اقتباس:
المشاركة الأصلية كتبت بواسطة MAZ123
 طيب وين المشكلة انك موظف وتدرس.؟
اتفق معك انها صعبه انك توفق بين وظيفة وداراسة لكن حاول وحاول وحاول
تقول مفترق طرق وظيفة او دراسة على حسب وظيفنك علشان تقدر تختار بينهم, |
مصدر قلقي ومخاوفي كان هل استطيع التنسيق بين الحياة المهنية والدراسية والصحية بشكل يومي,
حاليا في السنة التحضيرية الوضع سهل ولايقارن بسنوات التخصص, لأني عادلت الأنجليزي ,واخلص يوميا قراءة فصل من كل مادة (المواد سهلة وفقط مادتين/المطالعة فقط أيام العمل) خلال دوامي,
وبعد الدوام العصر 16:00-17:00 احضر المحاضرات الافتراضية من الآيفون وانا في السيارة راجع البيت (بالنسبة لي المحاضرات مصدر ثانوي وليس أساسي لاكتساب المعلومات عشان كذا اخلي الجوال وانتبه للطريق) وتاخذ فعليا 30-40 دقيقة ,
بعدها أروح النادي لمدة ساعة وأرجع البيت مع عشاي الساعة 19:30. نتفلكس وأنام. يعني سنة فلة ونجاح
لكن حسب توقعاتي الشخصية سنوات التخصص راح تتغير الدينامكية لأنه 5-6 مواد في كل فصل دراسي لتخصص تقنية المعلومات مقارنة بالتحضيري مادتين فقط في الفصل الدراسي بعد معادلة اللغة,
مثلا : لازم فصلين من المناهج كل يوم والعطلة الأسبوعية راح أذاكر وأحل واجبات فيها وأنا مكره,
جهة العمل متعاونين بشكل كبير(وهذا كان غامض قبل التقديم وبدأ الدراسة) واتوقع الضغوط الدراسية ما راح تسبب مشكلة حرجة لأنها مؤقتة وتستاهل, لأنه أبد الراتب ما يكفي الحاجة حاليا ولا بعد 10 سنين بدون شهادة.
طموحي مرتبة الشرف وماجستير في الخارج ودكتوراه وبعدها وكيل كلية ثم رئيس كلية
بعدها أصير انشتاين اذا وصلت 60 سنة من عمري ومعاي جائزة نوبل للطموح المفرط. المهم أشوفكم في القمر 