اقتباس:
المشاركة الأصلية كتبت بواسطة inorah
 -
السلام عليكم ورحمة الله وبركاته
صباح الخير جميعاً
شلونكم؟ وكيف النفسية للسنة التحضيرية :d
ان شاء الله تكون سنة خفيفة وممتعة عليكم 
حبيت انقل لكم نبذة عن مواد التحضيري بشكل مبسط ولطيف,
لتكوين نظرة عنهم وابعاد الرهبة اللي أكيد اغلبكم حاس فيها :d
قبل مَا ابدأ حطو ببالكم هالأشياء:
أولاً:
اذا محدد هدفك "اعدي التحضيري واتخصص وعقب يصير خير" فأنت بدأت غلط حياتك الجامعية. وان هدف "انك تعَدي فقط" بيتحول لفشل وهالكلام ان ما صار بالتحضيري بيتظرك بالتخصص, ما أرهبكم هنا لكن في الجامعه مافي شيء اسمه بعدي وبس؟ لازم تكون مؤمن انك معدي بإذن الله ولكن التحدي بيكون بآي درجة بتعدي؟ يعني لا تهيأ نفسك بأقل جهد وأسهل طريقة, لأن الحياة الجامعية ما تمشي كذا. من آول يوم دوام حط أهدافك عن كل مقرر وآيش الدرجه اللي تبي تحققها بكل مادة 
ثانياً:
بدون جهد "يعني تعب" ماراح تواجه المقررات بشكل سليم. يعنِي المقرر لما يكون سهل مو معنى ذلك اسفطوه لين نهاية الترم وقبل الفاينل بإسبوع ذاكرو وخلاص ضامنين درجة مرتفعه :d
آخر شيء:
توزيع الدرجات مهم جداً. اعرفو وين درجاتكم موزعه ولَا تتهاونون بدرجة قد تكون لا قدر الله اللي يحدد نجاحك أو لا.
ملاحظة:
اذا سبق وحددت صعوبة المواد بالنسبة لك, هنَا بحاول أغير هالقناعه "بدون تفلسف :d" لكن احتاجكم أن تتقبلون الكلام بأنه ممكن واقع وصار. يعني استقبلو كلامي مو شرط تقتنع فيه, لكن تقبله وهذا يكفي :d
أول شيء أبي اتكلم بشكل عام عن الحياة الجامعية "عطوني فرصة اتفسلف شوي :d"
- الحياة الجامعية بشكل عام ممتعه جداً, وبتكون مغامرة لكل واحد منَا. والطموح هنا ان هالمغامرة تنتهي بنتيجة رائعه.
آمامك اربع سنوات تقدر بكيفك تكون سنوات انجاز وتحقيق أحلام أو ان قدر الله تكون سنوات فشل وتضيع سنوات مهمه من حياتك.
- فكرة أن النجاح مرتبط بالتخلي عن حياتك الإجتماعية وممارسة هوايتك اللي تحبها هذي غلط وعن تجربة شخصية.
عيش حياتك واستمتع فيه لكن لا تهمل دراستك, يعني كمثال اتعب بآيام الإسبوع وارتاح وكافئ نفسك بالويك-آند.
مكافئة النفس لها تأثير رجعي عجيب. فكافئو أنفسكم "عند آي انجاز حققته" ما يهم كبير أو صغير, المهم أن يكون انجاز حققته بنفسك مو بآساليب ملتوية.
- آرائكم عن أنفسكم ومستوياتكم وقدراتكم تحددكم للأمانه, وتختلف من شخص لآخر. فممكن أحد منا مؤمن انه بيحقق درجات كامله بكل مقرر, وآخر يؤمن بأن ببعضهم بيحقق كامله وببعضها أقل بشوي. وبعضنا :d يرأ نفسه فاشل دراسياً وكثير منه اذا عدَى المادة أو المقرر بـd "كنت أحد هالأشخاص  "
أول ما بدأت أدرس العام كنت مترسه رأسي أفكار ايجابية وأن بحقق نجاح بهالسنة, وهيأت نفسي بأني بتعب شوي وبتخلى عن اشياء احبها بأوقات معينة "كالفاينل مثلاً :d"
فبدأيت الدراسه بهذي الأفكار والتوقعات والحمدلله اليوم أنا متخصصه تقنية معلومات بمعدل مرتفع
نبدأ بالمقررات "زبدة الحكي :d":
الماث: أسهل مادة في التحضيري تحتاج فهم وقليل من الحفظ " أنا طالبة أدبي متخرجة 2010 :d"
أنا شخص افهم بشكل سريع الحمدلله وأحفظ الصفحة ب4 ساعات  , فقد يكون الأمر فيه تحيز بما اني شخص أفهم أكثر من اني احفظ :d
لكن حقيقة المنهج كان جداً ممتع يحتاج فقط فهم أول بأول. يعني لا تأخر درسين على بعض. وان حدتك ظروفك عاندها وخصص لك وقت حق الماث اسبوعياً اربع ساعات "تشابتر كل اسبوع".
الماث كان بشكل عام يعني مافيه تعمق كثير 
بيكون عندكم اختبارات قصيرة على كل واحد 5 درجات. وأفضل درجتين بترصد. وطبعاً الميدتيرم والفاينل.
الحاسب: واجهت صعوبه لأنها تعتمد على الحفظ أكثر. لكن حفظت وفهمت بنفس المستوى. خصوصاً أن المقرر بالإنجليزي فكنت مضطره أفهم ان حدث ونسيت اللي حفظته.
المقرر دسم نوعاً ما للي يذاكر أول بأول. ودسم جداً للي يطل عليه آخر الترم :d
نصيحتي افهمو عقب احفظو. لا تعتمدون على الحفظ لأن بيكون أصعب ويأخذ وقت
الحاسب ايضاً اختبارات قصيرة بترصد درجة أفضل اثنين. واكيد ميدتيرم وفاينل.
المهارات الأكادمية ومهارات اتصال: بالعربي وحفظ 100%
المقررات سهلة وبسيطة لكنها تعتمد على الحفظ. فإن كنتو زيي تحتاجون اكسترا جهد على المادتين. فكنت أحفظ أول بأول. وما اكدس عندي درسين على بعض.
هالمقررين بيكون فيها بحث علمي + واجب "للإكادمي" + تلخيص "للإتصال". بجانب اختبارات قصيرة والميدتيرم والفاينل.
وهذي هي مقررات التحضيري بشكل سريع.
يعني ان شاء الله ان كان فيه رهبه تكون شوي قلت عندكم
ملاحظة:
عن قصد ما ذكرت الإنجليزي بمواد التحضيري. لأنها أمتع كلاس بينهم كلهم. وتحتاجون فقط انكم تحضرون وتسولفون مع التيتشر حقتكم وهاف فن بهالكلاس لأن بجد ممتع جداً :d
بيكون عندكم اختبارين قصيرين + 4 برزنتيشنز "ممتعه" من غير ميدتيرم فاينل.
بخصوص الـef أحس كفَو الطلاب من كثر ما يتكلمون عنه :d
اذا عندكم آي استفسار عنه اسألوني
بالتوفيق جميعاً وسنة تحضيري ممتعه لكم إن شاء الله
|
ايش الاشياء اللي ممكن تساعدني فهم المواد اكثر خصوصا انها انجليزي