السلام عليكم والرحمه ..
بحكم خبرتي البسيطه بهذا الإختبار ..
حابه أنصحكم كم نصيحه ..
أول شي:
وأهم شي .. أن الشخص يوثق بنفسه وبقدراته ويخلي معنوياته دايم عاليه .. أذا إنت حطيت لك هدف معين مع الإصرار راح تلاقي نفسك أنجزته ..
ثاني شي:
الناس الي جالسه تقول أن الإختبار صعب وتحطم فيك ( بلاش تسمعها ) لان كل شخص مختلفه قدراته عن الشخص الثاني .. والصعب عنده ممكن يكون عندك سهل !
إذا كنت محتار\ه بين إختبار ستب وايلس ..
جرب الإختبارات الأون لاين ..
كثير مواقع ممكن تساعدك تجرب الإختبار وتشوف كيف قدارتك (( خصوصا ستب))
لكن بشكل عام :
إختبار ستب راح تحل فقط خيارات .. أما ايلس فيتكون من عدة أقسام كتابيه ومحادثه ..
وبالإختبارين فيه إستماع ..
* إذا كنت تحس نفسك من الناس الي تعرف تتكلم وتعرف تكتب .. فإختبار أيلس راح يكون مناسب لك .. خصوصا أن فعلا كثير ناس مايضبط معهم ستب ولكن يعدو الأيلس ..
هذا لا يعني أن اختبار ستب صعب ..
ولكنه يحتاج أستعداد نفسي ورواق ..
خصوصا لما تجي تقرأ القطعه ..
أبدأ أولا بالأسئله حقت القطعه ..
أقرأ السؤال فقط ( لاتقرأ الخيارات الي تبع السؤال ) وأفهمه وبعدها أرجع للقطعه وأقرأها بتمعن من البدايه للنهايه ..
بعض القطع تظن أنك فهمتها من أول جملتين وعرفت الجواب ..
ولكن يجب عليك أن تنتبه لان لابد مايكون في السؤال حيله أو معنى اخر مايوصلك إلا اذا قريت القطعه كامل ..
تذكر\ي أن جزئية القطع هي اللي عليها الدرجه الأكبر بالاختبار .. فركزو عليهم قدر الإمكان
من الأسئلة اللي تحب تكررها إختبارات ستب:
- قاعدة if
- ترتيب الجمل
- الفواصل والنقط والأحرف الكبيره
بالنهايه ..
خلو إيمانكم بالله كبير ..
وحطو ببالكم إن الإصرار يعمل المستحيل ..
بالمرفقات راح تلاقو 5 ملازم مجهود شخصي ..
مؤهلي:
( بكالريوس لغه إنجليزيه + مستوى رابع IT ) (( المعنى أني كنت حريصه أنها مفيده وخاليه من الأخطاء ))
معلوماتهم مأخوذه من موقع ef
بداية من المستوى الأول .. ممكن تساعدكم بالدراسه ..
بعد ماتدرسو المستويات الخمسه ..
أبدأو بسياسة دراسة الجمل ..
يعني لما نجي ندرس إنجليزي ..
فمن الأفضل دراسة الجمل وليس الكلمات ..
لذا هذي الملازم الخمسه فيها مجموعه كبيره من الكلمات مع شرح لبعض القاعدات ..
ك مقدمه لتطوير لغتك بنفسك ..
أتمنى أكون أفدتكم ولو بشيء بسيط ..
موفقين ..