الله يسعدكم انا محتاره اخاف يكون صحه عامه صعب

والله الموضوع محير

انا مثلك محتاره , ودي احول وودي لا . مع اني احب علم الاوبئة والامراض

بس والله محتارة

ياليت تفيدونا اكثر عن تخصص الصحة العامة من ناحية الصعوبه والفرص الوظيفية بعد التخرج

انا ماني بنات
لكن من باب حب المشاركة
نصيحتي ونظرتي للقسم هذا غير جيدة
والسبب ببساطة بتحكمين على نفسك العمل فقط في المستشفيات
لكن قسم الحاسب الآلي مجاله في كل مكان
بنوك مدارس شركات مستشفيات والكثير الكثير
هذا مجرد رأي شخصي
تحياتي لكم

بالمناسبة في جامعة الملك سعود للعلوم الصحية بالحرس الوطني يعطون درجة الماجستير في health informatics
ولا يلزم ابدا يكون تخصصك طبي حتى تنظمي للماستر
يكفي حاسب آلي

نصيحتي ابحثي بكل ما اوتيتي من قوة عن التخصص ومجال العمل ابحثي ف النت شوفي منتدى وزارة الصحه ابحثي عن المشاكل اللي واجههوها خريجين هذا التخصص اذا وجد كذا اكتبي مثلا وظائف لتخصص صحه عامه وشوفي هل في شيء يطمن والا لال لا تخلين شيء ف بالك الا و مطلعه عليه لان هذا يعتبر مستقبلك يعني شيء حساس جدا جدا جدا لاتعتمدين على النت بس روحي بنفسك للمستشفيات روحي لاقسام الصحه العامه يمكن يغرك المسمى وتتخيلين اشياء ماهي واقعيه واذا تخرجتي انصدمت بواقع العمل مو نفس اللي تخيلتيه فعشان كذا حطي لنفسك تقريبا كذا 3 او 4 شهور كلها بحث وتحري لان هذا مستقبل ما ينعلب فيه بعدها اذا شميتي اي شيء ما يعجبك لا تكملين بالتخصص لان دائما اللي اوله مو واضح نهايته حتكون كدر وزعل وصدقيني يمكن تصابين بالاكتئاب بعد التخرج فاسألي قد ما تقدرين وخليك مفتحه زين والله يوفقك ويجعل مستقبلك زاهر وجميل

وطبعا هذا كله بعد ما يكون هو ميولك ورغبتك سوي اختبارات التخصص بعد شوفي شخصيتك ايش ينفع لها مجال دراسة وعمل اتوقع فيه بموقع قياس اخنبار الميول المهني او شخصيتك ايش يناسبها لانو احيانا احنا نختار اللي له نظره بالمجتمع ونغفل جانب كبير جدا اللي هو ميولنا ورغبتنا واهم شيء يناسب قدراتنا وشخصيتا اللي ربي خلقنا عليها وما راح نتميز ونبدع الا باللي خلقنا عليه فيه ناس مبدعين بالتدريس لكن ما ينفعون للاداره مثلا وفيه ناس عندهم ميول اكثر للحساب لكن ماعندهم فن ورسم مثلا كذا الواجد لازم يكتشف ميوله ونمطه عشان يكون مبدع
والله يوفقك لما فيه خير لك