منتدى طلاب وطالبات الجامعة السعودية الإلكترونية

منتدى طلاب وطالبات الجامعة السعودية الإلكترونية (https://www.alseu.com/)
-   قسم تقنية المعلومات (https://www.alseu.com/f15/)
-   -   Information Technology Level 3 Courses (https://www.alseu.com/t19514/)

iNorah 23-01-2016 03:40 PM

Information Technology Level 3 Courses
 
1 مرفق
http://www.alseu.com/attachment.php?...1&d=1453552705






السلام عليكم ورحمة الله وبركاته
كيف الحَال جميعاً "-"

الموضوع بيحوي تجربتي الشخصية في الليفل الثالث من تخصص تقنية المعلومات، السمستر الأول كنت أحتاج زي هالموضوع عشان يرفع من معنوياتي ويبعد الغموض عن القادم.
ما راح انمق الكلام هنا، كلامي بيكون حقيقي وصريح :D

قبل آي شيء حطو ببالكم ان نظام اذاكر بذمه وضمير قبل الاختبار ماراح تنفع معاكم، لأسباب كثيره، أهمها كثر المعلومات اللي واقعياً ماراح تقدرون تذاكرونها باسبوع ;)
فنعم فيه تعب وجهد كبير، لكن النتيجة بتكون مرضية بإذن الله، فلكل مجتهد نصيب 1222

خلوني اتكلم لكم عن المواد اول شيء؛
طبعاً وفقاً للخطة الدراسية لتخصص الـIT بيكون عندكم 6 مقررات في السمستر الأول "ليفيل 3"
خمس مواد تخصص وماده عامه "العامه ثقافه اسلاميه فما يحتاح أقولكم عنها".
فخلونا بمواد التخصص :D

(1) برمجه 1 "CS140"
"مادة مشتركه، ياخذونها غيركم" مادة فهم وتطبيق، اذا ماطبقتو اللي فهمتوه ما سويتوا شيء.
المادة الأقرب الى قلبي :D
مادة سهله لدرجة ان خسارة اذا ما خذيتو فيها A، وممتعه كثير، وكلها على بعضها 8 فصول، فالأشخاص اللي علاقتهم مع الفهم حلوه بيستمتعون فيها 1222
المادة مافيها حفظ كثير، يعني افهمو المصطلحات والفرق بينهم واموركم تمام بإذن الله.
لكن اعيد: افهمو عقب طبقو، طبقو، وطبقو:D التطبيق أهم نصيحة ممكن اقدمها لكم عن هالمادة.

(2) مقدمة في نظم وتقنية المعلومات "IT101"
"مادة مشتركه" مادة دسمه، حفظ 100٪. بإختصار احفظو أول بأول، غير كذا بترهقون نفسكم لما يجي الإختبار لأن المادة كثيره، لكن كفهم، سهله جداً.
أهم نصيحه ممكن اوجهها لكم، لخصو كل ويك بويكه بإسلوبكم الخاص عشان ترتاحون وقت المذاكره.

(3) تنظيم الحاسبات "IT110"
أصعب مادة واجهتني، وصلت فيها لمرحلة اعدي بس ما أبي درجه :D
لكن الحمدلله عديت بدرجة B فيها بشق الأنفس :D
المادة صعبه كفهم وحفظ، لأنها مادة عملية لكن للأسف بتدرسونها نظري. فلكم تتخيلون الصعوبه.
نصيحتي انكم تخصصون لها وقت من مذاكرتكم، وافهمو أول شيء عقب احفظو.

