قديم منذ /15-12-2017, 12:48 AM   #21

طالب جديد

_Reema غير متواجد حالياً

 

مواضيعي | ردودي

 رقم العضوية : 24467
 تاريخ الإنتساب : Oct 2016
 المشاركات : 85
 الجنس : أنثى
 مستوى التقييم : _Reema will become famous soon enough_Reema will become famous soon enough
النقاط : 29

شكراً: 11
تم شكره 85 مرة في 12 مشاركة
افتراضي


-




السلام عليكم ورحمة الله وبركاتة .


بالبداية راح أعبر عن مشاعري الجياشة إتجاه هالمادة
صحيح إني علمي لكن كنت أكره المادة بسبب مدرسة الله يسامحها ..
لدرجة وقتها من كثر ما أنا يأسة إني افهم كنت احفظ الكتاب حفظ !
هالشيء كان يساعدني أعدي نوعاً ما لكن مو بدرجات تبيض الوجة

رجع لي هالشعور بالتحضيري ، كنت زي الأطرش بالزفه على قولتهم ..
إلين قرب الميد تيرم كنت مستسلمة لكن قلت أحاول أجتهد وأسوي الي علي والباقي على رب العالمين ..
كنت معتمده على دروس سامر بطاينه في اليوتيوب .
شرحة جميل لحد ويك 4 بعدها بدا يصعب ويعقد المسأله فوق ماهي متعقده ..

كانت لي صديقه بالجامعة شاطره بالماث ماشاء الله عليها .. تعتبره تسليه من كثر ماهي تحبه وشاطره فيه !
كانت تشجعنا ونجتمع معها بالجامعة او خارج الجامعة وتشرح لنا الي مانفهمه صراحة ماقصرت معنا ..
ومثل أي دفعة نبحث عن نماذج اختبارات السنوات الماضيه ، وكنا جداً متفائلين لان النماذج كان مستواها من سهل إلى متوسط ..
المهم كنت مجتهده ويروح يومي كله مذاكره انام أصحى بين الاوراق (إسبوع ونص كامل على هالحال)
أول مره أكرف كذا في حياتي
وجا اليوم الموعود ومن إستلمنا الورق إنجلطنا حرفياً ..
كان أصعب نموذج مر على الجامعة وبإعتراف مدرسات المقرر !!
صديقتي (الشاطرة) جابت 16 من 20 وهذي كانت أعلى درجة
أنا جبت 11 من 20
بعدها تحطمت ، قلت في نفسي خلاص حاملة المادة حاملتها !
بعد فتره صديقتي حصلت لها مدرسه يمدحونها قريباتها (طالبات بجامعة نورة وغيرها) .
وجربتها ساعة وحدة فقط ومدحتها لنا ، انا مالتفت للمدح كثر مالفتني انها تلخص الشرح
الي تشرحه وبخط واضح وحلو وتلون بعد !
وعلمتها على الاله ..
انا تحمست ورحت اخذت عندها ساعة وفعلاً كانت عند حسن ظني ، لان مستحيل احد يهتم
بالتخليص والترتيب والتدقيق على كل نقطه ومايكون شاطر بالشرح ..
طريقتها في حل المسائل جداً سهله وسلسه على عكس الي يشرحونه لنا بالجامعه
(يشرحون طرق حل صعبه ومعقده) وحجتهم انهم يمشون على الكتاب ..
اخذت عندها كل الويكات بس كنت امشي بالعكس يعني اخذت معها من ويك ٧ إلي ١١
(وفادني هالشيء بالكويزات اخذت درجات كامله) ورجعت لأول ٦ ويكات قبل الفاينل (تبع الميد تيرم) ..
غير ان شرحها كان سهل جداً + صار معاي ملخصي الخاص من شرحها ، وتكتبه قدامي وقت الشرح
وهالشيء يساعد في اني اتذكر كل غلطه وكل سؤال وكل جواب وكل مثال .. فعلاً فرق معاي !
وكانت تتابعني بالواتس احل اسئلة الكتاب وارسل لها وتصحح لي ..
صار الماث وحل المسائل عندي متعه اسويها بوقت فراغي ما ابالغ !
وطبعاً البحث له دور ! ماكنت اروح مجرد اخذ درس واجي !
كنت ابحث بالمنتدى (فصفصته) والقروبات عن نماذج وتجميعات
وحتى سلايدات الفروع الثانيه (بعض الفروع مختلفه عن بعضها)
وتمارين الكتاب واطبعها واوديها لها ، وهالشيء ساعدها وساعدني اكثر لاننا شملنا المادة من كل الجهات ..
والحمدلله جا الفاينل ودخلته بكل ثقه وحماس كان مستواه متوسط إلى صعب نوعاً ما
والحمدلله اخذت +B
صحيح كنت أطمح لأكثر من كذا لكن لما اتذكر كيف كنت ضايعه وخلاص حاطه في بالي اني احمل المادة
أحمد ربي إني عديت كل هالصعوبات وطلعت بنتيجة مرضية .


نصيحة لا احد ييأس طالما قدامكم فرص إستغلوها وإجتهدوا مو تحطون يدينكم على خدكم
وتتوقعون تنجحون بدون ماتبذلون أي مجهود !
أهم شيء الكويزات والبراكتس والقريدد (30) درجة مو سهله ابداً ، النجاح من 60 فـ تضمنون 30 درجة
ويبقى لكم 30 درجة بين ميد وفاينل افضل من يكون اكثر من كذا ..
كثير واجهت طالبات يهملون هالشيء ونهايه الترم يصحون على نفسهم ، والنتيجة يحملون المادة .












  رد مع اقتباس

قديم منذ /30-03-2019, 04:55 AM   #22

 
الصورة الرمزية حلم86
طالب جديد

حلم86 غير متواجد حالياً

 

مواضيعي | ردودي

 رقم العضوية : 20929
 تاريخ الإنتساب : Mar 2016
 المشاركات : 26
 الجنس : أنثى
 مستوى التقييم : حلم86 is on a distinguished road
النقاط : 0

شكراً: 7
تم شكره 0 مرة في 0 مشاركة
افتراضي


ماقصرتوا الله يوفقكم جميعا








  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة