين ومسائل حسابيه لا تهملوها لأن فالميد والفاينال جابوا لنا سؤال ( مسأله حسابيه ) بالشورت انسر وكان نفس السؤال بالميد والفاينال بس غيروا الأرقام بالإضافه فالفيالنال جابوا سؤال ف اللونق انسر تطبيق لقانون يعني كان شي سهل جدًا لو عارف القانون وكيف تطبقه.
العيب في سلايدات هذي الماده انها بس كلاام ما تدري كيف حيجي صيغة السؤال يعني الفاينال كان شوي صدمه جاتنا اسئله كل اجاباتها من السلايدات لكن مو داريين هذا حيكون جوابه ايش بالضبط, فحاولوا قد ماتقدروا تسألوا اساتذتكم في كل شابتر ايش ممكن صيغة الاسئله اللي تجي.
تقريبًا من بعد شابتر 5 حتصير القرافات كثيره وتلخبط ف ممكن ترسموهم كلهم ف ورقه عشان تفرقوا بينهم لأن فاللونق انسر ضروري ترسم قراف لو كتبت شرح بس مايكفي ابدًا.

mgt101
من أهم المواد اللي لازم تاخذوها هذا السمستر لأانها تفتح مواد كثير بعدها, الماده تعتمد عالحفظ + سهله جدًا لكن مشكلتها طويله ف تحتاج مذاكره أول بأول بالذات اللي حفظهم ضعيف. مذاكرتها من السلايدات فقط ماجانا ولا سؤال من خارجها+ الاسئله اللي تكون في وسط السلايدات اقراوها جانا سؤال منها في الفاينال. الكتاب ممكن تحتاجوه إذا فيه نقطه حابين تشوفوا عليها امثله أو مثلًا فالبروجكت حق الماده ممكن ترجعوا للكتاب عشان تفهموا نقطه معينه أكثر فقط.

acct 101
محاسبه طبعًا تعتمد عالفهم, وفيه اشياء بسيطه تعتمد عالحفظ يجيبوها فالاختياري وكمان يجيبوها فالشورت انسر
المذاكره من السلايدات وكمان حتى الاسايمنتات يجيبوا منها بعض الاشياء + الكتاب ممكن تستفيدوا منه بإنكم تشوفوا منه أمثله أكثر عشان تفهموا لأن الامثله اللي بالسلايدات بسيطه جدًا ولكن حتحصلوا فالكتاب بعض الأفكار مو موجوده بالسلايدات هذي طنشوها ما يجيبوا منها شوفوا الامثله فقط اللي أفكارها نفس أفكار السلايدات. فيه هذي الموقعين ممكن تستفيدوا منها كمان بالأمثله accounting coach + accounting explained
مابا أخوفكم ولكن هذي من أكثر المواد اللي يصير فيها رسوب الماده والله مو صعبه شدوا حيلكم فيها وهذي اساسيات لباقي مواد المحاسبه وحتى اللي تخصصهم مو محاسبه حيكون عندنا مادتين كمان غير هذي

law 101
أحب المواد لقلبي هذي الماده واللي مصبرتني عالسمستر كله
الماده تعتمد عالفهم والحفظ .. تحتاج فهم مره وشوفوا كيف حتصير سهله فالحفظ
المذاكره من السلايدات فقط ماجابوا لنا اي اسئله من خارجها, وحتى سلايداتها مرره قليله يعني عيب لو ماجبتوا فيها درجات حلوه .. يجيبوا فالاختياري او الصح والخطا small cases طبعًا هذي تعتمد على فهمكم ويجيبوا حاجات جدًا سهله وواضحه (إذا كنتوا فاهمين) وترا الامثله اللي يجيبوها مو موجوده فالكتاب لا تتعبوا نفسكم يعني. + يجيبوا حاجات بسيطه من اسئله الاسايمنتات يمكن سؤال أو سؤالين فقط.
هذا الموقع ممكن يفيدكم فالفهم أنا عن نفسي ما استخدمته لكن كان عندنا شرح وكثير من بنات الشعبه استخدموه عشان يفهموا الجزئيه اللي بيشرحوها ومرررره فادهم وكان شرحهم بيرفكت. http://www.businessdictionary.com/

( ادخلوا قسم كل ماده نزلت نماذج وحلول وغيرها شوفوها)

هذي كانت تجربتي خذوا منها اللي يعجبكم وموفقين.