(4) الرياضيات المتقطعه "MATH150" :D:D:D:D
المادة الغشاشه :D
بداية الفصل حطيت ببالي صعبه ومستحيل أعدي، لكن عقب المذاكره اكتشفت انها السهل الممتنع، لكن عقب ما بدعت بالميدترم :D.
للأسف فيه كثير ما عدو هالمادة، فخصصو وقت لها "أكثر وقت ممكن".
لكن المادة معقوله كثير، ما أقول سهله لكن ايضاً مو صعبه؛ يعني ماث :D ويبي له تحلون بنفسكم، فدايم القلم بإيدكم لما تذاكرون.
"محدثتكم أدبي :D، فلا تخلون هالشيء عقبه في طريقكم"

(5) الكتابه التقنيه "ENG103"
أسهل مادة يعني غير A+ لا تفكرون تاخذون فيها :D
المادة فهم وحفظ لكن مو الحفظ المرهق مع انه فصولها كثير، لكن الحفظ بسيط مقارنه بالمواد الباقيه.
المادة عيبها واجباتها الغير معقوله "10 واجبات" وكانت مرهقه والله، لكن واعدين انهم يخففون عددها فإن شاء الله خير :D

وبكذا نكون تقريباً خلصنا، لكن في كم شيء مهمين جداً:
1. لكل مادة في شيء اسمه التيست بنك "Tset Bank" هالشيء راح يكون الخيارات والصح والخطأ بالإختبار منهم "اقل شيء 85٪ من الأسئلة منهم" فاعتبروهم شيء اساسي بالمذاكره "بجانب السلايدات طبعاً".
2. الماث في المذاكره ركزو على الواجبات "كل الاسئلة جت مثل صيغتها"
3. مادة IT101 اذا ما لخصتو كل ويك بويكه بتتعبون، فالتلخيص مهم مهم مهم.
4. واخيراً التطبيق مفتاح انكم تعدون فلا تهملون هالشيء في المواد اللي قلت لكم تحتاج تطبيق.

ان شاء الله الموضوع يكون مفيد للجميع 1222
بالتوفيق جميعاً.

mesh3l-966 24-01-2016 05:16 PM

جزاك الله خير ، موضوع جميل ومفيد، جهد تشكرين عليه

°Y U K I° 24-01-2016 07:03 PM

ألف شكر، رغم إنه باقي لي ترم عن التخصص إن شاء الله
إلا إني مهتم بقراءة بعض مواضيع القسم
وكنت أحبذ لو ألقى تجربة حديثة عن التخصص والمواد
ألف شكر بجد

غنام 25-01-2016 09:33 AM

ماشاء الله موضوع رائع ومشجع

الف مبروك النجاح وعقبال التخرج

iamal_88 25-01-2016 04:50 PM

يعطيك العافية ماقصرتي
كنت محتاجه هالموضوع خصوصا إني الحين بداية ليفل 3

7ussain 26-01-2016 11:09 PM

الله يعطيك العافية.

شكرا جزيلا موضوع جاء بوقته .

لافندر 27-01-2016 07:28 PM

شكرا ويعطيك العافية
طيب اذا عندك ملخصات او كتب ممكن تنزلها هنا
لاني ضايعة الي الان ماحصلت ولا ملخص حتي من الاستاذات

iNorah 28-01-2016 04:14 PM

اقتباس:

المشاركة الأصلية كتبت بواسطة لافندر (المشاركة 124100)
شكرا ويعطيك العافية
طيب اذا عندك ملخصات او كتب ممكن تنزلها هنا
لاني ضايعة الي الان ماحصلت ولا ملخص حتي من الاستاذات



هذا الموضوع بيساعدك ان شاء الله 1222
هنَا

Over_sky 30-01-2016 05:04 AM

موضوع جبار وكلام يحمس .. :)
فعلا أنا معك بكل نقطططه ..
تسلمي وماقصرتي :d

^_^ Sakura 31-01-2016 04:36 PM

روعة موضوعك الله يعطيك العافية :) ... كان بدي اكتب متل هيك بعد كل لفل تجربتي بس كسلانة :p

خلص أعهد لك بهذه المهمة :p .... بس شجعتيني اكتب عن لفل 5 لسى دوبي مخلصته إن شاء الله راح اكتب بأقرب وقت

سلام يا عسل


الساعة الآن 12:05 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.1 TranZ By Almuhajir

Security team