Hola, seٌoras y seٌores

Tu casa es mi casa.

بعد الترجمة



مرحبا سيداتي وسادتي بيتكم هو بيتي مرحبا بكم بصفحتي المتواضعة


معكم السيدة الأولى أقصد السيدة nema


العمر : 25

الحالة الإجتماعية : متزوجة

أم لطفلة جميلة والثاني جاي بالطريق الله يستر ادري بصدع

الحالة الدراسية : ثانوية + شهادة بسيطة في اللغة

وبإذن الله حتخصص في المعلوماتية الصحية ..


..


شخصيتي


انسانة فوضوية بكل شي تقريباً بس وقت الترتيب ترتيب صح ،

ما أهتم بالسطحيات والسخافات والماركات وال blah blah blah الخ

أحب الفلسفة وأقدر اللي يفكر بعمق مثلي ويحب المرح ومايدقق واكره شي عندي الإنتقاد

امممم ، التأمل مرات لوحدي شي أقدره لأنه يخليني أفكر بكينونيتي ووجودي بذي الحياة


حلمي كان بالطفولة إني أصير عالمة فلك وأتخصص بالنجوم والمجرات بس مايحتاج أخبركم

عندنا ماحد يقدر هالتخصص ! ونسفت مشاعري بصاروخ أرضي جوي يوم كبرت وأكتشفت ذا الشي

لحظة بكاء بالزاوية ..

.

.

.


خلصت اللحظة نرجع لموضوعي

حاولت وعانيت كثير من تخرجت ومريت بتقلبات بحياتي من 2006 هذا بالإضافة لمشاكل المراهق

أو المراهقة اللي تواجهه بذا السن حاولت أدرس بكذا مكان بس كان حظي نحس ولا نقول

الخيرة كانت مؤجلة ليوم كان معلوم عند الرب عشان ادهشكم بسدح لكم كم مكان خشيت:


"معهد مواساة "تخصص تقنية أسنان ، سبحان الله على حظي سكروه نفس السنة عن البنات

"جامعة أمير محمد بن فهد " تخصص إدارة أعمال ، غير عن إن أسعارهم تتجاوز المعقول وفي تزايد

الله يهديهم نظامهم يجيبو مدرسات انجلش ب 20 الف ويوم أنظلمنا بالترم الثاني انا وجميع بنات الفصل

رفضو يسمعون لنا ورسبتنا بدون أي سبب طبعا انا خرجت بكرامتي قبل لا أنصك ال F بوجهي


تجرعت المرارة وذهبت ازحف توسلاً لأبي < وش فيها قلبت الموجة

قلت يا كندا يا بلاها مابي ادرس هنا طبعا بعد مناورات ومشاورات وافق بس أيضاً حظي الجميل

بعد ماجهزت كل شي صكني بجبهتي ورفضو فيزتي بسبب تافه أيضاً ماحتعب نفسي أذكره


المهم


جاز لي أروح ماليزيا ورحت فعلا وكسبت البعثة بعد أن أمر خادم الحرمين بالبعثة وكنت من ضمن حقين المكرمة

درست قبل البعثة معهد أنجلش مرة حبوبين كلهم كانو إيرلنديين وأستراليين استفدت جداً من اللغة

ويطورون محادثاتك وطبعا لأنهم أجانب كان سهل التفاهم معهم ويحترمونك مو عكس شسمه

أكمل لكم بعدين عن الشسمه الزبدة مالقيت جامعات تقبل نسبتي لانها ماكانت عالية مرة

مسويين أصعب من قوانيننا أبشركم بس كل هذا ما خلاني أستسلم وطحت بجامعة هع حظي مرة ثانية

وداني لها أسمها MMU تاريخها أسود عند جميع السعوديين والسعوديات

عديت أمتحان تحديد المستوى حقهم وحطوني بالتحضيري طبعا على طول

وش تتوقعو صار لي بأول يوم وانا مضيعة بالجامعة ومالحقت على ال orientation day ؟؟؟؟

نكمل في الحلقة الجاية على قولة بابا فرحان

يالله كل هذا انتي .. ولسى عايشة :d

نضال اكثر من رائع ..

عموما يالله حيني في صفحة بنت عمي .. ويا هلا بي

سعود العنزي

جميل الانسان يكافح حتى تحقيق الهدف ..

السلام عليكم ورحمة الله وبركاته
اعجبني طريقة السرد للاحداث اضافة الى خفة الدم واسلوب مبسط للقاري المهم خلي وشسمه في حالة الى فيه يكفية ههههههههههههه ......... اتمنى لكي التوفيق وتقبلي مروري واحترامي .........

طريقه رائعه في العزف على الكيبور :d

والاهم من هذا بعد النسف من الصاروخ الارضي الجوي تمت المواصله هههههههههههههههه

وما اخرنا احنا الا شسمه ولا كان يمدينا دكاتره الحين وشسمه

ولاكن مانقول الا عزيزي المعلم عزيزتي المعلمه هذه تراها ورده >>

ههههههههههههههههههههههه

ننتظر المزيد :d