التوقيع
العبقري هو ليس شخص يعرف كل الإجابات
العبقري هو من لديه الصبر ليبحث عن كل الإجابات
لاتنسوني من صالح دعائكم
Twitter: 97_shahdd
  رد مع اقتباس
9 أعضاء قالوا شكراً لـ shahd_fahd على المشاركة المفيدة:

قديم منذ /13-01-2018, 07:21 PM   #2

طالب نشيط

shahd_fahd غير متواجد حالياً

 

مواضيعي | ردودي

 رقم العضوية : 23122
 تاريخ الإنتساب : Aug 2016
 المشاركات : 119
 الجنس : أنثى
 مستوى التقييم : shahd_fahd will become famous soon enoughshahd_fahd will become famous soon enough
النقاط : 29

شكراً: 1
تم شكره 118 مرة في 56 مشاركة
افتراضي


فيه كم حابه ابا أشاركم فيها بعيد عن المناهج

اول شي انصحكم بعمل قروبات في الواتس تجمع بين طلبة وطالبات جميع الفروع
صراحه استفدت من هذي القروبات بشكل كبير نتبادل فيها الشروحات وحلول و أهم شي الاسئله المهمه غالبًا الشباب يجيبوها لنا من اساتذتهم وفعلًا بعض الاحيان يصادف وتجينا بعض هذي الاسئله فالاختبارات

ثاني شي اكثر شي بيحيركم تسجيل المواد ناخذ 6 نمشي عالخطه ولا ايش نسوي
اول شي انتبهوا من نظام مع الخيل ياشقرا باختصار كل واحد وظروفه
وحدة عندها بيت واطفال أو تشتغل او مرتبطه ب أيًا كان ماتتقارن بوحده ماعندها شي
نصيحه لو ماعندكم شي امشوا عالخطه
تواصلت مع كثير طالبات هم الآن على وجه تخرج نصحوني وبقوة امشي عالخطه لأن فالنهايه بحوس من كثر التعارضات وحيكون الموضوع جدًا متعب
يعني اللي مرتبطين ب أي دوام أو عندهم أسره ينزلوا 4 أو 5 مواد طيب إنتي اللي ماعندك شي ليه ماتنزلي ال 6 مواد وتمشي عالخطه ؟ أنا هذا رأيي وكل واحد يعمل الشي اللي يناسبه ويناسب قدراته وأنا عن نفسي لو نزلت 5 مواد بدل 6 ما أعتقد إنه كان حيفرق معايا ودرجاتي بترتفع

ثالث شي طلبتكم تكونوا متعاونين نظام نفسي نفسي جدًا متعب,إذا ربي اعطاك القدره على الفهم شارك غيرك اشرح لهم ساعدهم بحل الواجبات, إذا كنت حتساعد عشان في يوم لو احتجت أحد تحصل أحب أقلك خلي مساعدتك لنفسك ساعد بس عشان تبغا لغيرك الخير عشان تبغا سيره حلوه لك عشان ربي يساعدك ويسهل لك أمرك وبس الله يجزاك خير .

