السلايدات هي ملخص الشابترات .. وعلى كلام المدرسين قصدي القارئين ان السلايدات لا تغني عن الكتاب يعني القارئ جاي يقرا لك السلايدات وبعدها يقولك ذاكر الكتاب عشان ما يتوهق و يوهقك. بمعنى انه ذاكري الكتاب والا اذا انك مجازفة ذاكري الملخصات.
انا الي بسويه بذاكر السلايدات وبقرا الكتاب قراءة سريعة واي شي احسه مهم بضيفه على السلايدات وبذاكر اسئلة الشابترات لضمان شمولية المذاكرة وبطب على وجهي للإمتحانات.
------------------------------------------
انا الي يغثني و يفقع تسبدي هو >>>>>>>>>>مثلاً لما تفتح الكتاب بتلاقي فيه اهداف الوحدة لكل وحده او شابتر وهذا موجود بكل الكتب وهو يشرح لك اهم النقاط الرئيسية الي لابد ان يتقنها الطالب بكل شابتر او وحده ولما يجي الطالب يذاكر و يفهم اهداف الوحدة ...المفترض الطالب يدخل الإمتجان وهو متطمن وفاهم ومرتاح لكن ينصدم بأن المدرس هالي مسوي انه بيعقد الطالب يدور اسئلة مالها اهمية بالمنهج كله بكبره ويحطها بسؤال بايخ اكمل الفراغ او صح او خطأ ويغير كلمة او معنى على باله الطالب جاي حافظ الكتاب صم وعلى باله ان شاقي و مهتم للنقطة الي اثارها بالسؤال وهو والله ما يديرها و مع جنبه. وبالأخير ولا طالب حلها صح الا الي حظوظهم قويه وفي الأخير يجي المدرس يمن عليك بدرجات و يقولك تراي نجحتك و يحسب ان الفضل له مايدري انه من ثوارة اسئلته ضيع على الطالب درجات و معدل.
اتمنى من مدرسي او كاتبي الأسئلة ان يسهلوا الأسئلة او يهتموا بالنقاط الرئيسية بالكتاب والا ترا الطلاب مواريهم مواري سقوط