عرض مشاركة واحدة
قديم منذ /15-05-2018, 09:52 AM   #1

dietitian
طالب نشيط

dietitian غير متواجد حالياً

 

مواضيعي | ردودي

 رقم العضوية : 22434
 تاريخ الإنتساب : Jul 2016
 المشاركات : 206
 الجنس : أنثى
 مستوى التقييم : dietitian is on a distinguished road
النقاط : 29

شكراً: 5
تم شكره 12 مرة في 4 مشاركة
Exclamation تجربة سنة أولى تخصص ! "توجيهات ونصائح"


السلام عليكم ورحمة الله وبركاته .


الحمد لله خلصت سنة دراسية كاملة بعقباتها وضغوطاتها .. الصبر كان يزيد وينقص بس الحمد لله البارح كان آخر امتحان ومن بعدها صدق من قال "التعب منسي"
أول شي حابة أقوله انه هالموضوع خلاصة "تجربتي الفردية" ومو شرط الصعوبة والاجتهاد متساوي بين كل الطلاب.
نفس الشي راح اكتب انطباعي عن المواد والدراسة وطبيعة التخصص بحكم تجربتي الشخصية .
في البداية حابة أذكر أخواتي واخواني المقبلين ع التخصص أنهم ينسون السنة التحضيرية عند عتبة باب السنة التحضيرية .
لأنه كل شي يختلف تماما تماما عن التحضيري .. طريقة الاسايمنتات البيبر و الكيس ستدي .
طريقة التحصيح تختلف .. الدقة في كتابة الواجبات مختلفة ع اللطافة بأيام التحضيري.
أسئلة الميد والفاينال عبارة عن صدمة عمر .. تختلف عن اللطافة الي نشوفه ايام الاكادمي او الحاسب.
طريقة الجامعة مع طلاب التخصص فيها صرامة بكل شي .
فأول شي حابة أقوله .. انكم مقبلين ع مرحلة "جدية جدا"
بالنسبة للعودة للدراسة .. اول شي لازم تسووه اخواني واخواتي الجدد انكم تمسكون الخطة الدراسية و ع اساسها تركزون في المواد الي تبغون تضيفونها كل لفل .. اللفل كامل او 4 او 5 مواد في اللفل
لازم يكون عندكم دراسة كاملة وفكرة عن متطلبات المواد " ومقدرتكم ع تحمل مواد لفل كامل 6 مواد"
انا "من تجربتي" انصح بمواد قليلة حتى تتعودون ع ضغط الجامعة بعدين امشوا ع الخطة كاملة .. بالنهاية لكل واحد طريقته في الدراسة وقدراته ع التحمل .
بالنسبة لتسجيل المواد .. لمن تعلن الجامعة عن اتاحة تسجيل المواد راح تنزل لستة المواد المتاحة كل لفل .. وانتم بعد ما تكونون قررتم المواد الي تبغونها .. تبدون تحددون اليوم الي يناسبكم للدراسة من خلال الجدول و تدخلون الـCRN حق المادة بالبنر بقسم التسجيل و بكذا تكون اضافة المواد .
نجي للشي المهم والي انا صارت لي فيه مشكلة . بعد ماتضيفون المواد بجدولكم .. لازم تشكيون قسم "جدول الطالب الاسبوعي" موجود بالبنر .. عشان تشوفون اوقات المواد الي نزلتوها بالترتيب الزمني .
والشي الثاني ادخلوا ع المادة عشان تعرفون البيانات حقتها من استاذ المادة إلى وقت ميد كل مادة مع الفاينال .. وشيكوا اذا فيه تعارض وقت الامتحانات او لا .. بالغالب التعارض يجي من مواد الاسلام لما مثلا تحط اسلام 2 .. السمستر الي فات كان امتحان الاسلام والبايوستاتيستك بنفس اليوم
نجي لطبيعة الدراسة :
