السلام عليكم ورحمة الله وبركاته
الموضوع بدون مقدمات هو إني كنت ناوية أكتب تجربتي بعد ما أخلص كل لفل بالمعلوماتية بس كسلانة
... لحتى شفت طالبة كاتبة تجربتها عن لفل 3 الله يعطيها العافية ... ذكرتني بالفكرة وانطلبت مني رجعت واتحمست وقررت اكتب عن لفل 4 مع إني خلصته من زمان شوي بس إن شاء الله كون متذكرة المهم
بدايةً المواد حسب الخطة هي 6 مواد ( مشتركة وتخصص وثقافة )
راح أبدأ من السهل للتخفيف و يا ليت يفيد
****************
ثقافة إسلامية 2 (ISLAM 102 )
أسهل مادة هي .... مثل شربة الماي ... معظم معلوماتها معرفة عامة
والمفروض لو شو ماكان مستواك ماتنزل فيها عن A لانها مساعدة لرفع المعدل
***************
برمجة 2 ( CS 141 )
اممم
... أحسن وصف لها السهل الممتنع ... يعني هي أسهل من برمجة واحد من ناحية إنك خلص خلصت من الأساسيات اللي كانت أصعب شي ... بس بدها جهد وجهد منيح وخصوصي التطبيق ( والله مهم مهم مهم
)
هي بالنهاية مادة IT واللي بيستمتع بالبرمجة راح يحبها ... الكتاب نفس كتاب برمجة 1 ... الواجبات عبارة عن مشاريع صغيرة وبدها فهم لحتى تقدر تحلها يعني نسخ لصق مايجي ... راح تنكشف يعني راح تنكشف
الدراسة بتكون من السلايدات والكتاب وال TBمع بعض .... بيكون في شباتر نظرية حفظية وأخرى فهمية مثل الرياضيات وراح تلاحظوا المواضيع المشتركة فيها مع الرياضيات ... فلازم فهم وتطبيق وبتكونوا اوكيشن
****************
أنظمة تشغيل ( operating systems IT 241 )
مادة طويلة و صعبة فهماً وحفظاً
... لماذا ؟؟ .... لأنها مادة تخصص بالصميم ... بتحكي عن النظام وكيف بيخزن وبيتعامل مع الأوامر بشكل معمق جداً.
الدراسة للمادة يتكون من السلايدات وال 100 % TB ... لازم متابعة طول الترم
( للموظفين على القليل تابعوا فهماً بيسهل الحفظ عليكم ) لأنها فيها كمية حفظ منيحة (16 شابتر) بس من نوع إذا ما فهمت ما فيك تحفظ ... قبل كل اختبار بينزلوا study guide مشان يقولوا لكم على شو تركزوا وشو المواضيع اللي يتنحذف فهيك بيخف الضغط عليكم شوي .
بالنهاية لو حاطيتوا براسكم راح تجيبوا ال A ... وفي كتير جابوها واللي اعلى منها كمان
******************
مقدمة للشبكات ( IT 240 )
هي المادة حفظ % 100
<< بس لأنها متعلقة بالشبكات بتقدروا تهضموها شوي وخصوصي لمحبي هيك أشياء ... بتحكي بشكل عام عن الشبكات وطرق توصيلها والأسلاك والأجهزة المستخدمة والبروتوكولات و بلابلابلا
المهم دراستها : بتكون من السلايدات 12 شابتر حفظ مع ال TB مهم وشي مهم كتير كمان هو أسئلة بالكتاب موجودة بكل شابتر اسمها self check ركزوا عليها كتير لأنه بيجي منها كتير بالاختبارات... لو ما عرفتوا حل شي منها اسئلوا المعلمين ولازم كتير تمروا عليها قبل الاختبار ماعم امزح
... الواجبات سهلة بتكون 4 أو 5 و الأجوبة مباشرة من السلايدات او الكتاب
المادة سهل تجيبوا فيها A أو أعلى إذا حفظتوها كتير يعني
*******************
رياضيات جبر خطي ( Linear Algebra 251 )
المادة
... احم أمزح من جد بس يمكن نحنا من المعلمة اللي اجتنا كلنا حسيناها ثقيلة دم ... المهم المادة صعبة ومابعرف شو بدها ... قصدي بدها هز أكتاف لحتى تنجح أو تجيب علامة عالية
... خخخ المهم المادة صعبة دبروا حالكم من الحين بطريقة تفهموها من مقاطع يوتيوب من أستاذ من الدكتور نفسه
الدراسة : من الكتاب بشكل أساسي ... كانت معلمتنا تنزل لنا السلايدات اللي هي معدلتها وندرس منها بس مع هيك ما بينفع تندرس لحالها ... والواجبات مهمة كتيييييييييير بيجي على نمطها الأسئلة ...ولكن ولكن ولكن عملوا فينا مقلب بالاختبار النهائي وجابوا أشياء ما أنزل الله بها من سلطان
************************
مادة مبادئ الإدارة (101 MGT)
صراحة وبدون مقدمات أنا بكره الإدارة وكل ما يتعلق فيها (يمكن رأي ما يهمكم بهي المادة ...
)
المهم المادة طويلة وغثيثة وسامجة ومنحطة و و عفواً
... المادة خاصة بالإدراة وسماجتها ونظرياتها وفلسفتها والدراسة من السلايدات وال TB وخصوصي الأسئلة المقالية منه ونماذج اختبارات سابقة موجودة مهمة جداً... بتحتاج حفظ لأنها طويلة كتير 16 شابتر فلازم حفظ أول بأول ... التلخيص مافي لأنه أصلاً السلايدات مكتوبة بطريقة التلخيص فما في شي يتلخص برأي .... يعني بس حفظ
*************************
بالنهاية اللي كتبته فوق بيعبر عن رأي والطريقة اللي درست فيها المواد ... إن شاء الله تفيد حدا ... صحيح إني انكرفت كرف
وصرت مصطفى .... بس بعد ما عديت ولله الحمد وبعلامات حلوة طرت من الفرح
لأني بذلت جهد ولقيت نتيجة ولله الحمد
اللي عنده سؤال يتفضل يسأل بدون خجل
موفقين
رابط موضوع تجربة العضوة iNorah عن لفل 3
هنا
جديد بتاريخ 25\7 \ 2016 رابط موصوع تجربة العضوة Over_sky عن لفل 4
هنا
رابط تجربتي بلفل 5 ...
تجربتي في Level 5 ... ^_^
وأي روابط مفيدة أخرى بالتوقيع أسفل