اقتباس:
المشاركة الأصلية كتبت بواسطة donia
هل تخصص معلوماتية صحيه له مستقبل؟
و ايش طبيعة العمل فيه ؟؟
قريت بالموقع عن مجالات العمل بس الى الأن لم توضح عندي الصورة
ف ياليت اللي عنده معلومة لايبخل علي |
تخصص نادر وجميل يتم استخدام التقنية بالصحه زي السجل الصحي الالكتروني , مجال العمل بالمستشفيات والشركات الطبيه ..
ومن ناحية المستقبل مثل ماذكروا الاخوان اجتهدي وربي يوفقك بالباقي
لكن عموما التخصص ضمن رؤية 2030 / يعتبر مطلوب جدا وراح يزيد الطلب عليه خلال السنوات القادمه كون المستشفيات بدت تطبق انظمه صحية متطوره بالمستشفيات ,
وطبعا هالكلام ماجبته من راسي , بعد ماقابلت كذا موظف في كذا مستشفى له خبره بقسم الانفوةماتكس قالولي هالكلام.
طبعا شغلك بيكون عالسستم بالمستشفى انتي كاخصائية معلوماتية صحية لازم يكون لك خلفيه صحيه + تقنيه.
وتعتبرين هنا حلقة وصل بين الاطباء والاخصائيين والتقنيين ..
من خلال دراستك له بتحسين انك تفهمين لغة الاطباء اللي مايفهمها التقنيين وبتفهمين لغة التقنيين اللي مايفهمها الاطباء.
المستشفيات حاليا كل مالها تتطور وكل مالها تتجه للتقنيه ..
ومثل ماقالوا الاخوان هنا كل قسم يحتاج 3 او اكثر اخصائي معلوماتية , مثلا قسم اللاب والاشعه و و
ف التخصص هذا وجد ليسد الفجوه ..
عموما حاولت اختصر قد مقدر واي سؤال انا حاضره.