قريت كثير في المنتدى أغلبيتكم يفكر يختبر الأيلتس من باب الأستعداد وأنه ياخذ فكرة قبل موعد الإختبارات.
موضوع بسيط حاب أشارككم فيه يختص بقسم الكتابة اللي هو يعتبر أهم قسم في أختبار الأيلتس .
و أكثر قسم يحتاج تدريب وفهم وممارسة للكتابة بكثره.
أخطاء ممكن البعض يسهى عنها مع ربكة الأختبار وقلة الوقت.
وفرصة لكم عشان تحاولون تطورون مستواكم في بعض الاساسيات اللي راح تقرونها الان وتتفادون الوقوع في هالأخطاء.
أفهم هالأخطاء وحاول أنك تبدأ تمارس الكتابة بكثره وتركز على تحسين مهارتك فالنقاط اللي تحس أنك ضعيف فيها.
1- الكتابة بالقلم الحبر بدلًا من قلم الرصاص !
طبعا غالبية المتقدمين يستخدمون قلم الحبر في الأجابه وهذا خطأ كبير ،
ممكن تغلط في كلمة أو حرف ولا تقول لا أنا مستحيل أغلط وبكون مركز لأن حتى المتمرس في هالأمور ممكن يغلط
ف أنت كذا تشوه منظر الصفحة بالشخمطة ورجتك طبعاً راح تتأثر.
الأفضل تستخدم قلم رصاص تكتب فيه عشان تقدر تعدل وتراجع وأنت مرتاح
وبعد كذا ترجع تكتب القطعة بقلم حبر ولا راح تاخذ معك وقت مجرد تنقل الكلام اللي كتبته على السريع.
2- عدم الانتباه للحد الأقصى من الكلمات المطلوبة!
الكثير منا مع ربكة الأختبار ممكن يسهى عن هالشي ،
طبعا معروف لمن تكتب قطعة يحددون لك عدد معين من الكلمات لازم م تتخطاه أو تكتب أقل منه لأنها راح تأثر على درجتك
ف حاول تعد الكلمات في كل سطر وتحسب معدل الكلمات في كل سطر وتضربه في عدد الآسطر
عشان لا تضيع وقتك فالعد ، حاول تنظم كتابتك عشان بعدين يصير سهل عليك تعد الكلمات بسرعه.
3- عدم التخطيط لما ستكتبه!
هذي أهم نقطه تعتبر.
خطط وخذ وقتك وأفهم المطلوب منك في القطعة أو السؤال وسجل ملاحظات في ورقه خارجية و أربط الأفكار
عشان تسهل على نفسك لمن تجي تكتب تكون أفكارك مترابطة وتختصر على نفسك الوقت.
4- الكتابة بشكل بطيء جدًأ!
الوقت أكبر عدو لك في هالأختبار ، لا تقول خلني أكتب بخط ممتاز أو تحاول أنك تنسق وترتب ، أفهم السؤال والمطلوب وأبدا أكتب بسرعه يكفي أن الخط يكون واضح وتسهل قرايته ، حاول تمرن نفسك على أنك تكتب بسرعه وبخط واضح.
5- عدم الاهتمام بعلامات الترقيم!
من أهم أساسيات الكتابة علامات الترقيم ، المصحح يبي يعرف فين بدأت جملتك وفين أنتهت
أهتم بالفواصل والنقط نهاية كل سطر علامات التعجب علامات الأستفهام ،
هذي تنحسب عليك فالتصحيح ويمكن تأثر على درجتك.
وهذا رابط فيه شرح مبسط لعلامات الترقيم .
6- عدم التأكد من محتوى السؤال!
جمله سمعناها كثير أيام الثانوي والمتوسط ، ( أقرا السؤال أكثر من مره ) وفعلا فهم السؤال نصف الاجابه على م قالوا.
عشان كذا آقرا السؤال وأفهم المطلوب عشان تعرف تنظم آفكارك وتعطي السوال حقه من الأجابه.
7- النحو، النحو، ثم النحو!
طبعا محد يختلف على أهمية القرامر في الكتابة والكثير يجهل فيها
ف حاول تمرن نفسك وتراجع القواعد النحوية بشكل مكثف.
8- ترك الأسئلة الصعبة بلا إجابة!
مهما كان السؤال الصعب أرجع وأذكركم ب مقوله كنا نسمعها ( لاتخلي شي فاضي اكتب )
حاول قد م تقدر تجاوب وتكتب حتى لو كان سؤال مبهم أو فاهم جزء منه أكتب اللي فهمته من السؤال.
9- عدم التأكد من ورقة الإجابة!
ركز في أوراق الأجابه لأن بتكون عندك ورقتين للأجابه لاتخلط بينهم وتحل في ورقه غلط.
10- عدم مراجعة كتاباتك!
كثير يضيق على نفسه الوقت وبالنهايه م يحصل وقت كافي عشان يراجع ، عشان كذا نظم وقتك
بحيث أنك تترك آقل شي ربع ساعه ألى نصف ساعة تراجع فيها إجاباتك بهدوء.
كل أنسان معرض للخطأ ومعرض أنه يسهو .
ماشاء الله أعجبني طرحك للموضوع مرره
الله يسعدك أفدتني وذكرتني أنو أهتم بالكتابة لأني كنت ساحبه ع هالنقطه ههههههه
#إن شاء الله مع الممارسة اليومية على الأقل نص ساعة باليوم ماينتهي الشهر إلا الأمور تمام
وإن شاء الله بعد القبول النهائي أبتدي أرتب جدول خاص للتطوير من لغتي الأنجليزية وإن شاء الله مايجي الأختبار إلا اموري تمام
والله يوفقنا جميع ي رب
ماشاء الله أعجبني طرحك للموضوع مرره
الله يسعدك أفدتني وذكرتني أنو أهتم بالكتابة لأني كنت ساحبه ع هالنقطه ههههههه
#إن شاء الله مع الممارسة اليومية على الأقل نص ساعة باليوم ماينتهي الشهر إلا الأمور تمام
وإن شاء الله بعد القبول النهائي أبتدي أرتب جدول خاص للتطوير من لغتي الأنجليزية وإن شاء الله مايجي الأختبار إلا اموري تمام
والله يوفقنا جميع ي رب
لاتنتظرين القبول النهائي .
من الآن أبدي طوري من لغتك الوقت عامل مهم
لازم الواحد يشد على نفسه ويهتم
و أنتي يبان عليك من الأشخاص اللي يحبون التعلم م عليك خوف
شدي حيلك والله يوفقك.