ماذا سيحتاج الطلاب أثناء دراستهم في السنة التحضيريه ؟
-
السلام عليكم موضوع طرا ببالي فجاه وحبيت افيد المستجدين عشان يتداركو الاخطاء اللي وقعو فيها الدفعه الجديده اللي طاح على راسهم كل شيء
الاجهزه :
اول شيء راح اتكلم عنه الاجهزه والجوالات واللابتوبات > طبعا محد رفع ضغطه الاي اف والمايكات ابد ابد بخصوص اللابتوب لازم يكون جديد او اقلها مايكون قديم مره وثقيل وتجي بعدين تقول ليش مايفتح الموقع معي لانك راح تفتح كلاسات افتراضيه ومواقع ثقيله وخاصه البلاك بورد يجيب الصداع من ثقله برامج القراءه واخص مجموعة برامج adope لازم تكون متوفره عندك كلها وبدونها ماراح ينفتح معك شيء للتحميل : Adobe - Adobe Reader download - All versions جهزو مايك من الحين لانكم مضطرين تهذرون مع الاجانب كل يوم فيه بعضهم يسال وش اخذ ايباد ولا جلكسي تابلت اقولك كلهم نفس الشيء والمميزات في البدايه طنشته وقلت ماراح احتاج ايباد بس بعدين في الاختبارات توهقت البنات محملين كتب الكترونيه ع الايباد ويذاكرونها برواقه وانا جايبه قشي كله طبعا اكيد اسهل واخف انكم تذاكرون من الايباد او التابلت عكس لما تجي شايل كتاب وزنه خمسه كيلو مع شلة اوراق ثاني شي النت اللي يبي يتفاعل مع الاستاذ ويشارك راح يخدمه النت بشكل كبير مع ان المس دايم تهاوشنا تقول لاتستخدمون المترجم اثناء المحاظره بس لزوم نغش
الكتب :
بعضكم يقول دام بلقى الكتب موجوده عندي بالبلاك بورد ماراح يحتاج اطبعا ورقي !! انا هنا اقولك اطبعا وبشده بعدين لاصار عندك ضعف نظر موب نافعك شي اصلا غير ضعف النظر راح تتعبوون الترم الاول صار عندي ضغط واجهاد بمنطقة العينين واللي حولها والصداع الله لايوريكم شي لايطاق
المحاظرات :
نظامهم تتاخر عشر دقايق عن المحاظره يحسبون لك غياب علطول عشان كذا صيرو شاطرين واعرفو متى اوقات محاظراتكم ترا ماتسوى عليكم تنحرمون من الفاينل عشان تاخير ولعب وهستره اشترو ساعة يد عمليه وخلو عيونكم ع الدقايق مع ان البريك قصير اصلا مايمدي توضون وتصلون الا وقت البريك منتهي
المذاكره :
صدقوني هالجامعه ماعندها احد يلعب ابد ابد ذاكرو اول باول لاتخلون أي شي يتراكم عليكم وتعظون اصابعكم ندم انا ماكنت اذاكر بانتظام والحين ندمانه قد شعر راسي وخصوصا يوم دريت ان معدل الستحضيري داخل مع المعدل التراكمي العام لباقي السنوات لخصو الدروس اول باول لان ماراح يمديكم تذاكرون كل المنهج ايام الفاينل
بالنسبه للبنات :
اكبر مقاس شنطه تلقينه اشتريه هههههههههه لان مافيه لوكرز للاسف يعني تخيلو الزحمه الجوال والكتب والدفاتر والاقلام والعبايه الروج والكحل عفسه على كيف كيفكم صراحه انا افكر اشتري مقلمه واحط فيها الحبر والرصاص والمساحه والبرايه > ترا صدق بتحتاجونها اللله الله بساعة اليد بتفك ازمات الجوالات ام كاميرا اذا شافوك الامن مطلعتهم بالبريك تطقطقين ولا تصورين ياويلك مع انهم في البدايه كانو متساهلين بس الحين قامو يشددون على كل شي حتى اللبس القصير والشفاف مممنووع مافي الوان محدده للبس حتى التنوره البسي أي لون واي موديل بس اهم شي ماتكون اقصر من الميد اللي يلبسون كعب يبيلهم موضوع كامل وخاصه بنات الدمام كان مبنى واحد اللي ندرس فيه ووممر طويل يجمع القاعات وتعالو اسمعو صوت الكعب تحسونكم بعرس موب بجامعه
ومافي مانع يشاركوني طلاب دفعتي الموضوع بتجاربهم الجميله والاخطاء اللي صارت لهم وكيف قدرو يتداركونها اتمنى اني قدرت افيدكم ولو بشويه , واهلن وسهلن بالدفعه الجديده ودنا نرحب فيكم ترحيب يليق فيكم ونحمسكم لجامعتنا بس ماش السلبيين منتشرين في كل مكان بالتوفيق
72 أعضاء قالوا شكراً لـ ♥ Tiffany على المشاركة المفيدة:
موضوع حلو كثير
اول شي اعملتوا انني اشتريت شنطة كبيرة ومقلمة حطيت فيها اغراضي الشخصية
لازم يكون معك دفتر وهو ضروري تخيلوا في طالبات خلصت السنة وهم بطلبوا ورقة من زميلاتهم( دفتر واحد مقسم بيكفي)
طبعا كتاب الحاسب ما اله حل بس المواد الثانية طبعتهم وجلدت كل وحدة لحالها هيك اسهل وأخف
في وحدة من زميلاتي صورت كتاب الحاسب وصارت تجيب معها الوحدة اللي راح ندرسها
اول السنة كانوا متساهلين بالنسبة للبس بس بعدين صاروا يدققوا عليه لدرجة اذا شافتنا الإدارية ترفع عبايتنا تشوفنا شو لابسين تحتها وبعض الطالبات وقعوا على تعهد ... اما بالنسبة للكعب ترى انا وحدة ما بعرف امشي الا فيه زميلاتي بالفصل دائما تعليق علي جربت ولبست زحافي بس ما قدرت.( حسيت انك بتحكي علي .... انا من فرع الدمام)
الدراسة لازم اول بأول لانك بحاجة لكل درجة
الواجبات لازم تسلم كل اسبوع بأسبوع هذا بالنسبة للحاسب والرياضيات اما بالنسبة للاتصال والاكاديمية الواجب بينزل مرة وحدة بيرفع تقريبا خلال شهر لازم تخلصي الواجبات أول بأول والا كل شي بتراكم عليكم وبعدين بتخسروا من 20 الدرجة المطلوبة على الواجب
لانه ما في وقت واجبات/ كويز اول / ميد ترم/ كويز ثاني / كويز ثالث لتعديل الدرجات/اختبار نهاية الترم كله ورا بعضه
وا ن شاء الله بتكون من الناجحين المتفوقين
حبيبتي موضوعك مرا مفيد ربي يعطيك العافيه ..واستفدنا منه وأخذنا فكره عن اللي حنقابلوا بس نداوم
بس كيف الدراسه فيها , انا كل ما سألت احد يقولوا صعبه وماحتعدي ,بس انا متفائله
ماذا سيحتاج الطلاب أثناء دراستهم في السنة التحضيريه ؟
اللي يبي يتفاعل مع الاستاذ ويشارك راح يخدمه النت بشكل كبير
العرض العادي
