^
شكراً عبد الإله على المداخله .. ما قدرت أرد الأسابيع الماضيه لأني خنفرت وما عاد صار لي نفس أسوي شي .. توني أسفهل ولله الحمد

..

خلصنا اختبارات الميد البارح .. طبعاً ما كنت فاهمه ولااا شي في المناهج ولا أدري وش تتكلم عنه .. إهمال مب طبيعي تطنيش @@ برود تبلد مدري وش اسميه الصراحه :"
ربي ستر علي هالمره رغم صعوبة الاختبار .. والاسئله كانت تلحس المخ مدري هي صدق تلحس المخ ولا بلاني مدري وين ربي حاطني فيه أحسها صعبه؟ مدري @@ .. والوقت وآآه وآهآت و77 آه من الوقت كان العدو الأكبر.. أنا من النوع اللي حتى لو ما ذاكرت وراسي فاضي من المعلومات أحب أجلس مع نفسي وقت الاختبار وأشرح لمخي ومخي يفكر معي ويقول لي اكتبي كذا سوي كذا وأتفاهم معه ض1 .. بس اللي صار إن ما فيه وقت أسولف مع مخي :")
توكلت على الله وأي معلومه تخص المادة أو السؤال أكتبها .. صح أو غلط كنت أكتب وبس وأحيانا أسوي دمج جميل بين مادتين أجاوب جواب شي وأدخل فيه مادة أمس بالغصب

المهم نصيحه للطلاب .. لا تترك الفراغ فاضي لأن ما في مخك إجابه .. ولا منتب متأكد من الإجابه .. سواء كنت متأكد أو لا, شاك بتعداد معين, ملتبس عليك شيئيين .. اكتب وبس لعلها تكون صح وتصيب بتوفيق من الله

والحمد لله خلصنا اختبارات .. الله يستر من الفاينلز ويسهلها يا رب يا كريم

كنت داخله هالترم بحماس :"
< عادي ترى أقدر أخش بدون مقدمات وأعبر عن إحباطي :"

ما تبت عقب حركة الشهري .. أروح للاختبار ما ذاكرت :" ما أدري وش هو ذا اللي فيني؟ مدري ثقه زايدة؟ مدري تبلد؟ أحتاج أفهمني :"
وإذا صار عندي أوفات ليه ما أفتح السلايدات وأقرا ؟ بموت؟
ليه كل شوي أقول بعد ما أشوف هالمقطع بذاكر .. طيب شوي بتفرج على الانستقرام وأقوم اذاكر ؟ طيب شوي بآكل وأرجع وأذاكر :" ؟ طيب بتقهوى عشان أروق وأجي بقوة؟ :"
والنتيجة أنام وأنا ما فتحت ولا شي < أنا وأنا أتطاق مع نفسي

أخاف يجي الترم الجاي وأنا على هالحال .. أبي أتغير وأصير زي قبل :" كنت أفهم كل نقطه في المحاضرة وأسأل لو ما فهمت وأرجع للبيت وألخص بطريقة أستوعبها :" أبي إذا جا الميد ولا الفاينل أصير زي أول .. بس أراجع لأني مخزنه كل شي في مخي :" أنا مش أنا :"



هذا وضعي :"

هههههههههههههههههههههههه
ههههههههههههههه

الصورة أليمه جداً
فعلآ واقع
مدونه أستمتعت بتصفحهاا
أجتيازك للستيب طرحتيه بطريقه جداً سلسله يعطينا أمل

ربي يوفقك

قررت أجي هنا وأفضفض
عندي مشكلة مع دوامي :" .. أفكر أتركه وأفكر ما أتركه.. ولا بقى أحد ما فقعت اذنه بالسالفه منقهره لي يومين وكل من كلمني قلت له السالفه وأنا منقهره
المهم اللي في الشغل مطينين الوضع معي .. تكرف وتقطع عمرك لهم ثم يركبونك الغلط ويهاوشونك وضع شغلنا مب اللي مره رسمي يعني يُعتبر زي التطوع مني ومع ذلك ينتسفلّ فيك مب ظلم بالله؟ @@
وإذا فكرت إني أتركه أفكر بوقتي ما أحبه يكون فاضي مره مره بس في المقابل أنا مضغوطه ضغط مريع :"
لا من ناحية الشغل المعفن ذا ولا من ناحية الدراسه الأعفن ولا من الناحية الحياتيه الـ طوط طوط :"
مكروفين مكروشين على أبسط شي رغم أننا نحاول جهدنا وكثر الله خيرنا بس محد يقدر * فيس الواتس اب اللي ينفخ هوا من خشمه ومعصب * < المفروض ما أحط فيس يضحك بس الشكوى لله ض1

المهم أقولكم صدق الشغل يملآ الوقت غير أنه يكون لك مصدر دخل خاص حتى لو أن الراتب طفسه ما يسوى شي بس اسم أنك معتمد على نفسك @@ بس إذا صار مصدر إزعاج وقلق تخلونه @@ ؟
محيرني الموضوع مره مره @@ ولا أدري أتصرف إزاي؟ @@
شكلي بخلي الموضوع يمشي لين أشوف وش آخرة الهبالة اللي صايره @@

اجل يا عمده انا ايش اقولك

2 انفار من البزران واحد توه مولود والثانية سنة وشي

عمل بدأته قبل لا اخلص فترة راحتي حتى

دراسة وكويزات وميد تيرم جاي فوق كذا


لا ومكان دوامي اخر الدنيا يعني يعني باختصار انا وضغوط الحياة صايرين كذا <


تحملي وانا اوخيتس بس في نقطه ما أؤمن فيها بغض النظر عن الدخل ووقت الفراغ

العمل اهم شي تكونين مرتاحه فيه لو نفسيا مو مرتاحه مايستاهل تستهلكي صحتك ودراستك اهم شي

والاهم انه مايأثر فيها هذي نصيحتي لك فأوزني وقلبي الموضوع بمخك