Shooq

ثالثا نزلي على جوالك قاموس عربي انجليزي وقاموس ثاني انجليزي - انجليزي.
في البداية استخدمي القاموس الانجليزي - انجليزي لمعرفة معنى الكلمة بالانجليزي واذا عجزتي مرة وحدة ادخلي على القاموس الثاني وابحثي عنها ولكن اذا فهمتي معناتها بالانجليزي بتقطعين مشوار كبير لأنهم يشرحون الكلمة بلغتهم بشكل بسيط جدا ولكن يصادف انك بتشوفين كلمات حتى نطقها بيكون صعب في البداية.

هذا تقريبا كل البداية.
إذا بديتي في تطبيقه وواجهتي صعوبي تفضلي استفسري وانا حاضر وبعد ما تتقنين الكلام اللي فوق ننتقل للمراحل المتقدمة.
تحياتي وبالتوفيق إن شاء الله

حاولي كل اسبوع تدرسين وحدة ولا تحاولين تتجاوزينها الا بعد ما تتقنيها بشكل كامل واذا خلصتي وفهمتي افتحي اي موقع انجليزي او شوفي لك اي مجلة او كتاب انجليزي وحاولي تستخرجين الشي اللي تعلمتيه في الوحدة وياليت يكون فيه احد من صديقاتك عندها المام باللغة علشان تفيدك هل استنتاجك صحيح من القطعة الخارجية أو لا.
ثانيا المثل يقول داوها بالتي كانت هي الداء.
اشتركي في موقع انجليش تاون التابع للجامعة لمدة شهر بدولار واحد فقط منها تاخذين فكرة عن آلية الدراسة قبل لا نبدأ وثاني شي انهم بيسوون لك اختبار تحديد مستوى (ونصيحة ثم نصيحة تجاوزي السؤال اللي تشكين في اجابته ولا تختارين عشوائي علشان لا يعطونك مستوى اعلى من مستواك).
خلال الشهر عندك عشرين حصة مباشرة صوتية وبتستفيدين منها بشكل ما تتخيلينه بالاضافة إلى الوحدات الدراسية المتاحة على مدار 24 ساعة.
يتبع....

تحية طيبة
في اللأأول والأخير كل كلامي القادم راح يعتمد على قوة عزيمتك وإرادتك في المقام الأول وبعدها كل شي يهون.
بما إن مستواك مبتدأة ورغبتك جادة وقوية فما راح يفرق معاكي اختبار ستيب الآن لأن العبرة في الاختبار النهائي يعني بعد 8 أشهر تقريبا من اليوم وهذي الفترة كافية جدا لأتعلم الأساسيات والوصول إلى المرحلة الفوق المتوسط وهذا هو المطلوب في الجامعة أو حتى في حياتك اليومية.
انا ولله الحمد الحمد تعلمت بنفسي ومن ثم دخلت المعهد لذلك باعطيك اللي سويته بالضبط.
قبل كل شيء انصحك تزورين مكتبة جرير وفيه كتاب اسمه
Basic English Grammar
وتحديدا لونه أحمر وفيه كل أساسيات اللغة بشكل مبسط وجميل ومعه سي دي للتمارين سعره 129 ريال تقريبا وعندي رابط له الكتروني لكن محتاج ابحث عنه ويعيبه ان الملفات الصوتية ما راح تكون موجودة وبكذا راحت فايدة التمارين ولا بتستفيدين. (مهم جدا ... الكتاب يجي بثلاث الوان والمطلوب هو الأحمر فقط وممكن تشترين معاه الكتاب الاحمر الإضافي مكتوب عليه Workbook).
يتبع.......