من خلال تجربتي وتجارب بنات اللفلات السابقة .. لفل 3 اصعب لفل لانه كله مقدمة لطبيعة التخصص فمنه تبدأ الصعوبة .. المواد دسمة وكثيره وتحتاج مذاكرة اول بأول عشان اصلا تعرف تحل الاسايمنتات و عشان ماتجي صدمة المد و يجيكم انهيار لان المد الامتحانات ورا بعض .
المد جد مأساة كل لفل .. لانه الضغط كله ورا بعض وتسليم الاسايمنات بعض المواد الديدلاين يكون في اسبوع المد .. فالمتابعة اول بأول مهمة .
نجي للاسايمنات .. مافيه اسيايمنات تتشابه ! اقصد مو الي اخذوه الدفعه الي قبل بتاخذوه نفسه السمستر الي بعد ، الا ماندر .. الاسايمنتات تتجدد مثل مادة التيرمونولوجي اسايمنتاتنا كانت عبارة عن ميمو اسبوعي فيه 5 مصطلحات طبية و350 كلمة لازم يكون .. السمستر هذا الموضوع اختلف تماماً .
الشي المتعب انه فيه شي اسمه سيف اساين يستخدمونه الجامعة في البلاك بورد لما ترفع اسايمناتك فيكشف نسبة التشابه بين ورقتك وورقة غيرك او النسخ واللصق من المواقع بالانترنت .. كل استاذ له معياره في احتساب البلاجرزم .. بعضهم 50% الحد الاقصى .. بعضهم اقل او اكثر .
ايضا كتابة الاسيمنات سواء كانت بيبر او كيس ستدي لازم بطريقة APA والاساتذة بيعلمونكم عن طريقة الكتابة .
أيضاً راح تستعينون كثير بالمكتبة السعودية الالكترونية مصادرها مليانه معلومات وتشكل الاساس في كتابة البحوث الجامعية كمصدر مو كنسخ ولصق
الفكرة الاساسية من الكلام هذا مو تخويف هو بس main concept عن أول سنة تخصص .
زي ماقلت لكم لفل 3 هو الصعب .. لفل 4 كان اسهل بكثير بحكم انه احنا اخذنا البرنسبل حق مواد التخصص وصار عدنا قدرة ع الاسايمنتات وغيره .. عموما مواد لفل 4 سهلة ولكنها دسمة جدا وكميتها كبيرة .. والتحدي فيها انك تدخل المعلومات كاملة بوقت قياسي لانه أسئلة الجامعة خبيثة جدا جدا .. تتعب في حفظ التفاصيل الواضحة يجيبولك من السهل التافه الهامشي .. تركز ع السهل الهامشي .. يجيبولك الاسئلة من الكتاب.
ذاكرنا هالسمستر مادة المايكروبولوجي من الكتاب عشان السمستر الي طاف نكبوهم وجابوا كل شي من الكتاب .. والسنة ماطلعوا من التست بانك والسلايد .
الخلاصة من الكلام ذا كله .. ذاكروا التست بانك والسلايد ومروا ع السريع ع الكتب عشان تغطون ع المنهج .
مع انه نظام الجامعة بالامتحانات .. مواد اسئلتها سهلة .. مواد شوية فيها لف ودوران بس المجمل سهل .. مواد يجيبون فيها الشورت انسر صعب .. مواد يجيبوا الملتبل محير جدا والشورت انسر صعب .. مواد يصدموك كل الفلات الي قبل يقولوا سهل ويجي ع حظك يكون اصعب امتحان .
سستم الجامعة غير متوقع ولا متنبأ فيه بالاسئلة .. شكله ع مزاج الكوردنيتور .

واعتقد اني وصلت لنهاية الي حابة اقوله .. ممكن اضيف شي مستقبلا .
اتمنى للجميع اجازة سعيدة .. وسنوات دراسية خفيفة لطيفة

بالتوفيق







  رد مع اقتباس
3 أعضاء قالوا شكراً لـ dietitian على المشاركة المفيدة: