السلام عليكم ورحمة الله وبركاته .. انا متخرج من الثانويه عام 1425-1426هجري هل يتم قبولي ؟ وبخصوص السنه التحضيريه كل المواد انجليزي او فيها باللغه العربيه وانا محتار فيها وهل يمكننى بعد السنه التحضيريه اتخصص قانون ؟؟ وهل السنه التحضيريه سهله ام صعبه علما باان تويتر يشتكون منها ومسوين هاشتاق اتمنى توجهوني وتساعدوني الله يوفقكم

اخوي احب افيدك ان الجامعة تقبل بدون شرط اختبار القدرات وبدون سنة التخرج فقط مفاضلة بشهادة الثانوية وياليت قبل كل شي تقراء الشروط وتقراء الاسئلة الشائعة بموقع الجامعة ......
من ناحية صعوبة الجامعة مافية شي صعب بالدنياء دام الامل موجود خاصة اذا كان عندك هدف بتحققة
الجامعة كلها انجليزي وتتطلب حضور يوم واحد في الاسبوع وعندهم اختبار ستيب كفاية اللغة الانجليزية طبعا لك 3محاولات اذا ماعديت يتم طي قيدك ....
ونهاية كلامي الجامعة تبي جد واجتهاد ومذاكرة لاتتعب نفسك اذا كلامك والله بجرب خطاء جدا
عندك المنتدى اتصفح راح تلقى كل اجابة على كل سوال واستخر والله يكتب الي فية الخير للجميع

اقراء الخطة الدراسية في موقع الجامعة تعرف أكثر
و أما الشهادة فقط ثانوية و أى معدل و أى تخصص تقدر تقدم
و اللغة المهم يكون لديك معرفة و مع الوقت تتضح لك الدراسة و هل صعبة أو لا
كلا حسب ظروفه
يا اخي كثير منا له 20 سنة من تخرج و زواج و دوام و مشوار طريق
لكن سنة عدت و تعودنا
حسب التخصص يكون لديك رياضيات و مهارات و حاسب
كلها تعديها المهم اللغة يكون لديك معرفة تساعدك أو درجة قياس و قدرات يمكن تعادلها وترتاح كاملا

الجامعة الإلكترونية تعلن: نستقبل خريجي الثانوية دون امتحان قياس

السلام عليكم ..

اولا الجامعة السعودية الالكترونية صراحة جدا متعاونين ..

ومسهلين عليكم عملية القبول بدون شروط ؟؟؟

بس الباقي عليكم يا حلوين .. حمدالله الدراسة مو صعبة بس يبي لها شدة حيل ومذاكرة ..

وبالنسبة للانقلش اللي وضعه وسط كويس

واللي ضعيف يحاول يطور نفسه برا في معهد او برامج وراح تمشي اموره ...

واذا انت ناوي تدرس من قلب .. اترك عنك كلام المحبطين و تويتر ...


والله يكتب لنا ولجميع المستجدين التوفيق والنجاح ...

أضم صوتي لصوت الزملاء وأنا انصح صاحب الموضوع بالقراءة قبل الكتابة لأن كل شي مذكور في موقعهم تقريباً مع ملتقى طلاب الجامعة مع الدكتور عبدالله الموسى الله يحفظه على اليوتيوب شرح كامل