السلام عليكم ورحمة الله وبركاتة
اليوم الحمدلله أختبرت الـ STEP ..
لكن بذكر بعض الملاحظات عشان اللي بيختبر ينتبه لها ..
أختباري كان ( محوسب ) وأكثر شيء أنتبهت له وأعتقد كثير بيعانون منه هو ( الوقت )
بحكم أني متمرس فاللغه ولله الحمد لكن واجهتني صعوبة شوي في قسم القراءه
وخلوني أقولكم ليش ....
المفردات المستخدمه في هالقسم أقدر أسميها ( إعجازيه )
يعني يحاولون قدر الأمكان يبتعدون عن المصطلحات الدارجه في اللغه الأنجليزيه خصوصا في الاسئلة
الأجوبه عادة تكون مصلحات مفهومه ، لكن الصعوبه لمن تجي تحلل القطعه وتقراها عشان تبحث عن الأجابه
طبعا بيجيك فالأختبار تقريبا إذا م خانتني الذاكره ( 5 قطع ) تحليل مقروء
3 منها بتكون بمصطلحات معقده ، 2 منها بيكون مستواها متوسط أو عادي م بتواجه صعوبه في حلها.
نصيحتي لكم وأتمنى محد يستهين فيها اللي يبي يجيب درجه ممتازه فالأختبار بعد توفيق الله.
كثف تمارينك على قسم تحليل المقروء وتمرن على المفردات المعقده أو اللي فيها فلسفه بزياده إذا صح التعبير.
أعرف معناها أهم شيء.
أما بالنسبه للقواعد أو الـ grammar ..
بصراحه م شفت قواعد معقده أغلبها مستواها متوسط
يعني ركزوا على القواعد بشكل عام لأني لاحظت أكثر من 10 قواعد.
لكن أغلبها سهل.
فيه سؤالين راح يعطيك مثل أو مقوله ، ويقولك وش المقصود منها أو أيش تستنتج من هالمثل.
للأسف نسيت وش هي .. لكن بسيطه م فيها تعقيد
شيء ثاني بيعطيك جمل مبعثره ويقولك أختار الجمله اللي ترتيبها صح
يعني لازم تهتم ف القرامر عشان تقدر تجاوب على هالاسئله ( تقريبا أربع أسئله )
بيعطيك جمله ويحدد لك ثلاث كلمات في الجمله تحتها خط ويعطيك ف الأجابه هالثلاث كلمات
ويقولك أختار الكلمه اللي م تركب على الجمله أو فيها خطأ نحوي
أو ممكن يكون زايد على الكلمه فاصله المفروض م تكون موجوده ( زي م جاني )
وعندي ملاحظه على قسم الأستماع ....
أهم شي قبل تبدأ ( لازم ولازم ولازم ) تحاول تسجل كل شي تسمعه ف المحادثه
لأن طريقة القسم ذا أعطيكم مثال عليها ..
وهالكلام موجه للي بيختبر محوسب ..
مثلا أول م تبدأ القسم يشغل لك مقطع صوت
المقطع ذا فيه أجابات لـ ثلاث أسئله طبعا أنت م تشوف الا السؤال الأول
السؤال الثاني والثالث م تطلع الا بعد م تسوي next ..
يعني م تقدر ترجع لمقطع الصوت ولا تقدر تعيده ف لازم تسجل كل شي تسمعه عشان تجاوب.
بعض المقاطع تكون بس إجابه على سوال واحد
وببيحدد لك أصلا قبل يبدأ المحادثه يقولك هذا المقطع الصوتي يجاوب على ثلاث أسئله أو سؤال واحد.
ف ركز وأسمع زين وسجل كل شي بسرعه ولا تحاول تسجل الكلمات أو تكتبها بطريقه صحيحه
بس أهم شي تفهم أنت مثلا حط حرف سهم رسمه سريعه رقم أي شي عشان تتذكر وش قال بالمحادثه.
بس اللي أختباره ورقي بيكون أسهل خصوصا في قسم الأستماع لأنك بتكون عارف كل الأسذله قبل تسمع المقطع الصوتي
ف بتعرف على أيش تركز ف المحادثه.
وبحكم تجربتي أشوف الورقي أسهل وأفضل من المحوسب ..
بشكل عام الأختبار ماهو أعجازي يعني تقدر تجيب 83 بأذن الله
لكن ركزوا على النقاط اللي ذكرتها ..
واللي عنده سؤال أنا حاضر
وأسأل الله لي ولكم التوفيق.
ودعواتكم درجتي م تنزل عن التسعين ( متفائل ).