- السلام عليكم ورحمة الله وبركاته
الموضوع مفيد جداً, بعض النقاط طبقتها وعطتني نتيجة مذهله
وفي نقاط بطبقها بالسمستر الثاني بإذن الله
أعتقد النقطة الآولى لبنات التخصص بمَا إنَ التحضيري تسجيل موادهم يكون الكتروني, فـPass
النقطة الثانية:
أتفق معاك 100% كثير بنات يغيبون آول يوم بحجة ماراح يكون فيه محاضرات!
صح أغلب الآيام ما يكون فيه محاضرة لكن الأشياء اللي تقولها المس في بداية كل سمستر مهمه جداً.
ومن دون مبالغة رتبت لي حياتي الجامعية بنسبة 15%, لأن خلاص عرفت اللي لي واللي علي.
النقطة الرابعة:
ايضاً صحيحة جداً هالنقطة ومن تجربة
مستواي بالثانوي كان سيء جداً, ماهو غباء كثر ماهو كسل, ما كنت أنتبه وأحضر الإختبار بدون لآ افتح الكتاب
صح عديت وانقبلت بجامعة الدمام ولكن الشعور إنْ مستواي كذا مهما اجتهدت كان من أسباب ترك الجامعه السقيمه "الدمام".
ما كنت أعتقد إن مع الجهد بنجز شيء مبهر, لين جربته هالسنه. وكان طعم الإنجاز لذيذ.
يعني ما كنت أتوقع ان مستواي ممكن يكون كذا, لأن مقياسي كان الثانوي وذي كانت غلطة. لأن أنتي بالثانوي مختلف كثير عن إنتي اللحين.
فجد لا تربطين حياتك الثانوية بحياتك اللحين, لأن بس تعتقدين ان انتي شخص مستواك متدني بتستمرين بهالمستوى. وذا شيء مو صحي ابد.
النقطة السادسة:
بالضبط, هذا الشيء اللي رفع من مستواي هالسمستر إنِ آخذ كل كويز والميد تيرم بجدية كثير, وكنت دايم أقول الفاينل بذاكر كتاب كامل ليه ما اقلل على نفسي الكمية بإني آذاكر هالجزئة؟
فجد نفعني كثير وخفف علي بالفاينل الشيء الكثير.
النقطة السابعة:
وايضاً من الآشياء اللي طبقتها السمستر اللي راح وما تتصورن كيف صار عندي وقت كثير إني امارس فيه الأشياء اللي آحبها!
آيام ما كنت آدرس بالدمام كنت أعيش حياة مدري كيف؟ انقطعت عن آهلي وصديقاتي وجمعاتنا والآشياء اللي احبه والسبب (ماعندي وقت؟)
لكن بالحقيقة انتي عندك وقت وكثير بعد وبيزيد وقت من يومك وبتنصدمين بهالشيء.
مهما كانت الدراسة مهمة لازم بريك لنفسك وللآشياء اللي تحبينها وبريك لطلعاتك وجمعاتك, وهالشيء ما يضر من مستواك الَا بيزيده وبتنجزين وانتي مرتاحه.
النقطة الثامنه:
وهذي ممكن مشكلتي الوحيدة ما أحب اسأل, مو حيَا بس ما احب أحس خلاص افهم بروحي بعدين.
وهالشيء زاد المسؤلية اللي علي. ان شاء الله اتعلم كيف اسأل
الدرجات اللي بين الميدتيرم والفاينل مهمه جداً جداً. قد يكون بينك وبين الرسوب لا قدر الله درجة وهالدرجة تكون بالدرجات اللي موزعه.
فتعرفي على توزيع الدرجات وتمسكي بدرجاتك بإيدك وأسنانك زي ما قالت صديقتنا تيفيني
النقطة التاسعه:
ايضاً مهمه, أنا ما كنت أدرس في وقت مالي خلق, لأن مهما بريح ضميري اني درست ماراح يدخل أثبت وش درست؟
فنصيحة وقت الطاقة ادرسي فيه, بعضنا وقت طاقته أول ما يقوم من النوم, وبعضنا العصر, وبعضنا آخر الليل
فكل شخص يدرس بالوقت اللي تكون فيه طاقته فول
موضوع مفيد من كل النواحي عزيزتي تيفيني
جزاك الله خير, والله يكتبه في ميزان حسناتك
بالتوفيق لنَا كلنْا