السلام عليكم ورحمة الله وبركاته
ندخل في الموضوع على طول
اول شي حاولوا تشتروا اكواد الماث والكمبيوتر اول ما تتوفر عشان الواجبات ماتتراكم ، بالذات الماث واجباته اسبوعيه.
بالنسبه للماث:
المذاكره اكتفوا بالسلايدات وحضور المحاضرات الافتراضيه والتركيز مع الاستاذ/ه، والواجب الافضل لو تحلوه بنفسكم حيساعدكم كثير، وطبعًا كلنا متفقين عالمذاكره اول بأول.
----------
الكتاب مارح تحتاجوه بس في كل شابتر فيه اسئلة صح وخطا ضروري تذاكروها وبتحصلوا اجوبتها اخر الكتاب او في السيكشن الخاص بالاجوبه في الماي لابس، جاتنا في الميد ترم.
----------
واجبات الماث: فيه المسائل اللي هيا من واقع الحياه او شي زي كدا ، بس اكتبوا بدايتها فقوقل وحيطلع لكم الحل بس بارقام مختلفه ..... والمسائل الثانيه المقاليه فيه برنامجين حيساعدوكم ان شاء الله في الحل/ math papa.. *******
----------
نصيحه اي شي مو فاهمينه لا تمَشوا ابدًا ارجعوا للاستاذ/ه أو احد من زملائكم شاطر اطلبوا يشرح لكم أو حتى ارجعوا لليوتيوب.
----------
اخيرًا.. منهجنا حق الماث سهل سواء كنت/ي ادبي او متخرج/ه من زمان وناسي ولكن فالدرس الواحد فيه كثير افكار. فَ بالتالي ضروري ترتب افكار كل درس بالطريقة اللي تناسبك.
----------
بالنسبه للكمبيوتر:
صح ان تحسوه ملياااان والكتاب يفجع بس تراه سهل جدًا المعلومات اللي فيه اشياء اساسيه وبسيطه مو متعمق، اغلب مشكلة المتذمرين منه بسبب اللغه الانجليزيه لكن اشوفه بمثابة استفتاح لمواد التخصص ..
----------
اول شي ضروري تطبعو الكتاب ( والافضل لو تقسموه نصين ) النص الاول لما الوحده 7 < اللي هيا جزئية اختبار الميد .. والنص الثاني طبعًا الباقي من الكتاب. ايضًا لو تطبعوا وجه وقفا افضل عشان يقل حجمه ..
----------
طريقة مذاكرتي من الكتاب/ اول شي أأشر اللي فالسلايدات بالكتاب، طبعًا السلايدات حق الاستاذه مو اللي موجوده فالموقع لانها مرا مختصره المعلومات اللي فيها، ثاني شي الملخص الموجود اخر كل وحده ضروري ينحفظ بكل مافيه ، ثالثًا الاسئله الموجوده بعد الملخص مهمه جدًا ،، واخر شي احاول اقرأ واشوف اش فيه امثله او معلومات مهمه تتأشر او اقرأها بفهم وبس
----------
بالنسبه لجزئية العملي اكتفيت بمذاكره ال concept summary والاسئله اللي وراها < موجودين ف اخر كل شابتر ، اهم شي فالعملي واللي جابوه لنا فالميد والفاينال ( الصور ) يجيبوا صوره ويأشروا على مكان محدد فيها ؟ + ( معادلات الاكسل )
----------
ضروري تذاكروا اول بأول مهم جدددددًا ، لو تراكم حتعصب عليكم الماده وهيا سهله وتقدروا تجيبوا فيها درجات حلوه. لنفترض اخذتوا الشابتر الاول رحوا ذاكروه و بعدها بيومين ولا ثلاثه ارجعوا راجعوه لتثبيت المعلومات وهكذا فكل الشباتر.
لا تخلوا اللغه عائق ابدًا.. عندكم اسبوع كامل تقدروا تنجزوا فيه كثير.
---------
المادتين الحلوين : المهارات الاكاديميه و مهارات الاتصال
اشوف كثير يتهاونوا فيها بحجة انها سهله ومايركزوا فيها وبعدين يجيبوا العيد بالاختبار، مادتين بهذي السهوله نصيحه لاتضيعوا فيها ال A+
دي المادتين لا تتهاونوا بواجباتها لان عليها 20 درجه
لا تراكموا المذاكره كلها لليلة الاختبار، حاولوا ولو تذاكروا ثلاث ارباع الوحدات والجزء الباقي ممكن ليلة الاختبار
بالنسبه للاختبار الذاتي حق مهارات الاتصال فيه طريقه ممكن تساعدكم فالحل وتختصر وقتكم : حملوا الكتاب عندكم بالجوال او الايباد ، لما تفتحوا الكتاب حيظهر لكم خانة بحث �� ويصير تكتبوا فخانة البحث أهم/أبرز كلمة او كلمتين فالسؤال وحتطلع لكم وين موجوده فالكتاب < بدل ما تقعدوا تدوروا عالاجابه فالكتاب
( الخرائط الذهنيه لهذي المادتين جدًا مفيده بالذات الاكاديميك لانه مليان تعدادات ومتشابهه )
-دعواتي لكم بالتوفيق-