رابعًا لا تخلي أحد يعلمك كيف طريقة المذاكره للماده الفلانيه والعلانيه
أسمع من الأشخاص واستفيد منهم ولكن فالنهايه إنت أدرى بقدراتك مثلأ أنا عندي قدره في الحفظ أقدر أذاكر فيها الماده دي بيومين أنا ماحب هذي الماده أحتاج عليها أسبوع كامل وهكذا لو بروجكت مثلًا أخذ منك حله يوم كامل وجا واحد ثاني حله في ساعه وحده لاتنصدم أو تحس نفسك متنح أو غيره بإختصار قدرتك مختلفه عنه ممكن هو لغته كويسه ممكن عنده أحد يساعده ممكن يكون عنده مهاره فالبحث وممكن وممكن وممكن الخ
___
زي ماقدراتنا ومهاراتنا مختلفه زي ما طموحاتنا مختلفه, وحده جابت A في ماده وزعلت ووحده جابت D+ وطايره من الفرح وحاسه بإنجاز والفرق بينهم كبير جدًا الأولى اجتهدت ذاكرت سهرت فهمت حست إنها حلت كويس بالاختبار أما الثانيه من بداية السمستر وهيا تردد أهم شي النجاح

اخيرًا لا تاخذوا الدراسه على إنها هَم وتبغوا تخلصوا منه, أشوف بنات يعني حقيقي في حالات انهيار نفسي بشكل مو طبيعي, ما أنكر حيكون فيه ضغط ولكن ماتخلوا هذا الشيء يأثر على صحتكم أو تنقطعوا عن العالم اللي حولكم عشان الجامعة. عشان بعد ماتتخرج ماتقول:"غثا وخلصنا منه" , اصنعوا لكم ذكريات حلوه في هذي المرحله الجميله.

دعواتي لكم بالتوفيق ودعواتكم لي بالتوفيق








التوقيع
العبقري هو ليس شخص يعرف كل الإجابات
العبقري هو من لديه الصبر ليبحث عن كل الإجابات
لاتنسوني من صالح دعائكم
Twitter: 97_shahdd
  رد مع اقتباس
قديم منذ /15-01-2018, 11:30 PM   #3

 
الصورة الرمزية Jazmien
طالب نشيط

Jazmien غير متواجد حالياً

 

مواضيعي | ردودي

 رقم العضوية : 15836
 تاريخ الإنتساب : Jul 2015
 مقر الإقامة : الجبيل
 فرع الجامعة : فرع الدمام
 التخصص : بكالوريوس إدارة الأعمال
 المستوى : المستوى الثامن
 المشاركات : 107
 الجنس : أنثى
 مستوى التقييم : Jazmien will become famous soon enough
النقاط : 32

شكراً: 54
تم شكره 38 مرة في 16 مشاركة
افتراضي


شكرا شهد على مشاركة تجربتك معنا استفدت منها كثير









التعديل الأخير تم بواسطة Jazmien ; 16-01-2018 الساعة 07:28 AM
  رد مع اقتباس
قديم منذ /16-01-2018, 05:53 AM   #4

طالب جديد

Huf. غير متواجد حالياً

 

مواضيعي | ردودي

 رقم العضوية : 22781
 تاريخ الإنتساب : Aug 2016
 مقر الإقامة : جدة
 فرع الجامعة : فرع جدة
 التخصص : بكالوريوس محاسبة
 المستوى : المستوى السادس
 المشاركات : 20
 الجنس : أنثى
 مستوى التقييم : Huf. is on a distinguished road
النقاط : 0

شكراً: 17
تم شكره 9 مرة في 3 مشاركة
Thumbs up


موضوع لطيف اتمنى حقيقي الكل يقرأو ، لكل شخص قرأ وحس ان عكس اللي مر فيه يكتب تجربتو ترى تجربة عن تجربة تفرق و اساتذة يفرقو وظروف تفرق لذلك اكتبوا تجاربكم لعل حالة ذا الشخص تشابه حالتكم اللي مريتو فيها فيعرف وقتها كيف يتعامل بالطريقة الصح وشكراً .








