بسم الله الرحمن الرحيم
هذه مدونة فصول اكاديمية للأشياء التي اشعر انه من الجيد مشاركتها مع الجميع والإستفادة منها .
اول شيء سأكتب عن حصول على درجة اختبار ***** . إليكم التفاصيل ..
######################################
حمدالله اختبرت ***** اكاديمي جبت الدرجة المطلوبة المرة الثانية . احترت كثير كيف اوصف التجربة الحقيقية الي مريت فيها . بس حختصر ونصيحة هذي اوجهها للأشخاص إلي حاسين نفسهم ان مستواهم Intermediate as Independent person + الفهم عنده لا بأس به من ناحية الإستماع والقراءة تحتاج تقرأ مقالات اكاديمية تحصل بالأنترنت دور بقوقل والإستماع من موقع بي بي سي بس خليك عليه استمع كثير وركز كيف تشتغل اللغة . بنفس الوقت اول اول ماتذاكر قسم الكتابة وافضل مكان شفته يعطيك اشياء كويسة وشروحات هو موقع LIZ IELTS انت بس اكتب كذا بقوقل وبيطلعلك اول موقع تخش فيه فوق تحصل دروس متقدمة فيديوهات تشتريها للتاسك الثاني فادتني اكثر شيء الحمدالله وطبقتها مو جزئياً اقل من الجزئي وكانت كتابتي فورمال جزئي فقط وماوصلت لعدد الكلمات المطلوب لكن اهم شيء انك تجاوب على السؤال وتكتب وتبين له انك فاهم هذا اهم شيء .
من الخلاصة اهم شيء تذاكر اول شيء الكتابة لأنه كان البعبع بقوة بالنسبة لي لأني ما اكتب انجليزي ابداً !! . حتى تسيح المهمة بالنسبة لك اكتب بالأوفس من خلال الكيبورت على جهازك وخلي جزء في الشاشة للنموذج وجزء تكتب وجزء ثاني (يفضل شاشة ثانية بجانب شاشتك الحالية ) برنامج مترجم اوكسفورد وورد باور هذا من جرير يجي معاه سيدي يترجم عربي يفيدك بجانب مترجم لونجمان كونتيمبوراري تحمله من النت في مواقع كثير اتذكر اني حملته من انجلشتبس الروسي . التاسك ون المرة الأولى لمن اختبرت جا البار جراف والمرة الثانية لاين جراف . للأحتياط ذاكر الثلاث انواع الفطيرة والبار واللاين وكمان معاها نوع رابع الي يجيك مكس يحط لك نوعين واتكلم ايش الي بتشوفه .
نماذج essay كلها حملتها ماقريت غير واحد يمكن لو استمريت عليها اكثر شيء كان جبت درجة افضل لكن الحمدالله . بحطها بكرة ان شاءالله التاسك الأول والثاني .
اكبر شيء خلاني افحط بالأنجليزي ان اكثر وقت لعب فقط قليل مذاكرة . اخر شيء لازم تفصل الأنترنت وتحمل الي تبغاه ويفيدك وبس اجلس ذاكر فقط لمدة اسبوع وشوف كيف تغير بيصير معاك . مايحتاج تشتري كتب غير ووردبور اوكسفورد من جرير فقط المترجم الثاني تحصله من النت تحمله حتى اكسفورد كأني حصلته بمكان ما على العموم شوف لو حصلت بقوقل حمله مايحتاج تشتريه قدهم كسبو كثير منه ماشاءالله
هذاااا الكلاااام كللهه فقط لمستوى Intermediate يمكن يستفيد منه شخص بسمتوى اقل ما اعرف لكن هذا كان مستواية يقل او يزيد قليلاً . الله يوفقنا وياكم لكل خير .