السلااام عليكم ورحمة الله وبركاته
كل عام وانتم بخير وعساكم من عواده ان شاء الله ..
طبعا واضح ان المنتدى مكتظ بالطلاب الجدد و90% منهم يجهلون امور مهمه بالجامعه
وانا حبيت اساعدكم بكل شي اتذكره
اول شي الف مبروك للمقبولين بالجامعه وحظ اوفر للي ما انقبلو ..
طبعا بعد ما يتم قبولك يرسلولك رساله SMS لحظور اللقاء الاول لطلاب الجامعه
بالنسبه للمقر اللي يتم فيه اللقاء الاول ما يكون بالجامعه يحطونه في قاعة مؤتمرات او شي زي كذا ..
وهو عباره عن ارشادات وتعليمات ومعلومات عن الجامعه
واي احد يبغى يطرح اسئله او افتراحات للجامعه لا يستحي كل شي مسموح .
ينتهي اللقاء التعريفي تبدا الدراسه: الدراسه هي يوم واحد بالاسبوع من الساعه 3-9 (يوم الاثنين في صباحي ومسائي , اتكلم عن الرياض فقط)
الجامعه ينزلولكم المواد كالتالي: رياضيات , انجليزي , مهارات اتصال | او حاسب الي , انجليزي , مهارات اكاديميه
ويسمحولكم بترتيب وقت المحاضرات زي ما تبغون والكل يعرف ان المحاضرات عباره عن 4 ساعات انجليزي وساعه ساعه للمواد الثانيه (انصحكم نصيحة اخ تخلون اول محاضره للانجليزي ) وبالنسبه للكتب اللي تشترونها للدراسه: هي كتاب الرياضيات وكتاب الحاسب الالي
اول شي لا احد يصور اي ورقه من الكتاب لانكم بتخسرون فلوس على الفاااضي (لان باخر السنه في ملخصات على 50-60 ورقه احسن من انك تدرس من كتاب 800 صفحه
والاسعار واحد ب145 والثاني ب160 ..
طبعا بالترم الاول كتاب والثاني كتاب مو مع بعض
سبيل المثال الترم الاول نزلولك رياضيات وانجليزي ومهارات اتصال (يا كرهي لذي الماده)
الانجليزي الدكتور بيرسلك على الايميل الكتاب وانت تحمله وتثبته على سطح المكتب وتدرس منه بس الافضل انك تطبع كتاب الانجليزي وتحضره معك في كل محاضره .
الرياضيات بتروح للمكتبه اللي جوا الجامعه تعطيهم المبلغ وبيعطونك ظرف فيه ورقه
هذي الورقه فيها سوالف كثيره بس تحت موجود كود عباره عن ارقام وحروف
تدخلها في موقع ماي لابس حق الرياضيات ويتفعل الكتاب (اللي ما فهم الدكتور بيطبقلكم كل شي ..)
الزبده الكتااب وجوده زي عدمه بس انت تشتريه عشان تقدر تحل الواجبات اللي في موقع "ماي لابس" ويا حظه اللي بيدرس عند الدكتور ابراهيم عبدالله
خلصنا من الكتب نخش على الكويزات
الكويزات عباره عن اختبار "مفاجئ" من 5 درجات
يحدث في كل المواد الا الانجليزي
والكويزات الدكاتره كان يساعدونا فيها كثير جدا جدا ..
نخلص من الكويزات ندخل على اختبارات الميد الميييييييد وما ادراك ما الميد
هو اختبار من 20 درجه في كل ما تم دراسته (تقريبا في 5او6 وحدات من اي ماده)
وبالنسبه لمادة الانجليزي مافيه اختبار ميد بس يكون فيه عروض تقديميه وتحضير مواضيع تلقيها امام الطلاب وتتقيم عليها من 100 ..
والمحاظرات الافتراضيه تكون على حسب الدكتور لان بالترم الاول ما اخذنا الا محاضره وحده فقط لا غير
بس بالترم الثاني ضغطونا جدا بالمحاضرات الافتراضيه (واغلب المحاضرات هذي تكون مو مسجله يعني لازم تحضرها
وبعض الدكاتره يخلي عليها درجاات )
وبالنسبه للواجبات في مادة الرياضيات الواجبات تكون على موقع "ماي لابس" تدخل وتحل تمارين
في كل اسبوع في 150-200 سؤال تحلها منها تمارين ومنها واجب (ولازم تحل التمارين كلها عشان تقدر تحل الواجبات)
وانصحكم لا تهملو واجبات الرياضيات لانها مهما كانت سهله ف هي كثيره جداااااا .. وعليها 20 درجه ف خساره تضيعوها ! وهذا موقع تحط فيه معادله يحلها بكل اشكالها هــنــا
وبالنسبه لمادة الحاسب تحلون الاسئله عن طريق هذا الموقع هــنــا
ومادة مهارات الاتصال ما اذكر اخذنا فيها واجب ! (بس طلب منا تلخيص الوحدات)
اما مادة الاكاديمي ف فيها واجبات طويله الله يعينكم عليها
وبالنسبه لكيفية الدراسه: مادة الرياضيات والحاسب بالانجليزي ومهارات الاتصال والاكاديميه بالعربي .
وبخصوص موقع EF: المفروض انك تدخل 5 ايام بالاسبوع وتحل تمارين وتحضر فصول افتراضيه (الفصول الافتراضيه بالEF عباره عن موضوع معين يتم الاعلان عنه طول اليوم وكل ساعه يبدأ درس مدته ساعه , ونفس الدرس ينعاد خلال 24 ساعه 48 مره )
بالنهايه اتمنى ما اكون نسيت شي واسف جدا على الاطاله
واي استفسارات انا تحت خدمتكم والله يوفقنا جميعا
التوقيع
اللهم صل وسلم على نبينا محمد
التعديل الأخير تم بواسطة عادل التميمي ; 02-08-2014 الساعة 09:13 PM
سبب آخر: بداية الدروس الافتراضية في ال ef تبداء كل ساعة وليس كل نصف الساعة
54 أعضاء قالوا شكراً لـ saleh abu-to'ema على المشاركة المفيدة:
شكرا جزيلا ع المعلومات
لكن اللي مجنني حكاية الرسايل في كل ارجاء المنتدى
ياجماعة ماجاني غير رسالة القبول والرقم الجامعي
وين الباقي اللي تقولون عليه رسالة من الجامعة لحضور اليوم التعريفي-ورسالة ع الايميل بالبريد الجامعي
ترا دوختوني
التوقيع
سبحان الله والحمد لله و الله اكبر
عدد ماخلق وملء ماخلق-عدد كا شيء وملء كل شيء
عدد ما احصى كتابه وملء ما احصي كتابه
عدد مافي السماوات والارض وملء مافي السماوات والارض