بسم الله الرحمن الرحيم
السلام عليكم ورحمة الله وبركاته ..
أسعد الله اوقاتكم بكل خير
قبل كل شي بقولكم شي
أنا صحيح مبتدئ في الجامعة، لكن كنت انتظر هالوقت من زمااااان
لان نفسي أتعلم الانجليزي وحاولت أكثر من مره ..
دخلت معاهد ، اشتريت كتب تعلمت عن طريق النت ... الخ
افهم وأحفظ وكل شي تمام بس كان يعيقني شي واحد اللي هو ( ملل ) و السبب !!!
أن هالشي ماني ملزوم فيه ليه اتعب نفسي، وماني محتاج هالشهادة موظف ومرتاح نفسيآ ومعنويآ وماديآ ، واذا سافرت برى قلت ياريت كملت ..؟
المهم ..
اللي حمسني ادخل هالجامعة حاجتين ، وكل حاجة تشجعني للحاجة الثانيـة ..
اللي هي الحاجة الاولى
الأنجلش ، والثانية
الشهادة تنفعني بالترقية .
قريت أكثر من موضوع في هالمنتدى وغير المنتدى ذا
واستفدت من الجميع وبالاخص من أثنين
اللي هم عشان ما ننسى تعبهم
1/
سراي ، وهذا موضوعـه أتمنى تشقرون عليه
http://www.alseu.com/t7776/
2/
تيفاني ، قريت موضوعها يوم رجعت بآخذ الرابط نسيت موقعه وين وتعبت أدورة
(
أتمنى منها ان تضع الرابط في المشاركة لأستفادة الجميع )
بعد ما قريت المواضيع ضبطت لي جدول خاص للأنجليزي ,,
طبعآ ع الكتب اللي عـنـدي
الكتب اللي أخذتهم من
جرير ، صدقوني اللي فاضي ويقرا فيه يوميآ صفحتين بس او يتبع الجدول اللي بنزله
صدقوني اللي مايعرف للحروف راح يصير بلبل ..
مالكم بالطويلة
أولآ :
الكتب ،،،
هذا صورة كتاب (
القواعد ) اللي عندي طبعا قديم شوي له تقريبآ اربع سنوات
لحد يدقق بالشخابيط
مريت جرير وحصلت نفس عنوان الكتاب لكن هل هو نفس الكتاب ام لا ( الله اعلم )
وهذا كتاب
مترجم للكلمات
[IMG]
[/IMG]
ثانيآ:
الجدول اليومي ..
الجدول اللي سويتة هو عبارة عن
8 اسابيع ، مسـتـثـنى منها يومي (
الخميس والجمعة ) تكون اجازة لك ..
وخلال هالاسابيع بآذن الله
تختم الكتاب الأول وتنجز 80 بالمية من التعلم ..
ويتبع الجدول، كتاب أخر
مترجم للكلمات (
انصحكم بعد ما تقروها ثم تكتبوها ، تحطون هالكلمة في جملة مفيدة ) ..
ويتبع الجدول، خانه خاصة
للمقرر اللي راح ينزل لكم في الدراسة تنسقه حسب مخرجاتك ..
ويتبع الجدول أيضآ، (
منفذ، غير منفذ ) ، في حال طوفت يوم تعاقب نفسك في يوم الأجازه تذاكره ..
راح انزل صورة للجدول حق ا
لأسبوع الأول وباقي الأسابيع راح تحصلونها في ملف بالرابط
ما عليك سوى الضغط ع حفظ الملف
[IMG]
[/IMG]
وهذا رابط الجداول التابعة لكل الاسابيع
تحميل الملف
راح يكون جدولي اليومي
من السبت إلى الإربعاء كالتالي
ساعتين للأنجليزي ، ساعة للمقرر و نص ساعة للقواعد ونص ساعة لمترجم الكلمات + قراءة موضوع واستماع اليـة
ساعة للمادة الثانية ( لا أعلم ماهي )
وساعة أخرى للمادة الثالثة ( لا اعلم ما هي )
مجموع الساعات 4 ، راح يكون وقتي يوميآ من الساعة
الـ 8 مساءآ الى الساعة 12 ليلآ ..
ولك حرية الاختيار ..
نصيحة لك
خذ لك دفتر مقسم إلى 5 أقسام
القسم الآول / للأنجليزي المقرر لك
القسم الثاني / للأنجليزي الخاص لك
القسم الثالث / للمادة الثانية
القسم الرابع / للمادة الثالثة
القسم الخامس / كشكول وانت تراجع أي مادة وبعد ما تخلص ترجع للقسم المخصص للمادة وتستخدم الألوان للأقلام
(
أحمر للسؤال ، أخضر ، ازرق ، اسود للآجابات )
ودفتر آخر ، تحضر فيه الجامعة في حال الشرح تكتب فيه ما شئت وعند الرجوع للبيت ترتب ما كتبته في دفترتك المقسم بكل ترتيب
أختتم بدعوه لله ان يوفق الجميع
وتقبلو تحيتي