السلام عليكم ورحمة الله وبركاته
كيف الحَال جميعاً "-"
الموضوع بيحوي تجربتي الشخصية في الليفل الثالث من تخصص تقنية المعلومات، السمستر الأول كنت أحتاج زي هالموضوع عشان يرفع من معنوياتي ويبعد الغموض عن القادم.
ما راح انمق الكلام هنا، كلامي بيكون حقيقي وصريح
قبل آي شيء حطو ببالكم ان نظام اذاكر بذمه وضمير قبل الاختبار ماراح تنفع معاكم، لأسباب كثيره، أهمها كثر المعلومات اللي واقعياً ماراح تقدرون تذاكرونها باسبوع
فنعم فيه تعب وجهد كبير، لكن النتيجة بتكون مرضية بإذن الله، فلكل مجتهد نصيب
خلوني اتكلم لكم عن المواد اول شيء؛
طبعاً وفقاً للخطة الدراسية لتخصص الـIT بيكون عندكم 6 مقررات في السمستر الأول "ليفيل 3"
خمس مواد تخصص وماده عامه "العامه ثقافه اسلاميه فما يحتاح أقولكم عنها".
فخلونا بمواد التخصص
(1) برمجه 1 "CS140"
"مادة مشتركه، ياخذونها غيركم" مادة فهم وتطبيق، اذا ماطبقتو اللي فهمتوه ما سويتوا شيء.
المادة الأقرب الى قلبي
مادة سهله لدرجة ان خسارة اذا ما خذيتو فيها A، وممتعه كثير، وكلها على بعضها 8 فصول، فالأشخاص اللي علاقتهم مع الفهم حلوه بيستمتعون فيها
المادة مافيها حفظ كثير، يعني افهمو المصطلحات والفرق بينهم واموركم تمام بإذن الله.
لكن اعيد: افهمو عقب طبقو، طبقو، وطبقو التطبيق أهم نصيحة ممكن اقدمها لكم عن هالمادة.
(2) مقدمة في نظم وتقنية المعلومات "IT101"
"مادة مشتركه" مادة دسمه، حفظ 100٪. بإختصار احفظو أول بأول، غير كذا بترهقون نفسكم لما يجي الإختبار لأن المادة كثيره، لكن كفهم، سهله جداً.
أهم نصيحه ممكن اوجهها لكم، لخصو كل ويك بويكه بإسلوبكم الخاص عشان ترتاحون وقت المذاكره.
(3) تنظيم الحاسبات "IT110"
أصعب مادة واجهتني، وصلت فيها لمرحلة اعدي بس ما أبي درجه
لكن الحمدلله عديت بدرجة B فيها بشق الأنفس
المادة صعبه كفهم وحفظ، لأنها مادة عملية لكن للأسف بتدرسونها نظري. فلكم تتخيلون الصعوبه.
نصيحتي انكم تخصصون لها وقت من مذاكرتكم، وافهمو أول شيء عقب احفظو.
(4) الرياضيات المتقطعه "MATH150"
المادة الغشاشه
بداية الفصل حطيت ببالي صعبه ومستحيل أعدي، لكن عقب المذاكره اكتشفت انها السهل الممتنع، لكن عقب ما بدعت بالميدترم .
للأسف فيه كثير ما عدو هالمادة، فخصصو وقت لها "أكثر وقت ممكن".
لكن المادة معقوله كثير، ما أقول سهله لكن ايضاً مو صعبه؛ يعني ماث ويبي له تحلون بنفسكم، فدايم القلم بإيدكم لما تذاكرون.
"محدثتكم أدبي ، فلا تخلون هالشيء عقبه في طريقكم"
(5) الكتابه التقنيه "ENG103"
أسهل مادة يعني غير A+ لا تفكرون تاخذون فيها
المادة فهم وحفظ لكن مو الحفظ المرهق مع انه فصولها كثير، لكن الحفظ بسيط مقارنه بالمواد الباقيه.
المادة عيبها واجباتها الغير معقوله "10 واجبات" وكانت مرهقه والله، لكن واعدين انهم يخففون عددها فإن شاء الله خير
وبكذا نكون تقريباً خلصنا، لكن في كم شيء مهمين جداً:
1. لكل مادة في شيء اسمه التيست بنك "Tset Bank" هالشيء راح يكون الخيارات والصح والخطأ بالإختبار منهم "اقل شيء 85٪ من الأسئلة منهم" فاعتبروهم شيء اساسي بالمذاكره "بجانب السلايدات طبعاً".
2. الماث في المذاكره ركزو على الواجبات "كل الاسئلة جت مثل صيغتها"
3. مادة IT101 اذا ما لخصتو كل ويك بويكه بتتعبون، فالتلخيص مهم مهم مهم.
4. واخيراً التطبيق مفتاح انكم تعدون فلا تهملون هالشيء في المواد اللي قلت لكم تحتاج تطبيق.
ان شاء الله الموضوع يكون مفيد للجميع
بالتوفيق جميعاً.
30 أعضاء قالوا شكراً لـ iNorah على المشاركة المفيدة:
موضوع جبار وكلام يحمس ..
فعلا أنا معك بكل نقطططه ..
تسلمي وماقصرتي :d
التوقيع
IT makes everything just like a game .. and you need a strong mind to fix it نصائح لإختبار Step
for more information or support visit my ********* page @_oversky
Information Technology Level 3 Courses
العرض العادي
