بالنسبه لاختبار الاستيب مطلوب 83 علشان تعادل لك ماده الانجليزي
انت جبت 67 يعني يبقى لك 16 درجه من اعمال السنه تجيبها علشان يعادلون لك الانجليزي ولاكن نهايه السنه .
بتقول لي ليش نهايه السنه انا اعلمك .
بالنسبه لاعمال السنه توزيعها على الشكل التالي :
الترم الاول 300+ الترم الثاني 300 هذا بالنسبه لمجموع الدرجات وليس النسبه الحسابيه لاعمال السنه
الـ 300 درجه هذي في الترم الاول لووو جبتها كامله يعني جبت 12%
طيب خلنا في الترم الاول انت جايب 67 في الاختبار الي اختبرته+ 12 من اعمال السنه لو فرضنا انك جبتها كامله=79 % يعني لين الحين وانت مخلص الترم الاول وفوق هذا جايب نسبه كامله 12 وماجبت النسبه الي هم طالبينها بمعنى انهم برضه لين الحين ماراح يقبلون لك معادله الماده لاكن وش الحل ؟
ندخل في الترم الثاني وبرضه عليه 300 درجه اي بمعدل 12 % اذا جبت الدرجه كامله
طيب فرضنا انك جبت اعمال سنه في الترم الثاني 4 + 79 مجموع الاختبار مع اعمال السنه الترم الاول = 83 وبكذا نقول لك مبرووك انت اجتزت الماده هذي وراح يعادلونها لك.
طيب بتقول لي صعب انه اجيب الترم الاول 12 ومجموع درجات كامل من 300
بقول لك احسبها بالطريقه هذي كأقل تقدير ممكن انك تجيبه
67 اختبار الستيب الي اخذته + 8 من 12 في الترم الاول + 8 من 12 الترم الثاني = 83 على شفا حفره ولاكن الاهم انك اجتزت وراح يعادلون لك الماده ولاكن احــــــــــــذر من الغياب
عارف اني لحست مخك بالحسابات هذي هههههههههههههه
لاكن هذي هي الطريقه الصحيحه وغير كذا ماظن انه صحيح انت الى الان يبغالك تجتهد في اعمال السنه
وللتأكيد اذا فيه اي معلومه غلط اتمنى من الاخوان والاخوات يصححون لي علشان مانضيع مستقبل شخص بحسبتنا هذي ونكون سبب في ضياعه
الله يوفقك ويوفق الجميع