  رد مع اقتباس
قديم منذ /17-01-2018, 12:05 PM   #5

طالب جديد

بروفيسور غير متواجد حالياً

 

مواضيعي | ردودي

 رقم العضوية : 22326
 تاريخ الإنتساب : Jul 2016
 المشاركات : 27
 الجنس : ذكر
 مستوى التقييم : بروفيسور is on a distinguished road
النقاط : 0

شكراً: 0
تم شكره 0 مرة في 0 مشاركة
افتراضي


موضوع رااااائع
جزاك الله خير








  رد مع اقتباس
قديم منذ /18-01-2018, 03:01 PM   #6

طالب جديد

Mandolin غير متواجد حالياً

 

مواضيعي | ردودي

 رقم العضوية : 22965
 تاريخ الإنتساب : Aug 2016
 المشاركات : 30
 الجنس : أنثى
 مستوى التقييم : Mandolin is on a distinguished road
النقاط : 0

شكراً: 3
تم شكره 0 مرة في 0 مشاركة
افتراضي


يعطيك العافيه ، كثير نحتاج مثل هالمواضيع وياليت يكون في مثلها لجميع المستويات او يكون في موضوع خاص بالتجارب مثل الي في قسم التحضيري ..
ماقصرتي الف شكر لك وموفقه بباقي المستويات








  رد مع اقتباس
قديم منذ /03-05-2018, 01:53 PM   #7

طالب جديد

زبدة الكلام غير متواجد حالياً

 

مواضيعي | ردودي

 رقم العضوية : 28963
 تاريخ الإنتساب : Jul 2017
 المشاركات : 53
 الجنس : ذكر
 مستوى التقييم : زبدة الكلام is on a distinguished road
النقاط : 25

شكراً: 19
تم شكره 6 مرة في 2 مشاركة
افتراضي


بارك الله فيكي اختي شهد
وياريت تستمري بكتابة كل تجاربك في رحلتك الجامعية الرائعة

استفدت واستمتعت جداً بموضوعك بارك الله فيكي وجعله بموازين حسناتك








  رد مع اقتباس
قديم منذ /28-07-2018, 01:56 PM   #8

 
الصورة الرمزية ttaif
طالب جديد

ttaif غير متواجد حالياً

 

مواضيعي | ردودي

 رقم العضوية : 29517
 تاريخ الإنتساب : Aug 2017
 المشاركات : 4
 الجنس : أنثى
 مستوى التقييم : ttaif is on a distinguished road
النقاط : 0

شكراً: 0
تم شكره 0 مرة في 0 مشاركة
افتراضي


كفيتي ووفيتي شهد ومشكورة ..
كان عندي خوف مو مواد لفل 3 لكن بسطتي الموضوع علي .








  رد مع اقتباس
قديم منذ /14-07-2019, 08:15 AM   #9

طالب جديد

da7ooom8 غير متواجد حالياً

 

مواضيعي | ردودي

 رقم العضوية : 35944
 تاريخ الإنتساب : Sep 2018
 المشاركات : 1
 الجنس : ذكر
 مستوى التقييم : da7ooom8 is on a distinguished road
النقاط : 0

شكراً: 0
تم شكره 0 مرة في 0 مشاركة
افتراضي


الصراحة هذا أول تعليق لي العادة أقرأ و أمشي لكن مجهودك لازم ينكتب له شكرا على الأقل

يعطيكي ألف عافية








  رد مع اقتباس
قديم منذ /22-09-2020, 04:44 PM   #10

طالب جديد

aboturke2005 غير متواجد حالياً

 

مواضيعي | ردودي

 رقم العضوية : 42954
 تاريخ الإنتساب : Aug 2020
 المشاركات : 4
 الجنس : ذكر
 مستوى التقييم : aboturke2005 is on a distinguished road
النقاط : 0

شكراً: 0
تم شكره 0 مرة في 0 مشاركة
افتراضي


السلام عليكم

استفسار هل الدراسة من بعد التحضيري تكون بالانجليزي او كل المواد بالعربي

وجزاكم الله خير








  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة